|
ديوانية مجالس الفرده . السلام عليكم ورحمة الله وبركاته حرصا مني على تواصلكم حبيت انشئ هذا الموضووع وهو مبين من عنوانه .. ديوانية مجالس الفرده والكل يعرف وش معنى الديوانيه !! وهي الاعضاء اللذين يكونون متواجدين ممكن يسولفوا مع بعض هنا يتبادلون اطراف الحديت والضحك وتبادل الخبرات وكسب المعارف .. واخبار المناطق والاحداث الهامه .. نتبادل الشعر والقوافي والالغاز ....... يعني ندردش سوااء ...... اتمنى ان لايجهل هذا الموضووع . واتمنى من الجميع المشاركة والتفاعل . |
رد: ديوانية مجالس الفردة . ارحبووووووووووووووووووووو ووووو والله ونورت ديوانية مجالس الفردة باهلها |
رد: ديوانية مجالس الفردة . ابو راكان وينك مختفي لك كم يوم عساه خير ان شاء الله يالغالي |
رد: ديوانية مجالس الفردة . وينكم يالفردة لاخبر ولاحس وش اخباركم وش علومكم مافيه احد يرد علينا ؟؟؟؟ !!!! |
رد: ديوانية مجالس الفردة . هلا وغلا حياك الله تو الموضوع جديد يبي له فترة |
رد: ديوانية مجالس الفردة . هلا مزعل شكرا لسؤالك انا منذ عشرة ايام بالاردن وكنت ادخل واخرج للاطمئنان عليكم فقط لاغير وامس بالليل دخلت للمملكه مشروع جيد ومطلوب بالحاح ونورت الديونيه يا ابن حماد ,,, حياك الله يا زيد عطنا شوي شرح يا ابن هدمول عن الديونيه |
رد: ديوانية مجالس الفردة . هلا ابور اكان والحمد لله على السلامة |
رد: ديوانية مجالس الفردة . الحمد لله على سلامتك والله نورت المنتدى ولك وحشه اما بالنسبة لديوانية يابو راكان هي مثل ماذكرت سابقا اخذ اخبار الفردة مثل خبر سفرك هذا وغيره من الاخبار واخبار المناطق والدردشة والوناسة وتبادل الاشعار والالغاز وغيرها وكذلك التعارف اكثر على بعض وهذا هو المطلوب واشكر اخوي زيد بن حماد الذي نور الديوانية بحضوره واتمنى من جميع الاعضاء المشاركة في هذه الديوانية |
رد: ديوانية مجالس الفردة . اليوم الجمعة تقبل الله طاعتكم ... الجو عندنا بالقريات ,, روعه والشمس ساطعه والسماء صافيه وغدا ان شاء الله اخر ايام مربعانية الشمال وقد كانت مربعانية ناشفه الله يجيب الخير والسيل وبعد المربعانيه ياتي ( سعد الذابح ) ويتميز بالبرد الشديد ومدتة 12 يوم ونص وقالوا العرب سابقا ( سعد الذابح ما يخلي كلب نابح ) من شدة برودته وياتي بعدة ( سعد بلع ) 12 يوم ونص اي ان الارض تبلع اي كمية ماء تاتي من السماء باذن الله وبعدة ( سعد السعود) 12 يوم ونص قالت العرب ( سعد السعود تجري المية بالعود ... اي تبداء الاشجار بالنوار وبعده (سعد الخبايا ) 12 يوم ونص ( تخرج الحيايا والديبان من خباياها ) ويبداء به فصل الربيع ,, ترى ان مجموع الايام اصبح 50 يوم وهي (الخمسينية ) الله كريم !!! واليوم ::: اتصلت مع الاخ عوض هدمول وباركت له بالمولوده الجديده وحجزناها !!! ويقول الحمد لله انه طيب ووالده ايضا والربع كلهم بالخصيبة ,, كذلك كلمني الشيخ سعد المحارب الوسوس (رئيس مركز اوثال ) :: وسمعت صوته واخذت اخباره التي سرتنا هذي اخبارنا ,,, الله لايبدل علينا الا للاحسن واياكم مشكور مزعل على هذا السبق بالديونيه |
رد: ديوانية مجالس الفردة . مازن الفريدي فكره ممتاز جدا جدا تشكر عليها وتشكر على جهودك ابو راكان الحمدلله على السلامه اما أخبارنا الخميس والجمعه مكشات يحبه قلبك مع شباب نشاما شرواكم يم الرفيعه وهك الديار ربيع يفتح النفس وشبة نار وهبة ريح البل تشبع والحليب واجد بس عيبه ان بعضهم اذا رويت حليب قال شوفو الخيمة فيها الصميل هننناك كان معكم جركل عبوه بس مخربه طعم الدباغ ههههه اما الزبيدي لم نبحث عنه بس فيه فيضه مريناها لقينا فيها ناس يلقطون زبيدي معهم كيس فيه حول 10 زبيديات كما حمر صغير شوي حجم التمرة السكريه قال لنا واحد منهم لا تدورون حنا لنا ساعة تعبنا الغنم حايستن الارض لذالك ما دورنا0 اليوم الصبح جانا مطر رشاش خفيف استمر حوالي ساعة لزمنا الخيمه لين كف المطر وشلنا خيمتنا وتوكلنا على الله الخميس اللي فات كشتنا للصمان كمان مكشات يحبه قلبك وخاصتن فيضة حسنا السبق الله الله كما يقال تسحب اللحمة على الارض ما تترب0 والمعذره فيه صور بس ما اعرف انزلها تحياتي للجميع هذي أخبارنا |
رد: ديوانية مجالس الفردة . اشكرك ابو راكان على تفاعلك الطيب والله يعينك في القريات والله البرد من جد واشكرك على هذه الاخبار عن خصيبة وعن اوثال الشكر موصول للاخ ناصر الدليله على تفاعله الطيب ولكن اقول للاخ ناصر عندك خطأ مطبعي لاسمي ( مزعل ) وليس مازن والله شوقتنا اخوي ناصر على الكشتات والزبيدي والعلوم الطيبه ودنا لو انك منزل بعض الصور الحلوو لهذه الرحله والله يعطيك العافية اما بالنسبة لاخباري عندنا حر له يومين شئ ماهو طبيعي تدرون ان درجة الحرارة وصلت امس 45 درجة مئوية ( في استراليا ) وعاد شوف الناس بدون ملابس في الشارع نساء ورجال يقولون انهم بغيرون بشرتهم من اللون الابيض الى اللون البرازيلي ( مثل لوننا هههه) واخيرا اتمنى من الجميع المشاركة في هذه الديوانية |
رد: ديوانية مجالس الفردة . السبت ::: اليوم وبدات الاختبارات في بعض الكليات الله يعين على التوصيل والمراجعات والتدريس !!! الله يعين الطلاب والطالبات وربي ينجحهم الاختبارات للمدارس يوم السبت القادم ويبداء شد الا حزمه على البطون وسهر الليالي !!! الجو يهبل !!!في اخر يوم من مربعانية الشمال !!! امس بالليل كان يوجد زحمة بالمنتدى ودخول اعضاء كثيرين والحمد لله !!! بس ........... التفاعل قليل !!! الله يخلي لنا مزعل ... فعلا عضو مثالي ... والاختبارت سوف تاخذ منا f15 وصغيرّ الخطيييييييير,,,, و ابن رغيان وبعض الاعضاءالحلوين المبدعين وقد لاحظت تسجيل اعضاء جدد بالمنتدى امس واول امس مثل ::: راكان الفريدي وبندر الفريدي ( اعتقد انه بطل الراليات ) ونبض المشاعر واسيرة الحب و دت نت ابو البراء ونجود وكادي والف الف ريدي وطلال رافع الفريدي والرحال وناصر بن داخل الفريدي وابو رهف ونايف الفريدي وهيا وبعضهم فعل تسجيلة وعضويته وبعضهم بالطريق ان شاء الله وامس دخل اخي الغالي ( تركي المحارب ) وعلق على مشاركة لي عن ( أوثال ) على هذا الرابط http://alfredah.net/vb/showthread.php?t=10986 وللحقيقة العضو هذا ( ذوووووووووق) واديب وقد علق بكلمات مثل العسل الجبلي وقد احرجني لدرجة انني لم استطيع الرد عليه ,,, سكت الكلام ووقف القلم من جمال ذوقه وادبه ,,,وهو ابن الامير / سعد محارب الوسوس رئيس مركز اوثال !!! من دون مهونه بأخواني اللى علقوا وكتبوا مداخلات,,,, |
رد: ديوانية مجالس الفردة . مشكورين على التفاعل مع هذا المتصفح والفضل للأخ مزعل وصاحب الفكرة وصراحة فكرة رائعة وانا متابع هنا ... اضافة اخبار السيل واحوال الجو شيء جميل بالاضافة لأخبار الأعضاء جهودكم محل اهتمامنا |
رد: ديوانية مجالس الفردة . الله يوفق جميع الطلاب على الاختبارات ويعينهم الله ويسهل الله امورك يابو راكان ويوفقك الى مايحب الله ويرضى اما بالنسبة ليوم السبت عندي فله لاني باجازة ياحظي هههههه والله يعينا عندي اختبار يوم الاثنين والله يسهله ويوفقنا يارب اخوي ضيف الله بن على نورت الديوانية بحضورك وتشريفك لنا وودنا لو يزودونا الاعضاء با اخبار السيل ولامطار اذا كان فيه شئ واشكر كل من تفاعل معنا في هذه الديوانية |
رد: ديوانية مجالس الفردة . الله يوفق الجميع شكرا لك مزعل فعلا متصفح رائع جدا لاعدمناك ولاعدمنا تواجدك الفعال |
رد: ديوانية مجالس الفردة . جئت هنا للحضور والتواجد واخذ أخبار الأعضاء و ما شاء الله عليكم تغطية واسعة من القريات لا قصى استراليا ! وصراحة عندما نتمعن بهذه المسافة عظيمة الطول، نحمد الله على نعمه الكثيرة والتي منها تسخيره الكنلوجيا لنا لتواصل والترابط والتعارف . تنبيه: أخوي مزعل لا تشمس تحترق مثلي اسمع نصيحة اخوك . |
رد: ديوانية مجالس الفردة . هلا ابو ماجد نورت الديوانيه مزعل ما اشوفه حنا معزبنا بالديونية اخوي مزعل ,,, بس لقيت النار والدلال على جالها والقدوع جلست وابا اصير معزب لين يجي مزعل الجديد عندي انني انتهيت الساعه الرابعه فجرا من مشاركة اسمها الاسياح وقد اعجبت هذه المشاركه الاخوان الذين علقوا عليها ووجدت عليها مشاهدات كثيرة ,,, وقد اعجبت المشاركة بنت اخوي مسك العود وقالت انها تفاجاءت بهذا الجمال الوطني وانها سوف تجعل الاسياح من ضمن الاجندة السياحيه المستقبليه ,, ومزعل قطع كفرات السياره وهو كل يوم عند السد !!! اما مشاركة اوثال فقد حظيت باقبال واتصالات كثيره انصح من لم يزور هذه المشاركات ان يتكرم علي بزيارتها واعجبني اليوم مشاركة لعندليب المجالس ( ابو عبد العزيز خلف الفريد) اسم المشاركة التمساح وهي تشبة قصة وابيات وفيها ابيات عفوية حلوة جداا جداا ... زيارة المشاركه مكسب للقاريء متواجد باذن الله |
رد: ديوانية مجالس الفردة . مشكور على المرور اخوي ضيف الله ولاتوصي والله عندنا شمس ماهي مثل اللي بالسعودية والله تحرق احراق ماهو طبيعي لكن الاستراليين مستانسين عليها يقولون انهم بيغيرون بشرتهم من البياض الى السواد سبحان الله عكسنا بضبط اخوي الكبير ابو راكان اذا انت حضرت كفيت ووفيت وانت المعزب وانا المساعد وانت الي منور الديوانية بوجودك وبحظورك المستمر وتفاعلك الرائع واخبارنا بكل ماهو جديد في الساحة ( الله لايحرمنا منك ومن جهودك ) اما بالنسبة لكل مشاركة لك تحظي بنصيب كبير من المشاهدين والمشاركين وهذا يدل على الطرح المميز والموضوع القيم في المشاركة اما بالنسبة للاسياح فهي مكان يستقطب ناس من خارج المنطقة وذلك للمناظر الجميلة وخاصة منتزه سد مارد ( مثل ماقال ابو راكان قطعنا كفر السيارة ) تراه ياابو راكان اخر مرة زيارة لسد مارد في عيد الاضحى الماضي عندما كنت متواجد في السعودية وتفاجات في البحيرات الكبيرة والمناظر الجميلة من جد رووعة ومن هذه الديوانية نتمنى من الجميع زيارة الاسياح والتمتع بالمناظر الجميلة اما بالنسبة للاخبار اشوف ماشاء الله ضيوف واعضاء جدد يوميا وهذا مبشر بخير ودلالة على رقي هذه المجالس الى القمة باذن الله واتمنى من جميع الاعضاء مشاركتنا بجميع الاخبار |
رد: ديوانية مجالس الفردة . صباح النور ,,,, نحن هنا!!!! اخبار ؟؟؟؟ علوم ؟؟؟ وستر الله يدووووووووم توني دخلت وحبيت اصبح عليكم بالخير ,,, وان جاء علم جديد ندخل ونسولف |
رد: ديوانية مجالس الفردة . صباح القشطة ..... ونحن بانتظار الاخبار والعلوم الجديدة |
رد: ديوانية مجالس الفردة . صباح الخير لكل الموجودين صباح تغريد الطيور بيوم جميل من هنا ومن استراليا اصبح عليكم بكل خير علما بان عندي الوقت مساء لكن اقول لكم صباح الخير والنور وان شاء الله تكونون في احسن حال والله مع كل مجتهد وكل طالب وبالتوفيق للجميع يارب |
رد: ديوانية مجالس الفردة . هلا والله بمزعل مساء الخير لك بس ههههههه المهم وش صار على الفيضانات اللي عندك عساك بعيد عنها ان شاء الله؟ |
رد: ديوانية مجالس الفردة . نورتنا ونورت الديوانية ياعبدالله على حظورك وابشر بالقهوة وعلوم الرجال يالسنافي لا ابشرك اني بخير والفيضانات في ولاية ثانية غير الولاية اللي انا فيها حنا لنا اسبوع حر ماهو طبيعي ماتشوف الا الحرايق في الغابات والله يستر اخوي عبدالله انت نزلت مشاركة قصيدة عن صلاة الفجر ودي اسالك عنها من هو قائلها لانها موزعة عندنا في الجامعة اذا انت تعرف قائلها ممكن تخبرنا منهو واخيرا اشكرك على حظورك في الديوانية |
رد: ديوانية مجالس الفردة . الله يمسيكم بالنور عيال ابوي راشد اليوم انا نزلت مشاركة حصلت قبل فترة طويلة باسم ابن ساري الليل .. على هذا الرابط http://alfredah.net/vb/showthread.php?p=85503 تتكلم عن حكمة عظيمة لابن ساري الليل ,,, مافهوها ربعه ,,, لما قضى بينهم وبين سايق الشيول الكوري وسوى نفسةيعرف ويفهم كوري وهو كان حكيم لان صاحب البيت واخوياه ماراح يفكون الكوري فقام هو يترجم وافهمهم انه حل المشكله وفهق الكوري شهر همن لما خلصت الوعده جوه يطالبونه وهو دق صدرة وقال انا مستعد اسوق عنه الفلوس واصلح الجدار ولكن طلع ربعه طيبين وسامحوه ,,, تستاهل المشاركة هذه الدعاية لها ,,,, وكمان مشاركة ام العيون الكحيلة ,, http://alfredah.net/vb/showthread.php?t=11072 وسلامتكم الجو عندنا ربيعي رائع ويصلح للكشتات ,,,, بس ياربي لك الحمد ,,,, لاربيع ولا غدران ولا وجه حسن !!! حشا ام راكان الله يخليها لي ولعيالها ,,, شوي بعد العصر بتصلح لي الدله والقدوع السكري وبراد شاهي بالنعناع وبجلس انا واياها بالحوش ,,,, وهات سوالف وهبة ريح وعلم غانم |
رد: ديوانية مجالس الفردة . بسم الله الرحمن الرحيم السلام عليكم ورحمة الله وبركاته انا اخوكم بدر بن دخيل الله بن دغيم بن ضاوي العيابي الميسوي الفريدي الحربي والنعم :D باركولي على نجاحي::mad:: الحمد لله اخذت الشهادة يوم الاثنين وكلها واحدآت عقبال عندكم لكم ولعيالكم وحصلت على نجاحه قيمه من الاهلهههههههههه:o:o |
رد: ديوانية مجالس الفردة . هلا وغلا باخوي بدر بن دخيل الله الميسوي الفريدي ( الخطير ) نورت الديوانية بحضورك والله والف مبروك الف مبروك النجاح والله من جد فرحتنا بهذا الخبر وان شاء الله عقبال الدكتوراه يارب http://alfredah.org/up/uploads/50a74a760b.gif http://alfredah.org/up/uploads/50a74a760b.gif |
رد: ديوانية مجالس الفردة . مساء الخير ولاحساس والطيبة مساء يملؤه الحب والاخلاص مساء مايطيب الا لطيبين مساء لكل الموجودين من اخواننا واخواتنا ان شاء الله تقضون اوقات سعيدة في هذه المجالس والديوانية هذه الايام خالية من الزوار القهوة جاهزة والعلوم موجودة ماناقصنا الا حضور الطيبين |
رد: ديوانية مجالس الفردة . أبشركم بنيتي بدت تخطي وعقبال ماتجري الله يصلحه والخطوط السعودية زحمة كلها انتظار 3حجوزات حجزنا ولا وحدة تأكدت وبدا البرد يرجع لنا في الجنوب قبل ماكانت الاجواء حلوة تلاقي الشمس طالعة والجو بارد حييييييييييل لكن تهامة في ذاالوقت ماتفوت جوها خيال والبحر مزحوم كل الجنوبيين نازلين عليها هربانين من البرد وسد بيشة قفلوه يقولون راح يسوون فيه تعديلات استعدادا" لإجازة الصيف والنماص موبرد وبس مووووووت ماتنفع إلا في الصيف الصراحة خيااااااااال يكون جوها على هاالغابات اسوي لها دعاية اللي ماتعجبه الزحمة اللي في السودة في أبها وقت الصيف شوري عليها ينزل النماص واللي يحب الطيور الغريبه والصقور وبارخص ثمن ينزل على جيزان والا تفرجو عليها صراحة لما تشوفوها وبدون شعور تلاقي نفسك بس تقول سبحان الله سبحان الله لإن فعلا" اشكالها حلوة وغريبة وهاذي اخبارنا طولنا عليكم بس تعرفون انا انثى وهاذي ميزتنا |
رد: ديوانية مجالس الفردة . بنت اخوي مسك العود ... ما شاء الله عليها ,,, عطتنا اخبار أقصى الجنوب وولد اخوي مزعل بن هدمول ... عطانا اخبار استراليا وانا اعطيت اخبار اقصى الشمال من بوابة الوطن ( الحدود الاردنية تبعد عن بيتي 3 كيلو وبوابة الحدود الدوليه مع الاردن تبعد 20 كيلو) وحنا اخر ناس نصلي بالسعودية حسب التوقيت ,, ولو الله يجيب لنا علوم فارس الحرف ابن سدحان من جيزان ,,, كان علم واخبار محمد بن بدر من حفر الباطن وf15 من بريده والفضلي من سكاكا وابو بندر من الرياض وعبد العزيز الشملان من خصيبة وربعنا اللي بضيدة واحمد بن ضيف الله بن حماد من جده وحجاج بن رويضان من امريكا والله يا الربع نبي نصير اقوى من وكالة الانباء السعودية ( واس) ورويتر الله يرحم ابونا راشد ,,, لو قالوا له عيالك بيصرون موزعين بهذا التشكيل على انحاء المملكه ... وش بيكون رده ,,,, انا مرة اسولف واقول ::: لو اني قلت لجدي عبد الله العود ( الله يسكنة الجنه ) يبي يجي جهاز صغير اسمه ( الجوال) تسولف فيه وانت بالقوارة مع ولدك احمد بالقريات ومع ولد اخوك منور العود بعنيزه ومع ولد اخوك سعد العود بجده ,,, ماذا سيكون رد جدي ,,, والله ان يجيب المطوع يقراء علي ويجلدني لاخراج الجني مني ,,, وابوي الله يحسن ختامه وختامنا على الطاعه ( يرفض بشدة التكلم بالجوال ,,, ولا مانع عنده من الارضي ) يا مال الجنه الاحياء والاموات من عيال ابوي راشد ,,( وبناته ) ايضا ,, اخاف مسك العود تشره علي وتقول حتى الجنه لك بعد !!! |
رد: ديوانية مجالس الفردة . هذا اليوم هو يوم الجمعة الله يجمعنا بكم في في جنة النعيم هذا هو يوم جمع المسلمين للقاء الله في صلاة الجمعة وان شاء الله يتقبل الله منا ومنكم الصلاة وصالح أعمالنا ومساء الخير لكل الموجودين والحاضرين وان شاء الله تقضون اوقات سعيدة بهذه المجالس الطيبة ولي عنده علوم واخبار جديدة يخبرنا بها |
رد: ديوانية مجالس الفردة . ما شاء الله والله خطيرين واخباركم حلوة واصلوا المسيرة الاخبارية والف الف مبروك للأبن بدر الله يوفقه ولمزيد من النجاحات |
رد: ديوانية مجالس الفردة . السلام عليكم ورحمة الله وبركاته وشلونكم عساكم بخير وش اخباركم الجو اليوم حلو في القصيم غيم ومطر الله يزيدنا من خيره وكريم فضله وش اخبار القريات ياعم ذيبان بشر جاكم مطروسلم على جدي مطر |
رد: ديوانية مجالس الفردة . اقتباس:
الجو روعة للمكاشيت ,,, بس وين ؟؟؟ رحت الى صلاة الجمعة ماشي على القديمن ,,وذلك من روعة الجو والتمشي كانت خطبة الجمعة عن اسئة الاختبارات ثم قارن الشيخ بينها وبين اسئلة الاخرة ( لله المثل الاعلى ) ما اقول الا ::: الله يرحمنا برحمته كلها اسئلة صعبة ونسبة النجاح 10% فقط وجاب دليل بحديث نبوي ما معناة ان من كل الف:: ( 999) بالنار *** يا ربي أنا داخلن عليك !!! امطار :::ماجانا سوى ربع ساعة فقط لاغير في كل الموسم ( الله يجيب الخير ) والاردن ما عندهم مطر وسوريا ما عندهم مطر وحنا عندنا ولله الحمد ( مطر العود) الله يرزقنا بره ويمد بعمرة على الطاعة وشكرا لسؤالك عنه وهذا من طيبك وحموتك يا الفريدي الحر وعندنا بدر بالثانوية العامة ( مذاكرة وتقوية ومدرس خصوصي وبنزين 95 للفورد كل يوم ) وعندنا بالبيت ( حالة طواريء شديدة جدا ) انذار أحمر مذاكرة باستمرار وجوالات ترن باستمرار واسئلة واجوبة وتلخيص وتصوير اوراق وملخصات وجلكسي وسنكرز وكت كات وحليب ندى وعصيرات ولبن شرب وقهوة ونسكافية وشاهي اخضر وعايدي وبكرة الله يعين توصيل الى المدارس والكليات وياربي نجح الفرده كلهم ( انا عنصري حتى بالدعاء ) الاقربون اولى بالمعروف |
رد: ديوانية مجالس الفردة . مساء الخير للموجودين وماشاء الله اخبار امطار في القصيم وفي القريات اللهم اجعلها امطار خير وبركة وعم بها ارجاء البلاد وندعوا للطلبة الذين بدأت اختباراتهم اليوم بالتوفيق والنجاح وسوف نفقدهم لبضعة ايام والله يكون معهم وانصح جميع الطلاب بالجد والاجتهاد لكي يحدوا مازرعوا ومن هذه الديوانية ندعوا لهم بالتوفيق والنجاح لجميع طلاب الفردة |
رد: ديوانية مجالس الفردة . مساء الخير للموجودين هذا هو يوم الاحد 8-2-2009 اتمنى ان يكون يوم خير على الاسلام والمسلمين واتمنى التوفيق لجميع اخواننا الطلاب بالاختبارات اخبارنا لهذا اليوم هو يوم الحريق العالمي لدينا خلال يومين فقط من يوم امس الى يومنا هذا ومازالت النيران تاكل الاخضر واليابس وبسرعة خيالية وحسب اخر تقرير حوالي قبل 5 دقائق الساعة الان 6:35 مساءا عدد الوفيات تخطى 65 شخص ومئات المصابين والنار تحيط الولاية من كل جهة ونسال الله ان يحفظنا ويكفينا شرها ولايرنا غضبه سبحانه أنه القادر القوي العزيز ولايجازينا بما فعله الظالمون |
رد: ديوانية مجالس الفردة . ولله الحمد والمنة امطار مع حبات البرد وياحلو المنظر مع شباك البيت هاذي حيلة اللي ماعنده نفود بس جبال وحجر والأمطار على بيشة وترج قرية تبعد عن بيشة 80ك تقريبا على طريق سبت العلاية وخميس مشيط وهاذي اخبارنا والله ييسر امرنا وامور جميع المسلمين |
رد: ديوانية مجالس الفردة . اخبار حلوة دمتم بصحة و سلامة والله غابات استراليا تخوف انا متابعها بالاخبار و خايف على اخوي مزعل واقوله يازين النفود من عند المشروع شرق خصيبة لا حرايق ولا شيء وربيع بعد الان . |
رد: ديوانية مجالس الفردة . الله يسامحك ذيبان والله اني ماخذ بخاطري عليك مخلن اخوك على بن جضعان في أقسام الاشراف ومتابعة مشاكل المنتدي وثركم فالينها هنياء سوالف وعلومن طيبه وأخبار تونس على العموم سجلوا أنظمامي لكم من اليوم الاحد13/2/1430 واخر اخباري فيه قصيده لشمري خواله الطرسان من حرب والقصيده يمدح حرب والرجال صديق لي ووعدني بهداها للمجالس انتظروها قريباً والان استودعكم الله |
رد: ديوانية مجالس الفردة . ابشروا بسعدكم لقد انضم الى الديوانيه ( علي باشا الجضعان ) و صورة الجوري الرمزيه علوم وسوالف اليوم السحاب مغطينا ورحت جبت مقاضي البيت ,, والبنات من الكلية وانا بثوب البيجاما لكن الارصاد يقولون ان درجات الحرارة سترتفع وسيتبعها انخفاض شديد الثلاثاء وعواصف وغبار وامطار وبرد ( الله يجيب الخير ) قولوا امين وجاني اتصال من الدمام يقولون عليهم امطار يا الربع ,,, راسي كله نوم ,,, انتم مثلي ,,, ما غير اعدي على الكليات والمدارس كل حين وباليل اصير درس خصوصي ,,, وما سكين سرا علي !!! وانا افكر بالاجازه وين ؟؟؟ العمره ؟؟؟ الرياض ؟؟؟ القصيم ؟؟؟ الاردن ؟؟؟ شوروا علينا !!! بس انا علمت ابو عمر ,,, حنا عندنا ديمقراطية ,,, ما حنا مثل الفريدي والوسوس ,, امرهم شورهم بينهم !!!! ولازم تطيع ,,, من شاور الثنتين !!! الله يجيب اللي فيه الخير !!! |
رد: ديوانية مجالس الفردة . اخواني الاعزاء مما احزنني في هذا اليوم هو ماقاله احد الاعضاء وهو يودعنا في اخر مشاركة ( النقد الصحيح ) له في هذا المنتدى الطيب وهو ممن وضع له بصمات في هذا المنتدى وكان نشطا ومتفاعلا وموجود باستمرار وذلك ممكن لظروفه لاندري لكن اتمنى ان يكون قراره ليس الاخير وان يتراجع عنه اذا كان قادر على التواصل واذا لم يستطع التواصل في هذا المنتدى نطلب من الله له التوفيق في حياته ويسعده ربي وهو كذلك اشاد باخينا وعمه ابو راكان له اكيد انتم تودون ان تعرفون من هو او انكم عرفتو ا من هو هو العضوه \ مسك العود ولاتنسوا ان تدعو لأم زوجها بالشفاء العاجل وذلك لاصابتها بمرض السرطان اللهم ياعظيم ياقادر نسالك الشفاء العاجل لها اللهم ياعظيم ياقادر نسالك الشفاء العاجل لها وكذلك الدعاء لاختنا مسك العود بالتوفيق في نقلها اللهم وفقها وسهل امورها يارب |
| الساعة الآن 01:58 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir