لولاك ما عددت الأيام للعيد =وما اشتقت له إلا على شان شوفك
العيد يا معتاده أصدق مواعيد =لا تعتذر به يا حبيبي ظروفك
نبي نشوف العين والخد والجيد =ومنقوش حناك الحمر في كفوفك
اقرب ولا تبعد عن اعيوني بعيد =اعيش لحظة بين امانك وخوفك
عذب اللما في عذب نهر المواريد =وقف وطول في عيوني وقوفك
اشوفك افراحي على كيف ماريد =واجمع تناثر في خيالي وصوفك
زدني غلا واخلاص بالحب وازيد =طاعة وشوقٍ نايفٍ مثل نوفك
احب فيك الحب يا شيخة الغيد =واحب اشوف اللي يكسي كتوفك