مجالس الفرده

مجالس الفرده (http://www.alfredah.net/forum/)
-   مجلس فضاء الشعر (http://www.alfredah.net/forum/alfredah4/)
-   -   العبا يه عولموها وانفثو فيها السموم (http://www.alfredah.net/forum/threads/alfredah9812/)

ذيبان 26-11-08 11:56 PM

العبا يه عولموها وانفثو فيها السموم
 


الشاعر: ناصر البراق ..

(العباية)


يقول:


العبايه عولموها وانفثو فيها السموم = من ملاهي الرقص جابوا فكر تخصير العبات
ظيقوا صدر العباة ووسعوا طرف الكموم = ونزلوها لين وصلت آخر أكتاف الفــــــــتاة
بانت نحور الصبايا وانكشف شكل الهدوم =والغبية تحسبنها زايده زين وحــــــــــــلاة
والبراقع دلعوها لين عام الخد عوم=لازم القرضه توسع والكحل يلقى الحــــياه
طوروا شكل النقاب وصارت الدعوه علوم =صار شفاف(ن)يوضح خدها ويا الشـــــــفاة
وآخر الصرعه لثام(ن)يفتن الرجل العزوم= والفتن قالوا ضلاله للقلوب المؤمنـــــــــات
وش علامك بنت حوى تستبيحين السلوم =أو مع خيلك ياشقراء بعضكم جنس البنـــات
قاهرتهم هالعبايه مايبون الستر دوم= جدهم علمان يعني لاصيام ولاصــــــــــــلاة
حطوا إن البنت سلعه وغلفوها بالهموم= وارفعوا شعار(ن) ينادي للحقوق الضايعــات
من ظلمها والبدو لاصاحت الحرمه تقوم = قايمه تحت المعادي لجل عين الشامخــــــات
من ظلمها يوم قام المعتصم من عز نوم = قال وين الكافر اللي يستبيح المسلمـــــات
ثم ذبح لجل شعرتها من العدو كثر النجوم= قال هذا حق منهو يستذل الطـــــــــــاهرات
نكسوا ذاك الشعار ولملموا باقي السهوم= يكسر الخاطر سهمكم لاضرب في مدرعـــــــات
بيتكم لاصار مبني داخل البيت مهدوم=وبيتنا صوم وصلاة وحج وأشهد والزكــــــــــاة
إتركيهم يابدويه وخلي اللايم يلوم= وسعي خصر العبايه واكرمي بالمكرمــــــات
وإن رفعتيها لراسك أصبح الراس محشوم=العبايه فوق راسك حشمه وطيب وثبـــــــات
وماعليك من اللئيمه تحاول تقلدك يوم= لبست البرقع ولكن حن عرق الماجـــــــدات
بحنكها ألفين دقه مدري ألف من الوشوم =أو تراه ألفين هكري يكتبون الذكريــــــــــات
ولابغت تكتب قصيده قافها هو قاف يوم= (يوم يابا)(يوم يابا)جاك عرق الراقصــــــــات
جت تقول إني بدويه قلت أنتي وجه بوم =إعقبي منتي بدويه أنتي جزء من الحـــــصاة
يابدويه لايغرك بعض غربان(ن) تحوم=أنتي فوق الكل أنتي فوق روس النايـــــــــفات
أنتي يوم الحرب دارت والمعارك (قوم)=عانقت عزوات أخوك صوت ضرب المرهفـــــــات
إن حدوا من بيننا أو طولوا حد العقوم=يابدويه طبعي أرقى فوق كل الطايــــــــــــــلات
إحذري يابنت منهم طبعهم نفث السموم= عولمتهم لو أعرفها طلع معنى الشـــــــــــتات
ظيقوا صدر العباة ووسعوا طرف الكموم= وبيجي يوم(ن) نشوف شقوق في وسط العبــــاه

بنت راشد 05-02-09 11:29 PM

رد: العبا يه عولموها وانفثو فيها السموم
 
وين الردود على هذه المشاركة الرائعه والجهد

الاف شكرا يا ذيبان

مسك العود 06-02-09 03:11 PM

رد: العبا يه عولموها وانفثو فيها السموم
 
سلمت يداك ياعم وجت العباية اللي مشقوقة مع قدام ووراء
والله يستر على بنات المسلمين اللي تحسب العباية عادة مو عبادة
وتلاقيها خلف اخر موضة نزلت في العباية
الله يحفظنا ويحفظ بنات المسلمين من كل شر ويستر علينا ويهدينا إلى الطريق المستقيم

ضيف الله بن علي 06-02-09 03:13 PM

رد: العبا يه عولموها وانفثو فيها السموم
 
اضافة رائعة وصح لسان الشاعر وانتقاء ولا اروع منه ابا راكان

ولد الذيب 06-02-09 07:42 PM

رد: العبا يه عولموها وانفثو فيها السموم
 
الله يعطيك 28569283502387 على النقل
وقصيده رائعه والله يحمانا
على قوله شيباننا (دنيا تاكل بعضها)


حاربونا بني جلدتنا


تقبل مروري يالغالي

f15 07-02-09 12:29 PM

رد: العبا يه عولموها وانفثو فيها السموم
 
الله يحفظنا ويحفظ بنات المسلمين من كل شر ويستر علينا ويهدينا إلى الطريق المستقيم



ومشكور ابوراكان

منصور الوسوس 07-02-09 11:09 PM

رد: العبا يه عولموها وانفثو فيها السموم
 
ذيبان فعلا هذا حال وواقع العباية كما صورها الشاعر
شكرا لك على هذا الاختيار وصح لسان الشاعر
ابو راكان دمت بخير وعافية

قرناس 12-05-09 02:44 PM

رد: العبا يه عولموها وانفثو فيها السموم
 
صح لسان


الشـــاعر ومشكور

على


النقــــــل


الساعة الآن 09:52 AM

Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52