|
لو بوقت قيس الملوح موبايل ؟؟؟ هذه قصيدة من قصائد بناخيكم الشاعر / سلطان بن بتلاء جتـنـي بـخـد ٍ فـوقـه الـدمـع سـايــل = تبـغـانـي لـقـيــس الـمـلــوّح مـثـيــلا تـقـول هـجـرك عـامـل ٍ بــي عمـايـل = ولاعــاد لــي بمسـاهـر اللـيـل حـيـلا ابــي عـلـى جنـونـك بـحـبـي دلايـــل = وتهيـم بـي فــي كــل صـبـح ٍ ولـيـلا قلت اسمعـي قيـس انفضـح بالقبايـل = مـانـي بصـايـر عـقـب عقـلـي هبـيـلا قـيـس المـلـوّح لــو بوقـتـه موبـايـل = ماكـان جــاه هـبـال مــن حــب ليـلـى هاكالـمـلّـوح راح صــايــل وجــايــل = فــي كــل دار ٍ لـــه مـبـيـت ومـقـيـلا ولا لقـا مـن طــول صـبـره حصـايـل = واصبـح مـن فـراق الحبـايـب علـيـلا دقـــي عـلــي وتسمـعـيـن الـهـوايـل = اسـمـعـك حـكــيٍ لـطـيــف ٍ جـمـيــلا رنـه واجـي باشـواق الاحبـاب مايـل = واشرح لـك اسبـاب الفـراق الطويـلا وال ( call me ) تالي الليال القلايل = حـلــت مـعـانــاة الـرصـيــد الـقـلـيـلا اوراسلـيـنـي وازعـجــك بـالـرسـايـل = رســايــل ٍ مـابـيــن خــــل وخـلـيــلا مـتـعـدده هالـحـيـن كـــل الـوسـايــل = والـلــي يـبــي خـلــه بيـلـقـا سـبـيـلا لاتشتـكـيـن الـبـعـد يــــاام الـجـدايــل = مــــدام بـيـديــك الـسـنــع والـدلـيــلا كــم للحـيـا مابـيـن الاحـبــاب حـايــل = وكم لي وانـا اطـا منـك جمـر المليـلا جـيـتـك ولاحـطـيـت عـقـبـك بــدايــل = لــو راودونــي عـنــك مـيــة بـديــلا ولاقـلـت ويـنـك قلـتـي الـشـك زايــل = لاوالله الــلــي زال جــســم ٍ نـحـيــلا امــا ارحـمـي قلـبـي بـرنـة مـوبـايـل = والا ابـعـدي عـنـي وصـبـراً جـمـيـلا |
مشاركة: لو بوقت قيس الملوح موبايل ؟؟؟ ولاهنت بيض الله وجهك ابن منيديل وصح السان الشاعر / سلطان بن بتلاء عساك على القوه عطنا من قصايده |
مشاركة: لو بوقت قيس الملوح موبايل ؟؟؟ مشكور يبن منيديل وكم هو مبدع سلطان فعلا كما تفضل بقايا انسان اتحفنا بجديده لاهنت |
مشاركة: لو بوقت قيس الملوح موبايل ؟؟؟ اقتباس:
ابن منيديل يعطيك العافيه ولاهنت على النقل قصيده جزله من رجال جزل |
مشاركة: لو بوقت قيس الملوح موبايل ؟؟؟ بقايا انسان سيف الفردة ابو ريم شكرا لمروركم العطر اللذي شرفني وان شاءالله ازودكم بالجديد |
| الساعة الآن 12:46 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir