عضو تحت الاضواء

في البداية فكرة مميزة أخوي أبو العز .. وأهنئك عليها ...

أما لأخوي بندر .. فيستاهل يكون العضو الأول لللقاءات...

وبسأله شوية أسئلة:-
س/ ما هو أفضل كتاب قراءته.. ولمن تقرأ بالعاده؟
س/ من هو الشخص الذي قلت ( اللهم ارزقني خاتمة مثل خاتمته )؟

والسوعال الأخير:/
بأيش استعديــــــــــت لرمــضان؟!!


أتمنى ما أكون ثقلت عليك أخوي بندر ...

ابوالعـــز..
جعلك اول واحد بعدي قل آآمين..
يانا ناويك نية ...

نروح للاسئله على طول لان فيه اسئله كثيره بالطريق...

برأيك وبما أنك ذكرت زواج المسفار وأنه يعتبر جيد مقارنة بزواج المسيار ؟ هل سبق لك التجربة لذلك ؟
وبما أنك طلقت العزوبية هذا العام هل التشابه هل التشابه واضح مع ما ذكر سابقا ؟ وبماذا تنصح المقبلين على الزواج ؟

لا ماجربت لامسفار ولا مسيار ولا مقهـــار ولا مطيـــار ..
ولا ابغى اجرب

اكيد فيه مافيه تشابه بين العزوبيه والزواج ..
ياشيخ ... العزوبيه حرمــــــــان بمعنى الكلمه ههههههه

ثلاث وردات لمن تهديها ؟ ( الكميه غير قابلة للزيادة ثلاث فقط )

الورده الاولى : لوالدتي اطال الله في عمــرها..
الورده الثانيه : لملك الانسانيه الملك عبدالله بن عبدالعزيز اطال الله في عمره..
الورده الثالثه : بزرعهــا في حديقة منزلي (<< الاخ متأثر بروايات اجاثا كريستي ونصاب ماعنده حديقه) عشان تكبر وتكبر بحتفظ فيها لانسان غالي..

أفضل بيت شعر مر عليك ؟

بيوت الشعر الزينه واجد وبماانني احب الفصحى فاليك البيت:

لكل شيءٍ .. إذا ما تم نقصان **** فلا يغر ..بطيب العيش إنسان

<<< ذكرايات المركز الصيفي

ماذا تعني لك كل من ::

الديموقراطية // الحب // الخصيبة

الديموقراطيه :
لغه : دمقرط يدمقرط دمقرطتن فهو مدمقرطا .. وقالو دمقرط الرجل مع الرجل اذا ترك له فرصة في الكلام ..
وقالوا في الامثال ( خلك ديموقراطي) يعني لاتكون حقنه ورفعة ضغط وثقيل طينه..

اصطلاحا: الديمقراطيه هي ماتسمع به ولاتستطيع ان تراه .. قصدي ولا فيه امل ان تراه ..


الحب:
نوع من انواع المكسرات .. اذا اكلت منه حبه لازم انك تحبه... حُبه حبه حبه ارز ابوكاس.. وفيه انواع كثيره وافضلها المصري ... يشتهر جدا جدا في منطقة الاحساء حيث ان الواحد منهم مايسافر الا مالن مخابيه.... الحب بين قوسين هو ( الفصفص)


الخصيبه:
الديره اللي ولدت فيها ..
ديرة ربعي واهلي وعزوتي..
يازين رمضاااان فيها ..
كيف اسوي وآخذ اجازه هالرمضانيه واجي لخصيبه...
واشكل لي فريق طائره ومن استراحه الى استراحه ... يوووووه فله <<< ايش هذا خط موبايلي

المهندس خالد الشملان..

يقولون ان فيه واحد محشش ( لاوالله اثنين ماهو واحد ) كذب الشيطان على قولت اهل الجنوب : )
>>>> مزنوق ببتسامتين ياعالم قدروا وضعي

حوطي وخويه في لبنان شافو قسيس يعرج سألوه وشفيك؟؟؟

قالهم: أمس وأعت بالبانيو ..!!

الحوطي سأل خويه وشو البانيو؟!!!

قال خويه لعنبوك وش دراني شايفني مسيحي !!!!!!

>>> صاروا حواطا الله يقطعني ما ركزت وانا انسخ >> عارفين بدون ما اقول طبعا ابتسامه

<<<< هههههههه منسطح الى حد الانفجار من الضحك ...
من جد وش دخل البانيو بالمسيحيه ياخي اغبياء هذولا ولا يستهبلووووون
<<<< لا لا هذولا حواطا هو يقووول ...
>>>> بالله اها ..
انا مستغرب هم مايدرون ان البانيو آله موسيغيه ههههههههههه [/QUOTE]
<<<<< حــوطي بالتجنيس..

اربع شخصيات طبعا غيري تتابع اقلامهم بالمنتدى..

قلتلي غيرك!!
بصراااااحه احد اهم الي انا ااتابعهم هو انت..
<<< ون اوف يور فانز
ابوعزام
ابوبندر
ابوفيصل
مقبل بن نمران
ابوانس ولد اخوي
ابوالعز
متعب سليمان
محمد الضبيان
وقبل شموخ بدويه لكن الحين مدري وين راحت اختفت..

<<<< الاخ يقول اربعه مايقوول عددلي اعضاء المنتدى..

وش رايك بانضمام مربي الاجيال مثل ابوي الله يطول بعمره ابو خالد لمنتدانا >>> امدح ابوي شوي لا تنسى >>> بدون ما اقول

والله والله اني سعيد بوجود والدنا الفاضل الاستاذ المربي (حمد الشملان) الذي بوجوده وامثاله تقوى شوكة هذا المنتدى وتزداد ثقتنا بانفسنا وهذا ان دل على شي فإنما يدل على ازدياد رقعة وشهرة هذا المنتدى في اوساط المجتمع وايمان من هم مثل (حمد الشملان) باهميته .. صدقني وجود والدك ووالدنا ( حمد الشملان) اطال الله في عمره هو أمان لنا ومحفز وداعم كبير نحو غد مزهر ومستقبل منير..
فشكرا لانظمامه...

هل وركز معي هل انت ( ياربي لا اله الله الله نسيت ) نخليها بعدين تعرف انا مشغول الحين وودي انام
>>> مخرج 11 اقرب للبيت
:

هههههههههها
انا اللي عندي لك سؤال:
اقرأ الجملة التاليه بتمعن :
(تعرف انا مشغول الحين وودي انام )
واجب على الاسئلة التاليه:
1- اعرب ماتحته خط.
2- ماذا يقصد الشاعر حينما ربط النوم بالشغل في هذه القصيده؟
اتمنى عدم الاجابه بقولك ( المعنى ببطن الشاعر) لانه هذه الاجابه خاطئه..

ملاحظه: الاجابه في نفس ورقة الاسئله .. ثانيا : يمنع منعا باتا استخدام اللون الاحمر في الاجابه..

<<<<<متابع بصمت ومستمتع

هــلا وغـــــلا

بــبـــــــنـــــــدرون

اولون: اشــــكر ابالــــــــعــــــزن عــلـــى هــــذا الــمـــوضــــوعن وهـــذا الإبـــــــداعن

ثــانيون : مابك يافتى الجبيلن الصناعيه لاتشارك بفضاء الشعر <<<<<<< يسوي دعايه للقسم خخخخ


ثالثون : ماهي اجمل مرحلتون بحياتك؟


رابعن : مارأيك بمن يقول ان الشعر الشعبي كلام فاضين وقديمون

سادسن : شاكرون لك اتساع صدرك على اسئلة الجماعه والشبابون

متعب الفريدي

ياهلا ومرحبا منور البيــج ..
على الرحب والسعه اجاوب على اسئلتك وانا مغمض..
اصلا سهله اسئلتك.. ههههههههه
لانها نفس اسئلة العام حقت الدور الثاني
<<<< متأثر بسألة العلوم حقت ثاني متوسط (ب) كككككك

س1/هل توافقني الرأي أن جميع المشرفين الذين تم اختيارهم للأشراف على مجالس الفرده تم اختيارهم بحنكه ودرايه من قبل ادارة المنتدى وجميعهم بدون استثناء اهل للثقه؟

جدا جدا يستاهلووووون ومابهم قصوور وهم اهل للثقه وياليتنا نحذو حذوهـــم..
وفقهم الله لما فيه خدمة هذا المجلس ..
اشكرهم واحد واحد والله معــــــاهم..

س2/ بينما انت تتمشى وتدور على سيارتك ( الومينا ) في محل اقامتك ومكان عملك الحالي ( الجبيل الصناعية ) واذا بأحد الاصفال الملاقيف يرميك بحجر ويكسر الزجاج الأمامي لسيارتك ، طبعاً انت سويت نفسك ابو علي ولحقت الطفل حتى وصل الى باب منزله وأمسكت به هناك وقمت بضربه وتكفيخه وتصفيقة (طبعاً هذا تصرف عادي رح كلاً يسويه اذا صار عليه ما صارعليك ) المهم وانت تضرب الطفل اذا بشقيقه ألأكبر يخرج من منزلهم ويقف على الباب وانت تضرب اخوه.
طبعاً هذه صورة شقيق الطفل على هذا الرابط :

http://www.alfredah.net/up/up77/elite_foyWCsQZX5.jpg

سؤالي هو :
ماذا ياتورى انت بفاعل في تلك اللحظه ؟
هل تتهاوش انت وأياه (اييييه هيييين)
هل تهج
هل تجي وتعطيه مفتاح سيارتك وتقوله كسروا انت واخوك الزجاج يا بخت الزجاج الي تكسرونه

اول شي هذا سؤال ولا سيناريو حق فلم مصري ..
هههههههههههه
<<< توه يقرا السؤال زين
يوم شفت الصوره قفلت الموقع كله وطفيت الكمبيوتر وبعد نص ساعه بالضبط يوم تأكدت انه راح وانا افتح الجهاز واسمي بالله واتعوذ من ابليس وشوي شوي امشي لين وصلت لها الصفحه على راس اصابعي ههههههههههههههههه
تبي الصراحه ببلش مدري ايش اسوي لكن انا ابشرك ان لياقتي زينه وبفركلها هههههههههههههه
ومن خاف سلم .. هذا ماينطحه الا بايع عمره وبعدين السياره ومتعود على الطقات فيها وانشالله انشالله اني ماني ناوي الحقه بخليه الله يحاسبهم هالبزران

ماذا اعددت لشهر رمضان الكريم ؟

انشالله كل خير ... الصوم والصلاه وقراءة القرآن والله يعينا ويرزقنا الاجر اللهم آمين..

ســــــــــــــــــــــــ ـــــــــــــــــــــــــ ــــــــــؤال على الطائر
من قائل :إن الفجر لمن صلاه
وووووووووووووو وش قصده
----------------------------

منصور الطهيمي

هلا وغلا بهالطله .. منور منور البيج بحضورك ..
طلتك احلى طله ..

مسيتم بالخير يا الزكرت ..

والله يا عندي لكم سالفه رااايقه ..


سنت من السنين و من نهار هناك ..


قدر الله علينا و عزمنا إبن نغيمش

يم الجبيل .. ولزم الرجال بالحيل ،


وسمينا بالرحمن ثم سيرنا بهاك النهار اللي الله أعلم فيه

وعندك .. عندك .. عندك .. ولا والله ناصل إلى قريب العصر


الوكاد .. الله يجيركم وحنا نخطف المكلماني و نطنب بالصياح

على معزبنا اللي والله وصفلنا هالمكان وتواعدنا فيه وتسالمنا


ثم أخذنا هاب الريح إبن نغميش يم الفنتق اللي قبل الصحية

وقضب يدينا الرجال اللين جلسنا بصالة سبيرة بالحيل بالفنتق



وهو يرهج عنلكليزي .. وهو يهرج .. وهو يهرج


وحنا بس ندربي روسنا ماندري وش السالفه



مالكم بطويلتها

وينطلق علينا غليمن هنيدي وهو يحط قدامنا

لنا صحينات صغيرة علمنا بندر .. تالي أنها

سمونها الخواجات ..

.. كبشتينو ..

ثم لقطنا الله يجيركم لمطعم

وقالنا معزبنا أنه يبي يغدينا

له بمطعم له وسط

بمركز والله أني نسيت أسمه

الوكاد .. الوكاد

ما مر علي

مثل هاكالغدوه ..

اللي ألحقناها ببيره

وعقبها والله و تستدير بنا الدنيا .. طبعا من التعب بس

أيييييه .. طولت ياجماعة الخير عليكم لكن وش اسوي

السالفة لها ثمرة .. !!

ولا ابي والله أتفلفس عليكم بالحيل ..!!

يا أبو نغيمش ناشد بالله وش أسم المطعم اللي تغدينا به هاكنهار المبروك

ابوفيصل يعلم الله اني كنت اسعد الناس بزيارتك الميمونه..
الزياره اللي ضافتلي الشي الكثير والكثير ..
وهي المره الاولى اللي اقابلك فيها بعد مرور اكثر من 6 الى 7 سنوات..
لكن هذه المقابله كانت غير تلك المرات..
لان الالتقاء بك يابوفيصل - وبكل صراحه - له نكهه خاصه..
والحديث معك ذو شجوووون ..
والنقاش معك ممتع ومفيد ..
تشرفت الجبيل بوجدك يابوفيصل ...

اما عن الاجابه عن سؤالك فالمطعم كان اسمه (كانتون)
وياهلا والله ومرحبا فيك مره ثانيه وثالثه ورابعه وكل يوم بوديك لمطعم مختلف
ههههههههههههههه

سكند كوسشن .. وش رايك بحياة الجبيل الصناعية .. الله يعينكم عليها ..

بصراحه يابوفيصل اني مانكر اني احبها بجنون واكرهها بجنون في نفس الوقت والحزه هههههههههههههه
احبها لانها المدينه الحضاريه الصناعية المتطوره التي تستطيع فيها تحقيق امالك وطموحاتك وتطلعاتك المستقبليه .. مدينه مشيده على طراز معماري ومدني حديث .. في الجبيل الصناعيه كل يوم يمر عليك تتعلم فيه شي جديد .. وبالنسبه للتعليم فهو متطور فمناهجها الدراسيه تختلف كثيرا عن مناهج وزراة المعارف فمناهجها خاصة فيها وتركز كثيرا على العلوم التطبيقيه والحاسب واللغه الانجليزيه وهذا اشارة واضحه تضمن لابنائك فرصة التعليم الجيد ...
لكن هناك شي يجب ان تعلمه ان لكل شي جميل ضريبه .. والجبيل ضريبتها العزله عن الناس والمجتمع فالعاملين بالمصانع يقضون الكثير من اوقاتهم داخل المصانع والوقت القليل المتبقي لهم يقتصرونه على النوم ويقضونه في البيوت...
اما لماذا اكرهها بجنون لانها بعيده جدا عن عائلتي <<< يحس انه في غربه هههههههههههههههه

شكرا ابوفيصل مره ثانيه على مرورك

ظاهر
شكرا على مرورك وماعليك زود ...

وبسأله شوية أسئلة:-
س/ ما هو أفضل كتاب قراءته.. ولمن تقرأ بالعاده؟

بالنسبه للكتب والقراءه لا اخفيك علما انني في الاونه الاخيره قلت قراءتي عن الماضي .. الانترنت والعمل ومشاغل الحياه اشغلتنا كثيرا واصبح الكتاب صعب الهضم هههههههههههههههه
اما بالنسبه لقراءاتي فليس هناك كاتب معين احب القراءه له ولكنني من هواة القراءه في الكتب التي تدرس الشخصيه الانسانيه وتتعلق في التحليل النفسي وآخر كتب قرأته واعجبني كتاب مترجم للكاتب ( سبنسر جونسون ) بعنوان (الهديه)..

س/ من هو الشخص الذي قلت ( اللهم ارزقني خاتمة مثل خاتمته )؟

اللهم ارزقني خاتمة احسن من كل الخواتيم ...
خاتمة ترزقني بها الجنه .. اللهم امين

بأيش استعديــــــــــت لرمــضان؟!!

السؤال هذا سبق الاجابة عليه في اجوبتي على متعب الفريدي

شكرا مره ثانيه ياظاهر على المرور
تشرفت بالاجابه على اسئلتك..

المشاركة الأصلية كتبت بواسطة عبدالله بن غنام

<<<<<متابع بصمت ومستمتع

ابوعزام..

صمتك واستماعك يحملان في جعبتهما الكثير والكثير من الاسئله...

ازدانت صفحتي بمرورك وسعيد بحضورك..

شكرا لك