مجالس الفرده - تقول نزرع تـــوت بمزرعتنا

مجالس الفرده (http://www.alfredah.net/forum/)

- مجلس فضاء الشعر (http://www.alfredah.net/forum/alfredah4/)

- - تقول نزرع تـــوت بمزرعتنا (http://www.alfredah.net/forum/threads/alfredah993/)

تقول نزرع تـــوت بمزرعتنا

تقـول :نـزرع تـوت فـي مزرعتنـا = واقـول ربـي زارع بشفّـتـك تــوت
يـالـلــي تـوريــنــا ولاذوقـتــنــا = احسّنـا جوعـا وشافـوا لهـم قـوت
والـديـن والـعـادات اذا ماحـدتـنـا = الوضـع لاسايـب ولاهـوب مفـلـوت
نشـوم لـو بعـض الامـور اجبرتـنـا = ونقابل صيـاح المهابيـل بسكـوت
الزيـن والله فـي وســط مملكتـنـا = لاهوب فـي كـازا ولاهـو ببيـروت
بــث ٍ مبـاشـر بالـحـلا باشـرتـنـا = بالشكل والتعليق واللون والصـوت
رعـبـوبــة ٍ تـمـايـلـت وارعـبـتـنـا = من كثر مافيها من الحسن مكتوت
الـوجــه بـــدر بطـلّـتـه بـادرتـنــا = من يبتسم له بسمة اعجاب مبخوت
والصـدر لـو ماجاتـنـا واحضنتـنـا = صيفا ً براد وبالشتـا كنـه الكـوت
مـاهـي مـجـرّد فاتـنـه وافتنتـنـا = ماكل حسن ٍ يعجب العيـن ويفـوت
ياللـي شريناهـا غــرام وشرتـنـا = اسمك بقلب اللي رغب فيك منحوت
ان جمّـعـت دنـيــاك وان فرقـتـنـا = انتي وصالك موت ومفارقك مـوت
معـك وعليـك وفيـك همنـا ومتـنـا = واحسّ دونك حظ الاحبـاب ممقـوت

هذه قصيدة للشاعر سلطان بن بتلاء
وجاءني اتصال من احد الاعضاء يقول عندي عليك ملاحظة الا وهي عدم طرحك قصائد للمرحوم الشاعر سبيل بن منيديل
وحبيت اجاوبه من خلال المجالس اقول له اني الان اجمع القصائد وسوف اضع ديوانه في مجالس ربعه ان شاءالله وراح يكون اول ديوان يوضع له