مجالس الفرده - أم مزرم تناشد سمو الامير محمد بن نايف

مجالس الفرده (http://www.alfredah.net/forum/)

- مجلس فضاء الشعر (http://www.alfredah.net/forum/alfredah4/)

- - أم مزرم تناشد سمو الامير محمد بن نايف (http://www.alfredah.net/forum/threads/alfredah9249/)

أم مزرم تناشد سمو الامير محمد بن نايف

تستنجد بالأمير محمد بن نايف طالبة منه إخراج ابنها "مزرم خلف الشمري" من سجن الحائر ومشاهدته قبل أن تفقد بصرها نتيجة (السكر) الذي حاصرها مع أمراض أخرى هدت قواها.

تقول "أم مزرم" في رسالتها : " ... أتمنى أن يشملني سمو الأمير محمد بن نايف بالعفو عن ابني " مزرم" في رمضان والذي سجن قبل عامين بسجن الحاير بعد أن تورط بزيارة مطلوبين أمنياً له في بيتنا".
وتضيف : الأمير محمد بن نايف - جزاه الله خيراً- أمر بعلاجي بمستشفى الملك خالد للعيون وكان لتلك الرعاية والاهتمام أثرها علي لكن المرض عاد لي مرة أخرى مع ما أعانيه من ضغط وبدأت أفقد البصر من عيني نتيجة السكر وأتمنى أن يستجيب سموه لطلبي في خروج ابني والنظر له قبل أن أفقد بصري".

وكانت "أم مزرم" وجهت قصيدة إلى الأمير محمد بن نايف تقول فيها:

واعيني اللي بالخفا انثْـرت مـاه = هلت وكلـت والدمـوع أرجفنـي
من سبة اللي جاهلٍ فـي سوايـاه = ومن سجنته وآنا حزينة و أونـي
أشكي على اللي عالـمٍ بالخفيـات = الله رب البيت مـا يخيـب ظنـي
لا واهني من قابله عقـب فرقـاه =ولا واهني من قابلـه مرجهنـي
أحاول ( أسلا) مار عجزت لا أنساه = روابعٍ بالقلـب مـا ( يمرحنـي)
يا مير والله من نصاكم خذا منـاه = بعـد الولـي فزعاتكـم يفرحنـي
بس أقتلب بالليل ليا حـل طريـاه =ودموع عيني فوق خـدي ذرفنـي
وااا جسمي اللي ناحلٍ من عنايـاه = وأمراضي اللي بالورق يشهدنـي
أصبر على فرقاه لو كنت ما أقواه = وسود الليالـي بطيّهـن شيبنـي
سنتين وست شهور بالسجن مضّاه = والله أعلم عقبهـن وش يجنـي؟
أزبن على اللي توزّع الخير يمنـاه = يعطي ليا مـن اليديـن أقصرنـي
هذاك أبو سارة على الطيب مبـداه =وأليا نخيتـه بـلازمٍ مـا يكنـي
محمد بن نايف عسى الله يحمـاه =أرجوك ( بطلاقه) علي ما تمنـي
كم واحدٍ مِحيـت غالـب خطايـاه = في شاشة التلفـاز يـوم أعلننـي
وختامها منـي صـلاة وتحيـات = على الذي لـه السـوْر ينزلنـي