سيف الموت...

المشاركة الأصلية كتبت بواسطة الشامخ1

السلام عليكم

عندي رمعه انشالله تكون صحيحه

ايش ريك فـــــــــــــــــــي

السناره

او

الشبكه

انا فخور فيك يالشامخ

ولله درك...على حرصك

وماااااااااااالك لوا

المشاركة الأصلية كتبت بواسطة خلف الفريد

ابو عبد الاله
هلا مليون هلا
وان شاء الله ما اخيب ظنك ....
وطالما انك وصفتني بالدبلوماسي سأبين للجميع انك صاحب فراسه خاصه ....
وحتى لايستسهل ابن هذيل بالعود ....
الحقيقه انا ركزت في اللغز على الاحرف التسعه وتعبت بالرغم من انك وضحت بعض
الشيء للجميع ...
ولكن وفي ومضة من عبقريات العود عندما كلمتني من الاسياح وقلت انا مع ابو حمد عند سد مارد ..
تحرك عندي مارد الادراك ...وقلت السبع احيانا يحوم حول فريسته !!!!!!!
وبسرعه لقطتها ....
لهذا والحالة هذه ..
الحل هو :
:::
عين بن فهيد
:::
بالله ماني خطير ؟؟؟
اما الشرح فأتركه للجميع طالما كسبت الخروف !!!!!
ووالله ياواحد يقرب للسانه لاسجه بخمسة ابيات (شف الحركه علشان ماينزلهن احد بالخاص)
ماعدا ابو زياد والله انه يخوف ..نتقاسم اللسان ههههه
اقعد يابن هذيل
طارت الطيور بارزاقها ....
لكم حبي جميعا
...........

باالله عطني خشمك
وهذي حبة خشم

لاني والله ماخذت بالي من ردك

وعتبك على عيني وراسي

وحتى لقيت ابيات اخوي الغالي
ابو زياد
مرسلي اربيع ابيات والله ماشفتها الاّ الآن

الله يخارجنا وابشروا بالحق ياعيال راشد

والله يحييكم على واجبكم(حق مفروغ منه)
تستاهله لحاكم وتكون فرصه تشرفوني بها
ونحدد فيها وقت لهذا اللغز اللي نكبني معكم
واللّي يحله يستاهل الخروف ودرع مقدم
من ادارة المجالس؟؟؟؟؟ههههههههههههه
(تراااي امزح من باب الميانه) لان هذا امر تحدده الإداره

وبالنسبه للرمعه ماااااالك لوا ياعظم العرب

يارشيد يوم انك على الحل مريت=ياليت بيّنت الخطأ والصوابي
سفهتني ياارشيد يا ارشيد صديت=عطيتني يا ارشيد سمر العلابي
مريتني على الطريق وتعديت=وانا اتحرى من طرفك الجوابي
يا ارشيد ما اخبرك مرة ترديت=يا ارشيد منته يا ابيض الوجه هابي

اخي الغالي

ابو زياد

يعلم الله

انني لم ارى هذه

الأبيات سوى

عصر هذا اليوم

عندما عاتبني

اخي العزيز

ابو عبدالعزيز

وعندما قمت بالمرور

على الردود

وجدت هذه الأبيات

مع العلم انني سبق ورديت على

الأخ نواف الدغيشمي

بعد ان قرأت رده عليك ولم اقرا

هذه الأبيات واقبل اعتذاري

واعتقد انك اخذت بخاطرك

وترى الأمر سهل والدنيا ماتسوى

. رد من القلب

.

ليتك يابن عمي قلطت وتقهويت=ولاّ اتصلت ان كان قصدك عتابي
ولا يابن راشد سألت وتحريت=قبل لايصدر منك حكم غيابي
تحشم عن الحقران ياطيب الصيت=وتاريخك انصع من بياض الثيابي
لاتحسب اني يوم انا بردي ابطيت=قصدي تجاهل ياعزيز الجنابي
ماني من اللّي يشعلون الدناميت=ولاني من اللّي يفتشون المخابي
احرص على المعنى قبل مااكتب البيت=ولا كل بيت له نحث الركابي
واحسب حسابي كل مااصبحت وامسيت=لابد من يوم يطول الغيابي
اقبل صدوق العذر كان اني اخطيت=وحنا لبعضنا بالفرح والمصابي

المشاركة الأصلية كتبت بواسطة رشيد الفريدي

ابو زياد

يظل عزيز على قلبي
وسوف اتشرف بزيارته شخصيا
اكراما لكم ولشخصه الكريم

[color="darkgreen"]
الله يعزك بطاعته ويكثر من امثالك
والساعة المباركة وألف هلا ومرحبا بك
وتصلك بحول الله وقوته رساله على الخاص[/color]

المشاركة الأصلية كتبت بواسطة رشيد الفريدي

يارشيد يوم انك على الحل مريت=ياليت بيّنت الخطأ والصوابي
سفهتني ياارشيد يا ارشيد صديت=عطيتني يا ارشيد سمر العلابي
مريتني على الطريق وتعديت=وانا اتحرى من طرفك الجوابي
يا ارشيد ما اخبرك مرة ترديت=يا ارشيد منته يا ابيض الوجه هابي

اخي الغالي

ابو زياد

يعلم الله

انني لم ارى هذه

الأبيات سوى

عصر هذا اليوم

عندما عاتبني

اخي العزيز

ابو عبدالعزيز

وعندما قمت بالمرور

على الردود

وجدت هذه الأبيات

مع العلم انني سبق ورديت على

الأخ نواف الدغيشمي

بعد ان قرأت رده عليك ولم اقرا

هذه الأبيات واقبل اعتذاري

واعتقد انك اخذت بخاطرك

وترى الأمر سهل والدنيا ماتسوى

. رد من القلب

.

ليتك يابن عمي قلطت وتقهويت=ولاّ اتصلت ان كان قصدك عتابي
ولا يابن راشد سألت وتحريت=قبل لايصدر منك حكم غيابي
تحشم عن الحقران ياطيب الصيت=وتاريخك انصع من بياض الثيابي
لاتحسب اني يوم انا بردي ابطيت=قصدي تجاهل ياعزيز الجنابي
ماني من اللّي يشعلون الدناميت=ولاني من اللّي يفتشون المخابي
احرص على المعنى قبل مااكتب البيت=ولا كل بيت له نحث الركابي
واحسب حسابي كل مااصبحت وامسيت=لابد من يوم يطول الغيابي
اقبل صدوق العذر كان اني اخطيت=وحنا لبعضنا بالفرح والمصابي

صح لسانك والله لايهينك ياتاج راسي ومقبول عذرك يابن عمي وحييت وابشر بالرد اللي قد المقام ياعزيز المقام
وأشكرك على هذه الابيات الغارقة في الجمال والصدق والعفوية الاتية من صفاء نية وسلامة قلب
بيض الله وجهك يابو عبدالاله والله لايهينك

رائعة من روائع الشعر هذه الملاح بين الأخوين : رشيد الفريدي وابو زياد
فلو كان هناك نسخة توضع في مكان الشعر .. لأن بعض الأخوه لا يدخل منتدى الألغاز ويفوت عليه مثل هذه القصائد الجميلة .. وأطلب من الأخوة القائمين على المنتدى نسخ هذه القصائد في منتدى الشعر ليستفاد منها . وفقكم الله وأدام المحبة بينكم على طاعته ..

المشاركة الأصلية كتبت بواسطة سعد بن هذيل

مرحبا بك أخي ابو عبد العزيز صح لسانك ويسلم بنانك


شي من اجزل الطرايف واحلي الو صايف واعذب النوايف

؟لاازالة الشوايب من صدورالحبايب مرسله من راس شايب

تسلم يالعظم المسيس دايم لربعك ونيس بالمجلس خير الجليس

8
7
8
7




(سوال بيني وبينك سري لاتفشيه)

ليش القصيده ماتجي اللا في المشب وخصا لياصار الوجار به نار هل هو موقع لم(( شوشه))

او انه تحول بدل المرقاب ؟فرق شاسع بين الماضي والحاضر ؟ الناس اول تعدي المرقاب
واليوم توزى بالمشــــاب ؟؟؟؟؟؟؟؟؟؟؟؟؟؟زمـــــان يوحي للاعجــاب والى القا يالاحباب

حييت ابا فهد فكلامك احلى من الشهد واجمل من ذهب المهد ....
سكبت شعورك سجعا فكان لصوتك رجعا ....
مشاعر نبيله وكلمات اصيله وحروف جميله ....
********
اما سؤالك الكريم فسنفشي جوابه العظيم ....
لسنا ممن يدوج في البراري ويعرض نفسه للضواري ...
ليبحث عن المراقيب الطوالي ليرفع الصوت العالي وكانه مصاب بالهبالي ...
جلوسنا في مشب البيت مجمع النشاما الزناتيت اللي به يقال للضيف حييت ......

فلا ارى فرق بين الماضي والحاضر الا الفرق بين الخنساء وتماضر لان بيت الشعر له رفة واسعه
ومشبنا به جلسة نافعه ...
اما وقد وضع الكتاب لعلني وفقت في الجواب وكسبت رضا الاحباب ....
..........

ابو عبدالاله وش رائك في ( النحله)

السلام عليكم ورمة الله وبركاته

بودي اشارك معكم في محاولة حل اللغز وانا لست افضل ممن سبقوني

ولاكن ابو عبدالاله دائما الغازه دسمه

وللغز القديم الي ماينفك الظاهر ان الله قرب فكته الله يستر على المسلمين ويحفظهم من كل شر


وهذ رمعة على قد الحال وش رايك في( لهات الجمل)

هنا رأيت مداخلات بالغة الروعه
.
و قرأت تعليقات و تفاعلات أبرزت علو معادن عيال راشد
.
حتى بلغ مني الشعور بالحبور أن أتمنى أن لايحل هذا اللغز , حتى تتواصل المسامره .
.
عندما يفتح رشيد الفريدي موضوعا فسيجتمع عشاق أدب رشيد و عشاق التميز من كل حدب و صو ب لتتلامس المشاعر و ينتعش الإبداع ,
.
انظر كم موضوع في المنتدى سطع من هذه الشمس ؟
.
أنظر كم قصيدة أشعل رشيد أوارها ؟
.
أنظر كم رجل عظيم أتى من أجل اسم رشيد و شارك تفاعلا مع إبداعه ؟
.
أنا على يقين أن رشيد الفريدي غني عن هذا الكلام .. ولكنه شعور في صدري أجد متعة في أن أبثه هنا