مشتاق للجنة وخايـف مـن النـار=بين الرجا والخوف أبقضي حياتـي
أحيان يزيدالخوف عنـدي بمقـدار=لأني كثير ذنوب ومن العصـا تـي
ولأني أتوب من الخطيـا والأوزار=وأرجع أطيع النفس في المعصياتـي
يالله أنامن نفسـي اليـوم محتـار=أتعـب وانجيهـا وتبغـى مماتـي
يانفسي اللي تأمر بسوء وأشـرار=أريـد بـك خيـر وهـذا جزاتـي
يانفس يوم الحشر ماتقبـل أعـذار=وفي جنة الفردوس نبغـي المباتـي
لكن عندي لك سـؤال لـه أسـرار=وشلون ناصلها وهـذي سواتـي!؟
حملي ثقيل ومنة جسمي قد أنهـار=وحتى الخشوع مضيعة في صلاتـي
يارب كيف أدعوك في وقت الأسحار=وكلي ذنوب في العلـن والخفاتـي
وياكيف أنا ما أدعوك والاسم غفار=تغفـر ولومثـل البحـر سيئاتـي
أنـاأدري ان الله عظيـم وجـبـار=وأنـة رحيـم وكلنـا لـه سنآتـي
وإنة علـى خلقـة حليـم وستـار=وإنة رقيب وكامـل فـي الصفاتـي
فيالله يامنزل مـن الغيـم الأمطـار=يا منبت من الأرض خضر النباتـي
يامجري من القطر وديان وأنهـار=ومن الحصى منشي جبال السراتـي
يامقلب قلوب الخلايـق والأبصـار=ياحاشـر خلقـك حفـاة عـراتـي
أسألك أناخشيتك في سـر وجهـار=وعلى الهدى طالبك ربـي الثباتـي
وأسألك حسن الخاتمة بآخر الـدار=وتوبة نصوح وعفو قبـل الوفاتـي
وأسألك أنا الجنة مع وفـد الأبـرار=مع النبـي يـارب هـذي مناتـي