واهني من حط جده عن يمينه = بجامبو وأسم الجلاله من رموزه
بحالة من ربنا ياعبيد زينه = وفارق ام حسين هي ويا العجـوزه *
من مشى في نجد مايلقى حتينه = السلوم الطيبه نجدٍ تحوزه
ديرة ٍ لوما بها غير الشنينه = كنك اللي جاب كسرى مع كنوزه
بأنصحك ياعبيد نصيحه ثمينه = من تبيع اعراضها ماهي مجوزه
الشرف ما اظن له في (.....)عينه = بالحريم اللي ملابسهن بلوزه
الوجيه السافره ماهي حصينه = كم محاولة ٍ على لذعة فيوزه
والخبر معروف تدري به جهينه = كل شي يتضح لابان نوزه
مضها عزاب ولا زيجة غبينه = الشرف محفوظ والنفس معزوزه
راس مال الرجل نوماسه ودينه = وان فقدها قيل ولى ياهموزه