مجالس الفرده

مجالس الفرده (http://www.alfredah.net/forum/)
-   مجلس فضاء الشعر (http://www.alfredah.net/forum/alfredah4/)
-   -   قصيدة شاعر المليون (http://www.alfredah.net/forum/threads/alfredah710/)

ابن منيديل 20-04-07 03:32 AM
قصيدة شاعر المليون
 
قصيدة لاحد شعراء حرب



اللي يبـا المليـون ينصـى الامارات=واللـي يبـي ماعنـد ربـه يصلـي
واظـن والله ماعليًـه ملامات=شـي يعـل الكبـد يـانـاس عـلـي
وشلون شاعـر تنتخبـه المسجات=والشاعـر الموهـوب خلـه يولـي
في شاطي الراحه صراخ وهتافات=وتنطحك ( روضه ) كالغزال المطلي
والمسأله فيها رسوم وحسابـات=( ومليونهـم ) تـل الملاييـن تلـي
واللجنه اللي شكلـت خمـس دولات=مبرمجـه فـي شفـرةٍ ماتحلـي
احدٍ يجيز وواحـدن فيـه فزعات=يرفـع عقالـه لابـن عمـه يهلـي
وللشاعر الاهـدل سـلام وتحيات=عقبـه غـدى غسـان ثـورٍ مفلـي
وللشعر ناس وللشواعير وقفات=واللـي يغالطنـي يجـي فـي محلـي
سبيل مات وماقفه حي مامات=وقفت شـرف ماهـي مـزوح وتسلـي
وحرب العريبـه حاربـت قبـل دولات=مسطـرٍ تاريخهـم بالسجلـي
وان كان تبغى الحل نقرى السجلات=وبعده تراك من الغلط بألف حلـي
ترى سجود السهو مشروع بالذات=سجدة سهو تجبـر صـلاة المصلـي

متعب بن نومان 20-04-07 01:45 PM
مشاركة: قصيدة شاعر المليون
 


صح السانه صح السانه انشهد انه صدق بكل بيت قاله


وبيض الله وجهك ابن منيديل على الاختيار ولاهنت

Eng. Abood 23-04-07 10:05 AM
مشاركة: قصيدة شاعر المليون
 
صح لسان الشاعر الحربي قصيده رائعه

ابو ريـــــــم 23-04-07 12:11 PM
مشاركة: قصيدة شاعر المليون
 
اقتباس:
اللي يبا المليون ينصـى الامـارات++++واللي يبـي ماعنـد ربـه يصلـي
واظـن والله ماعلـيًـه مـلامـات++++شـي يعـل الكبـد يانـاس علـي
وشلون شاعـر تنتخبـه المسجـات++++والشاعـر الموهـوب خلـه يولـي
في شاطي الراحه صراخ وهتافـات++++وتنطحك ( روضه ) كالغزال المطلي

ابن منيديل

يعطيك العافيه

والله قال وصدق في ماقل بيض الله وجهه وصح لسانه

وبارك الله فيك يالغالي على النقل الطيب

ظاهر 23-04-07 10:59 PM
مشاركة: قصيدة شاعر المليون
 

http://www.l22l.com/l22l-up-1/f2d6874adf.gif

صح لسان الشاعر...

ووالله أنه كفووو ويستاهل شاعر الملايين مو المليون ...

الله يعطيه العافية ...

وإلا المري يأخذها والعازمي الرابع والله قهرررررررر...


صح لسانه،، صح لسانه

وألف شكر لك أخوي ابن منيديل ...


|:: ظاهر الفريدي::|

ثامر قبلان 24-04-07 02:50 AM
مشاركة: قصيدة شاعر المليون
 
بصراحة طاحت هيبة البرنامج بعد شاعر المليون الخاص بالصغار يعني من حلقه وحده وياخذها اللي لسانه واصل لخشمه :D

أبو أنس 24-04-07 05:42 AM
مشاركة: قصيدة شاعر المليون
 
صح لسان الشاعر
وتسلم يداك على النقل ابن منيديل.

ثامر قبلان 24-04-07 01:30 PM
مشاركة: قصيدة شاعر المليون
 
صح لسانك يا بن منيديل و فالك المليون

ابن منيديل 24-04-07 11:16 PM
مشاركة: قصيدة شاعر المليون
 
اشكر الجميع على المرور اللذي زادني شرفأ


وثامر قبلان شكرا ومن (( بئوك لباب السماء)

فيصل الفريدي 24-04-07 11:36 PM
مشاركة: قصيدة شاعر المليون
 
اللي يبـا المليـون ينصـى الامارات=واللـي يبـي ماعنـد ربـه يصلـي
واظـن والله ماعليًـه ملامات=شـي يعـل الكبـد يـانـاس عـلـي


ابن منيديل الله يعطيك العافيه على طرحك لـهذه القصيده و التي أكثر من رائعه وانا دائماً من المعجبين في مشاركاتك الرائعه (وصح لسان الشاعر الحربي)

مشكوووووور والله يعطيف الف عافيه

mo0ody 25-04-07 12:12 AM
مشاركة: قصيدة شاعر المليون
 
افضل ماقراءت
مشكوووووووووووور يابن منيديل


الساعة الآن 10:03 PM

Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52