كـل مـا فــي الـكـون غـيـر الله زايــل=مـــا بـهــذا الـكــون غـيــر الله قـــوّة
والـرجــال الفـاهـمـة تـبـقـى قــلايــل=جـيـت أخاطبـهـم بتعـريـفـي وانـــوّه
امتلـكـت الـشـعـر ووظـفـتـه رسـايــل=وافـتـخـر فـيـنـي وسلـمـنـي سـمــوّه
الله الـهـمـنـي واوهـبـنــي وســايـــل=من صنـوف الشعـر استرشـف حلـوّه
جيـتـكـم بـسـمـي لتـعـريـف القـبـايـل=اقتبسـتـه مــن عــرا ديـنـي وضـــوّه
القـبـايـل عـرفـهـا مـــا لـــه بــدايــل=احتـشـام وديـــن وأخـــلاق ومـــروّة
وش يعيب الشخص لو شد الرحايـل=لا جـفــاه الــوقــت والـدنـيــا تــلــوّه
قـــد خلـقـنـا الله انـســاب وفـصـايـل=القـيـاس الـديـن والأصـــل الـمـخـوّه
القبيـلـي مــن بـقـي للـحـمـل شـايــل=لا يــســب ولا يـهـيــن ولا يــشـــوّه
والأصـيـل الـلـي تمـسـك بـالاصـايـل=مـا عمـل بينـه وبـيـن الـنـاس هــوّة
الحـريـص بـصـون ربــات الشمـايـل=الـبــنــات الـطــاهــرات بـــكـــل زوّه
الكـنـوز الحافـظـات عـلـى الفضـايـل=الـزهـور الصـامـتـات عـــن الـتـفـوّه
الكـريـم السـمـح محـمـود الخصـايـل=لا ظـلــم غــيــره ولا زيّــــد عــتــوّه
والـذي حـظـه مــع المـعـروف مـايـل=اعلـنـت نفـسـه مــن الـجـودة خـلـوّه
والــذي مـالـه مــع الـجـودات طـايـل=مـا مـعـه بـيـن القبـايـل مــن مـخـوّة
الجـمـايـل بـاقـيـة لاهــــل الـجـمـايـل=والـفـتــوّه بـاقـيــه لأهــــل الـفــتــوّه
وأنـت ياللـي تدعـي صـيـت العـوايـل=واعـتـراك الكـبـر واستفـحـل غـلــوّه
كـان مـا بينـك وبـيـن الـذنـب حـايـل=أنتـبـه لــو كـنـت مــن بـيـت النـبـوّه
وكان وجهك ما استحى سود العمايل=العمـل محسـوب واللـي جــاك ســوّه
قالـهـا فــي سـالـف الأوقـــات قـايــل=الــذي مــا يستـحـي يـسـقـط عـلــوّه