يالله يامـكـون بالأجـسـام الأرواح =ياكاتـب الأرزاق والأجـل بالـلـوح
ياللي بتقديـرك تصاريـف الأريـاح =بأمرك وتسهيلك عَبَرْ بالبحـر نـوح
تجعل لنا بهـداك ممسـا ومصبـاح= واجعل لنا في طاعتك صدر مشـروح
قبل انتداب اللـي للأعمـار يجتـاح =اللي من أعصاب الجسد ينزع الـروح
مهمـا تقـدم علمنـا والجهـل راح= الملتزم من بعض الأشكـال مجـروح
يشـوف بعيونـه تقاليـد وأشـبـاح =وملابسٍ تلبس على جسـم مفضـوح
لبس الخـوارج عندنـا زاد وانسـاح =وهذا خطأ ماهو بالإسـلام مسمـوح
وكثر التبجـح والتفاخـر بالأفـراح= ينخاف من عقبـاه تبذيـر مسفـوح
تبذيـر للنعمـة وتنثيـر واشـفـاح =وبعض الشعوب بغيهب الجوع مطروح
ما فيهم اللي من طوى الجوع مرتـاح= اللي هلك واللي على الجنب مسـدوح
ما نعتبـر ونكـرر الشكـر بإلحـاح =والموعظة نِلْقِي لها سمـع وشبـوح
الدين لـه مُرْشِـد وللخيـر نصـاح =وبـاب الكرامـة للمنيبيـن مفتـوح
وحفظ الشرف والدين للمسلم اوشـاح= تاج على متنه مـن الـرب ممنـوح
الديـن بالدنيـا لنـا عـز وسـلاح =وبالآخرة نـور لنـا بالدجـا ضـوح
والصبـر والتوحيـد للخيـر مفتـاح =وهدي النبي توجيه ناصح لمنصـوح
واللي ربح يوم الخسايـر والأربـاح =اللي كتابـه عـن خطايـاه ممسـوح

الشاعر : بدر الحويفي
وسلامة الجميع