![]() |
قصة(ن) صارت وهي ماهي عظيمه !!؟
قصة(ن) صارت وهي ماهي عظيمه=علمتني كم بالدنيا عجايب اكشفت لي عن وجيه أهـل النميمـه=والحسد والزيـف وأنـواع الغرايـب يدعـون الحـق والنيـه السليـمـه=والله اعلـم وش بداخلهـم مصايـب المنافـق عندهـم مـالـه جريـمـه=والنقـي فـي عرفهـم كلـه معايـب خصمهم محتـار مايعـرف خصيمـه=بالدسايـس شكلـوا ضـدي كتايـب مالهـم مبـدأ ولا فيـهـم حشيـمـه=لا نتصار النفـس يشقـون الركايـب بعضهم مسكيـن فـي حكـم البهيمـه=خايب(ن) واللي مثـل مبـداه خايـب مـا يفـرق بيـن شيمـه والشتيمـه=مثل الأطرش عن عظيم الصوت غايب وبعظهم يضحك وفـي داخـل بريمـه=حامل(ن) للشـر وأسبـاب الطلايـب وبعظهـم تشـوف نفسـه مستقيمـه =وفوق قبـر الحـق يرفـع للنصايـب حملونـي كـل بهـتـان وظليـمـه=والهـدف ياللأسـف فزعـة قرايـب ماسلـم مـن ظلـم بيـاع الظليـمـه=الرسـول المصطفـى راع النجايـب من أنا في جانبه يـا أهـل الحشيمـه=لا لقيـت الظلـم مـن شلـة زلايـب في أحد مازعزعـت ذيـك الهزيمـه=سيـد الإسـلام والعبـره وهـايـب الرجـال اللـي لهـم قيمـه وشيمـه=لجل نصـر الحـق ياطـون اللهايـب ماتزعزعهـم دعايـات(ن) سقيـمـه=ولا تزعزعهم عـن المبـدأ صعايـب |
رد: قصة(ن) صارت وهي ماهي عظيمه !!؟ ممممشكور اخوي وبيض الله وجهك وعساك على القوه اطــــــــــيب تحـــــــــــياتي |
رد: قصة(ن) صارت وهي ماهي عظيمه !!؟ يعافيك ربي على هذا النقل اخي هذال فعلا قصيدة رائعة جدا صح لسان الشاعر ونتمنى ان تضع اسمه اذا كان معروف لديك تقبل اجمل تحية |
رد: قصة(ن) صارت وهي ماهي عظيمه !!؟ صح لسان الشـــاعر ومشكور على النقــــــل |
الساعة الآن 12:23 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir