ديوانية مجالس الفرده .

تفاعل مع بيت ابو عبدالعزيز نحاول نلقى حل من الربع وعاداتهم الفزعه والعلم الغانم


عيال العود

عيـال راشـد فزعـتـي يارفـاقـهنبـي نــدور عــن مبـايـل بـدايـل

عظم العرب شارن منهم بطاقهوعياء على قوقل تجيه الرسايل

غشيـم تـوه مايعـرف السـواقـهمثل علـى ماقيـل ضايـع قوايـل

الـنـت والله ماعرفـنـا نـطـاقـهنازل مرتفـع مستـوي وأمتمايـل

ويـن الرشاقـه مالقينـا رشـاقـهوش جاب لندن ياجماعه لحايـل

كنكـت والله مالنـا فيـه طـاقـهومن يعرفه يلقاه علم(ن) هوايل

خذها يابن جضعان ....

الشاعـر اللـي معجبـه بيـض ساقـهتوهّ شباب وجاء علـى العـود صايـل

ياربعنـا مـن فيـه شـدّة نـزاقـه ؟؟؟يفكنـي مـن شـوق ضـاف الجـدايـل

دايــم بـحـقـي يـرتـكـب للحـمـاقـهبيّـن خـواف الـعـود والـعـود شـايـل

الكـبـر دايــم فـيـه قــدر وعـراقــهوالـعـدّ مايشـابـه صـغــار الثـمـايـل

وانـــا خـبـيـرٍ بــالامــور الـدقـاقــهما هو انت يالمغرم بسلك (الدسايل)

شريـت لـي بيـضـا وملـسـا رقـاقـهوالا انـت للـمـودم تـحـط الشمـايـل

...............
وسلامتكم ياعيالي

هاهنا في هذه الديوانية تتلأل بالقصايد والمساجلات

الشعرية الرائعة من شعرائنا الافاضل ( الله يطول باعمارهم )

صح لسانك يابو عمر على هذه القصيدة والفزعة

وصح لسانك يابو عبدالعزيز على هذة القصيدة الردية

والله مافيكم حيلة فالكم البيرق

من خلال إطلاعي على هذا المتصفح الجميل الذي لا يزال يتلألأ بكل جديد وفريد

أشكرك أخي " مزعل الفريدي " وأعتبرك قد تميزت وتستحق التميز وفقك الله ..

كان هذا المرور لأسجل إعجابي فقط

.. ودمتم ..

هلا هلا بولدي مزعل بل مفرح منذ اليوم ....
الله يمسيك او يصبحك بالخير ..حديهن والله مادري وش وقتكم ...
اليوم الاثنين ابشرك اخبارنا زينه وحلوه وجائني من طيبه الطيبه ابن العم سالم بن سمير الفريد
وعزّمت انا واياه والاخ الحبيب عبد الله بن ناصر بن فلي بن راكب نقلع اليوم على (تمساح) باتجاه
سدير حيث الربيع ثم نسندها على النفود ونزور الاخوان /نايف بن جازي بن راكب واخوانه عند ابلهم
ونفلها يومين ، وبعدها نشوف وش يصير بآخر هالاجازه .....
بشرنا عسى الحرايق طفت ...
وعسى الربيع زين ..وعسى دفيتم ..وعسى ...

وياليتنـي بديـار مـزعـل وربـعـهاباتـعـلـم واسـتـلــذ الــدراســه

دراسـةٍ مابـيـن دخـلـه وطلـعـهحــرٍ مـحـرّر ماعلـيّـه حـراسـه

اكلتـهـا مابـيـن رمـعـه ورمـعـهفي مجلس الالغاز رمز الفراسه

ابي اولع في شقى العمر شمعهولا يهمكم العـود يلقـى مقاسـه

تكفون ويكفيني خميسٍ وجمعـهمن عودكم ياعيال هذا التماسـه

ولايهمكم ضعفٍ بشوفه وسمعهيدل دربه مع ضجيـج وحساسـه

وسلامتك ياولدي
...............

مساء الخير للموجودين

اخوي بندر الحطاب

اهلا وسهلا فيك ونورتنا بحضورك لديوانية

وهذه الشهادة منك وسام اعتز بها

ونتمى ان تكرر حضورك مرارا لنا

.................................................. ....

أبو عبدالعزيز الله يمسيك بالخير

وصح لسانك على هذه القصيدة الرائعة

وسلمت لنا يالغالي والله يطول بعمرك

ماقدر أرد على قصيدتك الا ان أقول الله يعافيك

وأن شاء الله تستانس في رحلتك مع ( التمساح )

ولاجيت خبرنا عنها وعن الربيع وعلوم النشاما

أما خباري الحمد لله انا طيب والحرايق مازلت موجودة

ولكن خفت بعض الشئ عن قبل

وأبشرك جانا أحد عيال راشد في استراليا

ليكمل دراسته عندنا وهو نواف مزيد الفريدي

وأحد أعضاء مجالس الفردة اتمنى له التوفيق

السلام عليكم ورحمة الله وبركاته
مرحبا مزعل وكيف حالك

امس سيرت مع الوالد على علي بن جضعان

ولقيت ابوعمر ومشعل الجضعان

وحمدان الجضعان وباسل الجضعان

عاد ابوعمر مشاء الله عليه مايفوت شي

قال عضومجالس الفرده هذا صغير بس خطير


وكلهم ماهم مصدقين والله ياهلا ويامرحبا

والله اني استانست معهم وقلت لبوي كل مره تروح لهم خذني معك

وقال ابوعمر حنا بنمشي لشرقية اناومشعل ومعهم واحد اسمه خالد

وهذي علومي

مساء الخير للموجودين

اهلا بك بدر

زين قابلت ابو عمر بس ماقلت لنا وشقالك من القصايد ولا نسيتها


هههه حلووووه قال هذا صغير بس خطير هو صادق


والله يرجع ابو عمر من رحلته سالما


ولايرحمنا من قصائده الرائعة

مـانـي بـرايـق بــس شفـتـه بسـرعـهوشلـون أصـدق قلـت هــذا أنتكـاسـه

كنـت أتمـنـى نسخـتـه عـقـب طبـعـهالـــزرع لوتسـقـيـه يـطـلـع غـراســه

من شأن نعطي صاحب العرف جرعهكـــل الـهــدف مـنـهـا نطيـرنـعـاسـه

لـو قــال يالشاعرنـبـي مـنـك فـزعـهنبـي علـى الصمـان كشتـة عسـاسـه

أن كــان ابــو هـنـود ضبـطـة وضـعـهوخليـت راع الـثـوب يضـبـط مقـاسـه

عـلـى البـحـر مغـيـر نـزلـه ور فـعــهوسـط المحيـط ولاعرفـنـا السيـاسـه

الرقـم س6تـه بـس زودت س7بـعـهشاعـر ولاحــدٍ عـارفـن وش بـراسـه

حياك الله يامزعل واشكرك على كلماتك الرائعه وثنائك العطر لاهنت ..
ابشرك عدنا الاربعاء مساء بعد ان كنا بضيافة الاخوان ابناء جازي بن راكب الفريدي رحمه الله
وقد امضينا عندهم ثلاثة ايام في نفود الدهناء في مكان يسمى خب الرضم ونقى الشيخ ...
وقد كان الجو ربيعياً رائعاً ولله الحمد وقد اكرمونا ابناء العم وطفنا بتلك المنطقه للتعرف عليها
وقد جاءنا مجموعة من ملاك الابل هناك ومن كل القبائل وقد لاحظنا المحبة والالفة بينهم
والكرم الزائد وهذه عادات ابناء الباديه الاصلاء ......
والحمد لله اولاً وآخراً ...
وبرعاية الله
.........