ياطيب الشروكي لآحديته على أقصاه = يبردلهيب الكبد صوت المكينه
والله أن كنك يافتى الجودتنخاه = مثل الشجيع الي يشوف الغبينه
على صعيب الارض محد(ن) تحداه = لاأونس البنزين حرن بعينه
لاانتهض شيهان كنك تحلاه = شاف الحباري بالعرافج يمينه
هده طلال حمود والعسر ياطاه =وجيبه على اللفات الله يعينه
وانادى عليهم قال شوفوا سواياه = دم الثنادي صابغن في يدينه
قالوا ضلمت الجيب الضلع يرقاه = ومع الدبل وأثنين نسمع حنينه
قال أرتفع وأخاف يبعد ولاألقاه = ولاينفع الصقار لاقال وينه
كم واحد(ن) صفق يمينه بيسراه = وعود من المقناص يم المدينه
وعلى المرايه بس برقع لذكراه = ذكرى حزينه بس عنده ثمينه
واناعسير الدرب جسر أتهقواه = ماهمني لوزاد سيله وطينه
وانا نويت ومع أرفيق اتمناه = وكل الوازم جاهزه مشترينه
عشيرعمري شف قلبي مخاواه = الله يطول مابقى من سنينه
سعدي فلاح الله عن الشر ياقاه = أسمه على كل البشر معلنينه
متقاسمين الراي مابه مراواه = نبي الغوطه الى أطراف لينه

عيا الشروكي يلحق الجمس عيا = عيا يجيبه عقب ميه وتسعين
وانا أحسب ان الجيب ماله حليا = ولايصخره بالقار حتى الشياهين
لكن علوم الجيب بانت هنيا = الفعل واضح مايبيله براهين
قلت أتركه يالجيب ماحنا سويا = أعرف سواقه صعوط المجانين
خلف تحداني وانا أصفق يديا = يوم الأشاره دقها أيسار ويمين
من حرمايونس كوى الراس كيا = واليا أرتفعلي شفت نار الشكامين
عظم العرب ياناس غال(ن) عليا = الله يستر لآيتعرض بعارين
هذا ولدعتاق سمح المحيا = لآجابوا أسمه قالوا الناس نعمين
وأن كان جيبي يابيض الوجه عيا = والله ماخلي حضرتك سجله دين