|
أروع القصائد للشاعر حامد زيد التحدي والتصدي التحدي والتصدي عادة القلب iiالصبور ii والصمود اقرب مسافة لكن الفترة iiدهر والخساير عاندتني حوطتني بلف iiسور ii والخيانه للامانه زودت قلبي iiقهر كنت ابقدم للنهاية لكن الدنيا iiتدور ii وقفت وياي ليلة وكتمل ضدي شهر كل ماطلت الحقيقة وامتلا قلبي iiسرور ii طاولتني من عذولي طعنة وسط iiالظهر حرت اميز في دروبي بين نار وبين iiنور ii بين هجعة ليل ولا صحوة اجفان وسهر خانت ظنوني وعيوني خانني ذاك iiالشعور ii اقطف الشوكة بكفي واحسب الشوكة iiزهر مشتهر بلسان صادق ماحكيت الصدق iiزور ii ولا حكي عني لساني ولا جهرت ولا جهر كم كتمت السد وافي خايف اعصابي iiتثور ii لين باح السد لما مدمعي بان iiوظهر ولا طوت رجلي مسافة ولا اثر فيني شهور ii ولا كوت قلبي حريقة ولا طفلي ضوى نهر معتري درب النهاية بعبر ضفاف iiالبحور ii واشبك الدنيا بكفي وادفع ايامي iiمهر ودام هذا عنفواني واضح بين iiالسطور ii من يلوم الدرب فيني لو قهرته او انقهر وبتدى مرة جديدة ودام انا قلبي iiجسور ii تجربة والعمر مرة والسنة اثنا عشر iiشهر اقرب الناس بمشي على درب له الناس iiيسعون ii واصد عن درب الدجي iiوالعتامة وبقصر اليسرة عن الضيم iiوالهون ii وطلق يميني للصخا iiوالكرامة وبحترم نفسي وانا شخص iiممنون ii ومن يحترم نفسة وجوب iiاحترامه ماني من اللي في ذرى الحيط يمشون ii ولامن اللي معتلي في iiمقامه متواضع وأمشي على الحق iiبالهون ii متوسط المعرفة iiوالشهامة ولي مجلس دايم له الناس iiيفلون ii شعرت بابه والدلال iiالعلامه مايفتح الا فيه الاجواد iiيدنون ii ويالله عسى اللي يقرب iiللسلامه هذا طريقي وكثر الناس يدرون ii صديت عن درب حلاله iiحرامه ميزت ربعي بين عاقل iiومجنون ii واكشف بليد المنفعة من iiسلامه واهل المصالح لو على يوم iiيبنون ii في يوم ثاني يرغبون iiالهدامه واهل الحكي لو لك عن الناس iiيحكون ii بيجيك يوم ويقصدك في كلامه لاصار سيفة لاقرب الناس iiمسنون ii يضرب رفيقة وان اقوى في iiعضامه ناس مع الكلمة يروحون iiويجون ii بس المصيبة يدعون iiالفهامه ولانيب ديان ولانيب iiمديون ii ولا بغيت من الهروج iiالملامه ولاطلبت من المخاليق iiيبكون ii ولا بغيت من الحزين iiابتسامه بمشي بدربي واترك الناس iiيمشون ii كلن على كيفه رقى كل iiهامه ولا صرت انا من راعي الطيب مطعون ii ابيستوي قرب الرفيق iiوعدامه وأن خاب ضني بأقرب الناس iiوشلون ii بعطيك ضني يارفيق iiالندامه التمثال عفا الله عن خطا غدر الخناجر والضلوع ابطال باسامح واتركك تحت الظلام الحالك لحالك دخيلك وفر دموعك ترى هدر الدموع اذلال وترى مافيه احد يصبر مثل صبري بغربالك انا عيب علي انقض كلامي والرجال افعال واذا قلت اقطع حبالك تراني بقطع حبالك عشان اكسب هدب عيني تجرعت العذاب اشكال وليتك تراف بحالي علشان اراف بحالك مسوي في حياتي شي مايذكر ولا ينقال حتى العدو واهو العدو ما يعمل اعمالك تمسيني على الهم وتصبحني على الغربال تقلطني فناجيلك وتقصر عني دلالك تحملت التعب لاجلك وانا حملي يهد جبال رحلت من العذاب وما وقفت الا على جالك علامك كلما اجيك متواضع جيتني تختال معاك اليا متى باصبر وصبري معك يحلى لك مثل ما اقبلت لعيونك لزوم تلدلي باقبال ومثل ما قد حشمتك حس واحشم قلبي اشوالك انا محد بجابرني اساير معك هالمنوال ترى ماني تبيع لك ولاني اصغر عيالك انا حبيت اعشقك نبض ومشاعر ما اعشقك تمثال انا جيت اسكنك واحياك وابقى فيك وابقى لك انا جيت اب ظمى عاشق تعب يطرد سراب اللال انا جيت استفز رضاك من فرقاك والجا لك انا ما همت بك عاقل انا كنت اعشقك بخبال انا ما كنت احبك حي انا كنت اعشقك هالك تخيل من كثر ما خفت تلقى للزعل مدخال اخاف اخطي على طيفك وادوس برجلي ظلالك تبعتك والعرب تتبع رعود البارق الهمال وانا شفت المطر يتبعك في حلك وترحالك كأن الي خلق حسنك خلقني مع جسدك ظلال وصرت اقرب جسد يمشي معك باقفاك واقبالك ابي قلبك يحس انه فقد بمحبته رجال ملكته من هدب عين وخسرت ارضاه باهمالك صحيح ان الفراق اقسى ولكن الوصال محال وانا صعب على ارضي غرورك واضعف قبالك بعد ما حققت عيني فبعدك للرقاد امال اعود للسهر! ياخوي فال الله ولا فالك ببدل نظرتك فيني واجي لك كل يوم بحال باكون اقرب من ثيابك عليك ولا اتهيالك بالمك وانثرك واجمعك وارجع انثرك باهمال باخونك وازعلك وارضيك وازعل منك وارضى لك ابرسم بالثرى وجهك وابدفن صورتك برمال ابشكي للعرب فرقاك واضحك عند عذالك ابهديك الوصال فراق واهديك الفراق وصال باسوي مثل ما اشوفك تسوي وافعل افعالك عشان تعرف من فينا الزعول ومن وسيع البال ابيك تذوق فنجالي وانا باذوق فنجالك نصيحه واحتفظ فيها قصر معك الزمن او طال ابي تسمع كلامي زين وتحطه على بالك اذا حبك هبال اطفال لك عندي هبال اطفال ولا وابشر بعد بهبال حب ماهو بهبالك واذا قصدك تهين اسمي عشان تشمت العذال ترى لا انت ولا غيرك ولا عشره من اشكالك! السفية ضاقت وساع الفيافي والوعد متن iiالسفينه ii للطريق اللي دعاني بعد أمان الله iiوأمانه لاتناديني وصوني قلبك الله iiلايهينه ii لايراهن في رجوعي لجل مايخسر iiرهانه ليه ما أرحل عن غرامك بعد ماذقت الغبينه ii أذكريلي شي واحد يستحق أقعد عشانه قلب ماحن لوصالي ماني بحاجة iiحنينه ii وأشهد أنه مايعزر بالرفيع الا iiهوانه الهوى الغدار حد الله مابيني iiوبينه ii والرجل لاخير فيه إن ماحفظ قدره وصانه واحدٍ مثلي اليا من حدته عوجا iiسنينه ii ماشكى لقرب أبن ادم لوهو أقرب من iiأخوانه يوم قلبي ماعصاك وماقدرتي تذبحينه ii ليه خنتي فيه وأنتي معه من نفس iiالديانه كان ذبحي بيدك أرحملي من اللي iiتفعلينه ii وأن طلبتك تذبحيني ماذبحتيني iiلعانه كل جرحٍ من جروحي تذكرينه .. iiتنكرينه ii كن مالك في نزيفه (يد) خانت بالأمانه ينزف الخافق تواضع لين لطختي جبينه ii والا أنا ماكنت أبيها توصل لحد iiالأهانه قلت من باب الميانه صاحبك iiوتعذبينه ii لعنبوك إرخي معاي أشوي ماصارت iiميانه طعت عقلك يوم قيل إن العقل للبنت iiزينه ii لكن الشرهه علي اللي كنت أحسب إنك تكانه من بعد ماكنتي أنتي في حشاي أغلى iiسجينه ii بوعدك بطلق سراحك وأتهميني iiبالأدانه وين رايح..؟ لأي دربٍ مايرجع iiللمدينه ii ليه رايح..؟ لان قلبك ماترك قلبي iiوشانه كيف أبنسى.؟ ربي اللي ملهم القلب iiالسكينه ii مثل ماعانه بقربك لانوى فرقاك iiعانه كان قاسي يجرح أطراف السكاكين iiالسنينه ii مايطيح وبنتٍ مثلك حبها هزت iiكيانه والا أنا خابر خفوقي مايمد الا الثمينه ii وإن بغى يغيض الثريا قعد القمرى وزانه مزعلٍ لجلك هنوفٍ رجت عقول iiرزينه ii وإن تهادت بالطريق الجرهدي تزهر جنانه جادلٍ كن الجمال قبالها كتف يدينه ii والقمر لو شاورت له ينزح وتقعد iiمكانه كانت أول من تحكم في فروع iiالياسمينه ii وأن تعدتهن تثنن خيزرانه .. iiخيزرانه بعتها لجلك وصارت لأصغر أطرافك iiرهينه ii وألا هي لفتة هدبها تغمرك ثقل iiورزانه والخفوق اللي تغذى من معزة iiوالدينه ii مشكلته إنه تعلق في زمن ماهو iiزمانه كل مازادت جراحه وأكتشف غلطة iiضنينه ii صدقيه أن قال مابه شخص يستاهل iiحنانه يوم نادا يافلانه مارضيتي iiتسمعينه ii لين صوت يافلانه ,يافلانه ii,يافلانه كنت أشوفك زعفرانه تقرض الورد iiوتدينه ii يمكن أني ماقطفتك بس أشوفك iiزعفرانه كنت أهاب البعد عنك وأطلبك لاتذكرينه ii كان خوف من الفراق وخطوت الفرقا iiجبانه وماقتنعت أن الخيانه للرجل تلوي iiيمينه ii لين ماربي بعثك وذقت من طعم iiالخيانه إسمحيلي..مابقى فيني مكانٍ تطعنينه ii وأقبلي من جوف قلبي كل عطفه iiوأمتنانه والله الله في عذابك بتركك عينك iiبعينه ii دلليه ولايرده عن شقاك إلا iiلسانه والا أنا قررت أسافر وأمتطي ظهر iiالسفينه ii لأن مابه شي واحد يستحق أقعد iiعشانه الليالي السرمدية من عرفت العلم وانتي يالليالي iiسرمديه ii والوصول أغلى طموحات الفتى بأول iiشبابه والمهابه ماتهادت غير لنفوسٍ iiرديه ii ليت في قلب الليالي للفتى قدر iiومهابه دنيةٍ تجمع صفاتين الخجل iiوالعنجهيه ii كنها بنت يزود بحسنها ثقل وذرابه يوم جتني تمتحني في زمان iiالجاهليه ii جيتها رجلٍ تحلى في تقاليد iiالصحابه بالعطا تبخل علي وبالعذاب تموت فيه ii عشتها قلب شجاع يكره الضيم iiويهابه بس ابدري وش نهاية وصلها وأخر iiهديه ii وهو صحيح ان القصايد للجريح أول iiعذابه ومن عرف لك يالليالي وانتي اكثر من iiهويه ii ومن تلحف في ترابك مقتنع باللي جرا iiبه من قدر طموحه في زمان iiالمعمعيه ii مَن مِن الناس يتجرا يتركك وانتي iiترابه السؤال يعيد نفسه والاٍ جابه iiمبدئيه ii والقلوب اللي تخالف ودها صارت iiتشابه والخلايق ماتسوي طيبها جود iiوحميه ii كلنا نضحك بوجهِ مبتسم للغدر iiنابه لو يصير الموت راعي .. كلبونا له رعيه ii لو زعل نزعل ونرضى لا رضى حضرة جنابه والله اني مانويت اكشف ملفات iiالقضيه ii لكن اني شفت شيٍ يفقد العاقل iiصوابه ياالحياه انتي غديتي بالغرابيل iiاجوديه ii كنك اللي مايميز بالخطا غير iiارتكابه ماعطيتي غير جرح ولعنبوها من iiعطيه ii والله انك ما عطيتي خير للقلب iiوصوابه خاينه .. ما انتي عزيزة خافقي iiياالأجنبيه ii جنبي عني وأجنب من مداخيل iiالغرابه وأخذ بدربٍ يدرك للقى روحه وجيه ii يايموت الدرب ولا بدفن القلب iiبضبابه وان ذبحتني تمني رجعتي وابكي iiعليه ii لين تملين المحاجر بالبكا حزن وكآ به وادفنيني بين ظلك والخيوط iiالعسجديه ii لو لقيتي بعد موتي واحد بنفس iiالصلابه شاعرٍ قدم قصيده لاغلب أيامك iiضحيه ii بين ناسٍ مايطيقون القرايه iiوالكتابه يازماني لو بقى للشعر في صدري بقيه ii بكتبه وارسم خيالي بالورق وأروي سرابه وكان ردت للعناد وعودت للمقدريه ii والله أني ما اتنازل لين اعديه السحابه يازمانٍ مبتلي به وابتلى فيني iiبليه ii لاتلوم اللي يخونك كان له عقل iiولبابه بقفل القلب المشقى عن هبايبك iiالعتيه ii ودق بابه من بعدها لو قدرت تدق iiبابه الحياه اللي تسمي لعبة الشاطر iiخطيه ii ماتساوت في عيوني مع جناحين iiالذبابه أذكر أني كنت عايش بالليال الاوليه ii وأذكر أني كنت عايش وقتها باحضان iiغابه ماعرفت إلا عبارة مثلها مثل iiالوصيه ii عيش عمرك ذيب تسلم من مخاليب iiالذيابه وتقبلوووو تحياتي Mazel Alfreidy |
رد: أروع القصائد للشاعر حامد زيد يعطيك الف عافيه اخي مزعل // تقبل تحياتي... |
رد: أروع القصائد للشاعر حامد زيد مشكور اخي فيصل على مرورك وتقبل تحياتي |
رد: أروع القصائد للشاعر حامد زيد الفاضل مزعل اختيار رائع جدا وقصائد غاية في الجمال كل الشكر والتقدير على هذا الاختيار الذي يدل على جمال ذائقتك الشعرية وصح لسان الشاعر ..... تقبل اجمل تحية |
رد: أروع القصائد للشاعر حامد زيد اشكرك اخي منصور على مرورك الرائع وتقبل تحياتي |
رد: أروع القصائد للشاعر حامد زيد صح لسان الشـــاعر ومشكور على النقــــــل |
| الساعة الآن 05:34 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir