تــوك صغـيـره وابتـديـتـي تحـبـيـن=مـن علمـك ليـل السهـر ياصغيـره ؟
بدري عليك العشق يابنـت هاللحيـن=حـرام هـذا القلـب وشهـو مصيـره ؟
انتي بريئه في الهـوا ليـه تشقيـن ؟=دروبــه طــوال ٍ عـلـيـك وعـسـيـره
رحتي بـدرب ٍ مالـه اصـلا ً عناويـن=وانتـي مشاويـرك مـن اول قصيـر ه
ياطفلة ٍ حبّـت وراحـت علـى ويـن ؟=عقـب الهنـا ذقتـي الحـيـاه المـريـره
وينك ووين الحب والشوق والبين ؟=عنّيتـي عيـونـك وصـرتـي سهـيـره
امـحـق تسـلّـي كـــان ودّك تسـلّـيـن=الـورد لـولا اللـون وشهـو عبيـره ؟
خلّيتـي دروسـك وصـرتـي تحاتـيـن=الـدرس فـي ديـره وصـرتـي بـديـره
وصرتي بعد مـن غيـر هـذا تغاريـن=والمشكـلـه يـابـنـت مـنـتـي خـبـيـره
نصيحـتـي لــك كـــان ودّك تـرديــن=يـــم الـسـعـاده والـحـيـاه الـمـثـيـره
خـلّــك بــجــو الـعـايـلـه لا تـعـدّيــن=مـامـا وبـابـا والـعـجـوز الـضـريـره
شيبـانـك الـلـي مــا يبـونـك تعانـيـن=مــن بينـهـم عشـتـي كـأنّـك امـيــره
الـحـب قبـلـك هــز نــاس ٍ كثيـريـن=خـلاّ القـلـوب تعـيـش هــم ٍ وحـيـره
الحب يفضح لا انكشف داخل العيـن=وانـتـي بنفـسـك ماهقيـتـك بصـيـره
طيعـي كلامـي واحــذري لا تمـاديـن=تراجـعـي لاعــل فــي الأمــر خـيـره
عيشي الطفوله والبراءه لـك سنيـن=وبعـديـن حـبـي لا غـديـتـي كـبـيـره