مجالس الفرده

مجالس الفرده (http://www.alfredah.net/forum/)
-   مجلس فضاء الشعر (http://www.alfredah.net/forum/alfredah4/)
-   -   تفضل وأكتب أفضل بيت شعر سمعته ... أو قرأته (http://www.alfredah.net/forum/threads/alfredah604/)

منصور الوسوس 19-05-07 06:52 PM

رد: تفضل وأكتب أفضل بيت شعر سمعته ... أو قرأته
 
بقايا انسان مشكور على الاهتمام وابداعك ومتابعتك اسعدتنا

واثرت الموضوع لك شكري واعجابي

__________________________________________________ ___

مني السلام و كان لي منك فرقا=جمرة غضى حبك لجت داخل الجوف
عليك عيني بازرق الدمع غرقا=غيرك فلا حسيت و غيرك فلا اشوف

__________________________________________________ __

ويقول الاخر :-

حيٍ يورّيك المذلـة وتغليـه=أنا أشهد إنك ميت القلب عامي
.....
من لا يوّدك لا توّده وترجيـه=أرفع مقامك يا عزيز المقامي

_______________________________

ابن جدعاء 21-05-07 03:02 PM

رد: تفضل وأكتب أفضل بيت شعر سمعته ... أو قرأته
 
شكراْ منصور على هذا الموضوع

ان عشت ياراسي كسيتك اعمامه *** ون مت يراسي فدتك العمايم

************************************************** *********

رافق رفيق لاتضيقتك يشريــــــك *** ولاتنفع الرفقه على غير فزعات
والا الردي عند الوازم يخليــــــــــك *** لانافع نفسه ولامنه نفعــــــــات
خله ترى له طاري غير طاريــــــــك *** للك نية وحده وله عشر نيــــــات


************************************************** *********

العود يوم انه يجيب العيالي ***يبي لااخر العمر لذه وطربات

ابن مخيمر الوسوس 21-05-07 10:57 PM

رد: تفضل وأكتب أفضل بيت شعر سمعته ... أو قرأته
 
الاخ أبو محمد موضوعك متميز وغاية في الجمال كما عودتنا / ولي مشاركة عسى أن تحوز على رضاكم


خلك كما الصندوق بين وخافي وحاذور من هرج تجي فيه الاكذاب
واودع جنابك للمساكين دافي وخلك ليا جوك المناعير عجـــــــــاب

( مريزيق الوسوس )

ابن مخيمر الوسوس 21-05-07 11:08 PM

رد: تفضل وأكتب أفضل بيت شعر سمعته ... أو قرأته
 
الاخ أبو محمد موضوعك متميز وغاية في الجمال كما عودتنا / ولي مشاركة عسى أن تحوز على رضاكم


[size=9][size=9] [color=#00FF00][color=#0000FF][font=Simplified Arabic][size=3]خلك كماالصندوق بين وخافي ـ ـ ـ ـ ـ وحاذور من هرج تجي فيه الاكذاب
واودع جنابك للمساكين دافي ـ ـ ـ ـ ـ ـ وخلك ليا جوك المناعير عجـــــــــاب

( مريزيق الوسوس )

ابن مخيمر الوسوس 21-05-07 11:12 PM

رد: تفضل وأكتب أفضل بيت شعر سمعته ... أو قرأته
 
الاخ أبو محمد موضوعك متميز وغاية في الجمال كما عودتنا / ولي مشاركة عسى أن تحوز على رضاكم


خلك كما الصندوق بين وخافي وحاذور من هرج تجي فيه الاكذاب
واودع جنابك للمساكين دافي وخلك ليا جوك المناعير عجـــــــــاب

( مريزيق الوسوس )

منصور الوسوس 21-05-07 11:23 PM

رد: تفضل وأكتب أفضل بيت شعر سمعته ... أو قرأته
 
مشكور يبو عبدالله زادت شموع موضوعنا ومنتدياتنا بوجودك واطلالتك من جديد

ابو عبدالله لنا عتب عليك دخولك قليل نبي مشاركاتك وابداعاتك الرائعة لاتحرمنا منها

ومشكور على هالبيت الجميل رحم الله مريزيق وجميع اموات المسلمين

الفريدي 22-05-07 10:14 AM

رد: تفضل وأكتب أفضل بيت شعر سمعته ... أو قرأته
 
لا خاب ظنك بالرفيق الموالي ********* مالك مشاريه على نايد الناس
ويعل قصراً مايجي له ضلالي ********* ينهد من عالي مبانيه للساس

الشاعر / محمد السديري

=============

موضوع مميز كعادة صاحبة // لكن لي ملاحظه / الوسوس / أبياتك كلها غزل القلب خضر هههههه

ابوبندر 22-05-07 01:54 PM

رد: تفضل وأكتب أفضل بيت شعر سمعته ... أو قرأته
 
الفريدي
لاتقرص على الرجال تكفى
خله يمتعنا بالجديد المستمر
----------------------------
وهذي ابيات اعجبتني لصقر المنتدى وهي مشاركتي معكم هنا

يا منومس طربتي جالـي عماسـي=يا نديب الصعب يا صعب المهمـة
ملجم الهكار من خلـف الرواسـي=ومودع راس الفحل منهـم بكمـه

---عبدالله ابن غنام---

منصور الوسوس 22-05-07 02:42 PM

رد: تفضل وأكتب أفضل بيت شعر سمعته ... أو قرأته
 
الفريدي نسيت وش قلتلك امس

شكلك كبرت يبن الحلال كلم الرجال وخلصنا


اكيد انت ابخص الله يبارك بجهودك يابن العم

نسيت اقول مشكور على الابيات الحلوه عساك تسلم

منصور الوسوس 22-05-07 02:46 PM

رد: تفضل وأكتب أفضل بيت شعر سمعته ... أو قرأته
 
ملجم الهكار من خلف الرواسي== ومودع راس الفحل منهم بكمه


معلا رفيق الدرب حياك مولاك


اختيار رائع لشاعر رائع من كاتب رائع

سلمت ودمت ياتاج راسي

متعب بن نومان 22-05-07 05:17 PM

رد: تفضل وأكتب أفضل بيت شعر سمعته ... أو قرأته
 
لو سمحتم درب درب=شاعر من روس حرب
والقوافي قلع سرب=لابغيت اقف بديت



نواف بن هلال ابن نومان الفريدي

منصور الوسوس 22-05-07 07:41 PM

رد: تفضل وأكتب أفضل بيت شعر سمعته ... أو قرأته
 
بقايا انسان اختيار رائع لعلم من اعلام شعرائنا الكرام


صح لسانه وسلمت ودمت يابن العم



أنا بــــــدوي وبعيشتي ماتنعمــــت ***ورمز البــداوه سيف ولـلـكـيـف دلـــه

محبوبتي صحراي في حبها همـت *** أعـشـق سـهـلـها والرجوم الـمـطـلـــه

يكفي إني من البـــداوه تعلمـــــت *** و إن الــركـــوع لـغـيـر ربــي مــذلـــــــه

متعب بن نومان 22-05-07 10:22 PM

رد: تفضل وأكتب أفضل بيت شعر سمعته ... أو قرأته
 
يا سخيّـف الـذرعـان مانـيـب مـرجـوج **** رجـتــنــي الأيـــــام غـــــدر ٍ وحــيــلــه

منصور الوسوس 22-05-07 11:17 PM

رد: تفضل وأكتب أفضل بيت شعر سمعته ... أو قرأته
 
مشكور بقايا انسان لاهنت يبن العم ممتابعة رائعة


خذ عندك

دنياك حلوه لا تهمك ظنونك ... لا خير فيها كان خان القدر فيك.
.. وش نفعها ياقبله الخلق دونك .... لعلها الزلزال دنيا تبكيك



الدار لاكـــدرت صافي مشاربها ***ماقادني يمها شفٍ ولا راده
اشـــوم عنها وخليها وجنبها *** الذيب يبخص مصاديره وميراده
العين ماتبـــكي إلا من سبايبها *** الوقت غلاب والعربان نقاده
سود الليالي كثيراتٍ عجايبها *** تضحك عيال الخدم وتزعل الساده

ابن سدحان 24-05-07 03:17 AM

رد: تفضل وأكتب أفضل بيت شعر سمعته ... أو قرأته
 
الابيات الجميله كثيره

ودنا باالطيب مار الزمن جحاد طيب=كل ماتخلص مع الناس كنك تغشها
يدك لا مدت وفا لاتحرى وش تجيب=كان جاتك سالمه حب يدك وخشها
هذه الابيات لشاعر سعد بن جدلان

متعب بن نومان 25-05-07 03:34 PM

رد: تفضل وأكتب أفضل بيت شعر سمعته ... أو قرأته
 
ماتشيد على ساس=ودك عواصيف الزمان اتهدمها
وايامك اللي ماتبين لك الناس=أخير منها ياابن ادم عدمها


ماعلم عن صاحب القصيده وجدتها في النت وعاجبتني

اللي عرف عنها شي لاهان يتحفنا فيها

ابوبندر 27-05-07 03:23 AM

رد: تفضل وأكتب أفضل بيت شعر سمعته ... أو قرأته
 
رجلٍ تعزه بعد ماتلتقـي فيـه
ورجلٍ قبل لاتلتقي بـه تعـزه

عبدالله بن غنام 27-05-07 04:00 AM

رد: تفضل وأكتب أفضل بيت شعر سمعته ... أو قرأته
 
من لا يدوس الراي قدام لا ديس === عليه داسوه الرجال القرومي
ومن لا يقلط شذرة السيف والكيس== يبدي عليه من الليالي ثلومي

ابن حميد

ابوبندر 27-05-07 05:09 AM

رد: تفضل وأكتب أفضل بيت شعر سمعته ... أو قرأته
 
دامَ الأحبةُ والبطحاءُ دونهُمُ
نجماً تخلَّجَ في الظلماءِ مُحتجِبا



والرِجْلُ تقصرُ في سعيي ويَخذلني

أني إذا ما اتخذتُ الصاحبَ انقلبا

منصور الوسوس 27-05-07 11:52 PM

رد: تفضل وأكتب أفضل بيت شعر سمعته ... أو قرأته
 
جميع من تشرفت بمرورهم لكم ازكى تحية


يشتاق قلبي للرجال المطاليق *** شوق الحبيب أللي تمنى حبيبه
كنوز الرجال و لا كنوز الصناديق *** المال يفنى و النشامه تجيبه

متعب بن نومان 28-05-07 01:54 AM

رد: تفضل وأكتب أفضل بيت شعر سمعته ... أو قرأته
 
والله يالولا الميز والعقل والدين
لـجيب حس الذيب يزويه جوعي



خليف بن داخل ابن نومان الفريدي ( ابو عبدالله )

عبدالله بن غنام 28-05-07 09:24 AM

رد: تفضل وأكتب أفضل بيت شعر سمعته ... أو قرأته
 
المذهب الطيب ترى المذهب الطيب=والمذهب الخايب يبور نساكم
؟؟؟؟

ـــــــــــــــــــــــــ ــــــــــــــــــ


ياوين ابا القى من يحب التعاليل= يبدا بزين القول والا ابتدي به
........................=................................
........................=...............................
ماهو بشايب شيبنه غرابيل=عيد(ن) يقفي به وعيد(ن) يجيبه
......................=...............................
انا الذي شفت الوزا يا اسماعيل=طاوعت نفسي لين شفت الغليبه
والنفس طير والخطايا محابيل=والناس غواي الحديث تحكي به

بندر بن سرور

ـــــــــــــــــــــــــ ــــــــــــــــ

ترى الكريم اليا بديله معاذير = يسمح ونفسه ما تهوم الخطايا
وعند الردي عذرك مثل طايح البير=ما يقبل المعذار عفن السجايا
دايم محاذر حيث عنه المحاذير=ويحط هزلات المعاني قضايا
واليا لقى بك لو فقط يوم تقصير =ينسى جميع الزين ماله بقايا
سوالفه تسبق هبوب المعاصير= لا جاب هرج مدورين الحكايا

غنام بن متلع( رحمه الله )

سند بن عبدالعزيز 28-05-07 03:36 PM

هذه الأبيات من أروع ما سمعت في المدح
 
أخواني أعضاء ومشرفي هذا الصرح المبارك الأبيات القادمة من أروع ما سمعته في المدح والثناء في الشعر النبطي وخاصة أنها قد قيلت في أحد منسوبي هذه المجالس الطيبه بأهلها .
يقول بجاد بن حريمل المربوث الفريدي
الرتبه اللي على منصور تزهابه=يستاهل المنصب الوسوس وكفوله
اللي على الطيب دايم يتعب ركابه =له منزلٍ بالمكارم كلٍ يدله
عز الله إنه يسر اللي تعزوابه=من جاه عاني يحصل مابغا كله
الطيّب اللي لربعه فاتحٍ بابه=يلقون فيه الشحم والعود والدله
بيتٍ مقر الكرم والجود يلقابه =منصور ساسه عن المنقود راسٍ له
تواق للطيب لويخسر من حسابه= ولاهي مراواه حب الطيب طبعٍ له
فيه الحميا لابن عمه مع اصحابه=ينعم خويه بظل الله ثم بظله
صيته بقولت نعم يكفي عن غيابه=ماصد عن واجبه مع طاعته لله
ينومس القاف شعري لاتغنى به=الشعر مهما كتبته فيه مامله
يستاهل أبو محمد والشي من معدنه لا يستغرب .

مشعل الجضعان 28-05-07 05:38 PM

رد: مشاركة: تفضل وأكتب أفضل بيت شعر سمعته ... أو قرأته و&#1575
 
اقتباس:

المشاركة الأصلية كتبت بواسطة عبدالله غنام (المشاركة 3465)
لو كل ما نسمع نحطه على البال=يمدي الهروج العوج بذت خفانا
؟؟؟؟؟


ما يطيع الناس من قلبه دليله=عيف شور ما يرقيك المعالي
غنام بن متلع








يوم اعترضلي صاحبي والشعر مكشوف
يضحك فرح في جيتي مسفهلي
فيه الحياء فيه الخجل دخله خوف
فيه التواضع و الشموخ و التغلي
من زين مشيه كنه اليوم معسوف
كل الوصايف في خيالي طرلي





الشاعر : علي محمد الجضعان

منصور الوسوس 29-05-07 11:52 PM

رد: تفضل وأكتب أفضل بيت شعر سمعته ... أو قرأته
 
فضيلة الشيخ سند احرجتني بهذه القصيدة بعدين عفا الله عنك حنا نقول بيت ماهي قصيدة


لاهنت واعرف شعورك النبيل لك تقديري

متعب بن نومان 02-06-07 01:36 AM

رد: تفضل وأكتب أفضل بيت شعر سمعته ... أو قرأته
 
جيب الحطب حط وقدة سمر يا نايـر == تراي جيتك على رأيٍٍ ماهـو بنيـر

من شحنة الصدر دمي مظطرب فاير == الوقت غير مساره صعـب ويحيـر

وعزالله إني وقفت أبماقـف الحايـر == لا ضعف ميزة ولا عايب ولا صغيـر

ولد امس

ابن حميدان 02-06-07 08:38 PM

رد: تفضل وأكتب أفضل بيت شعر سمعته ... أو قرأته
 
مشكور يا من طرح هذا الموضوع واشكر القائمين على هذا المنتدى الاكثر من رائع



صديت عن بعض البشر عمد واعناد - - - قالوا علامك قلت صديت عنهم
ارتـحــت نفســياً واببـتـل وانــا صاد - - - لو قالو حنا منك ماني بمنهم


شاعر الاجردي ( الفريدي )

منصور الوسوس 02-06-07 11:16 PM

رد: تفضل وأكتب أفضل بيت شعر سمعته ... أو قرأته
 
شكرا ... لكل من مر معنا وشارك كل التحية لمن عطر هذا الموضوع بكتابته الجميلة ومشاركته في اثراء هذه الصفحة الرائعة بوجودكم ايه الاحبة .

هذه ابيات لشاعر منتدانا العذب لأخ / عبدالله الغنام حيث يقول في رد على احد اصدقائه

اشوف لا أديت الوفا الحق وافرضـت=كنـي مقضـي بالحيـاة المقاضـي
حيزت لي الدنيا ليـا مـن تنهضـت=بالزم مواجيبـي بحسـب افتراضـي
والا الدهر يجري وانا مـا تعوضـت=لمعة عمر عجلى كما البـرق ياضـي
فيها جمعت المال وانفقت واقرضـت=مـالٍ نبثـه بـث دون اقتـراضـي

متعب بن نومان 05-06-07 01:42 PM

رد: تفضل وأكتب أفضل بيت شعر سمعته ... أو قرأته
 
ماعرف الا عباره مثلها مثل الوصيه=عيش عمرك ذيب تسلم من مخاليب الذيابه

متعب بن نومان 07-06-07 10:11 PM

رد: تفضل وأكتب أفضل بيت شعر سمعته ... أو قرأته
 
يقولون العرب صدر الشمالـي .. مايضيـق بسـاع=وانا اقـول الصـدور اليـوم .. ماعـادت شماليـه
بدت في داخلي ضيقـه عجـزت القالهـا مطـلاع=تغيب . وترجع .. وترجع تغيـب ... ومالهـا نيـه

خلف المشعان

خلف الفريد 08-06-07 12:39 AM

رد: تفضل وأكتب أفضل بيت شعر سمعته ... أو قرأته
 
بسم الله

موضوعك شيق يالخال وتفاعل الذيابه اكبر دليل

لكن لو مجامله ماحطيتوا لي لو نصف بويت
لكن فات عليكم هالبيت الدسم

من قال بالناس قالوا به ********* ومن عال تاتيه عيالي

الحدااااااااااااااااااااااري


وهاذي من عندي

حالفٍ يالهندي مايطول لمسه *** وجهي اللي فيه الخمس الحواسي

ولا يطمن راسي باليدين النجسه ***;) راسي المرفوع من يطمن راسي ؟

خلف الفريد 08-06-07 12:45 AM

رد: تفضل وأكتب أفضل بيت شعر سمعته ... أو قرأته
 
من كفانا الشر قلنا له سهودي ***** ومن بلا بالشر قلنا جاهليه

سعد بن عماش الوسوس

خلف الفريد 08-06-07 12:55 AM

رد: تفضل وأكتب أفضل بيت شعر سمعته ... أو قرأته
 
خطو الولد لو به زبونٍ وجبه **** ياتي عليهم من حساب الزهابي
الظلماوي
وقال حجرف
انا ليا ضاقت علي تفرجت **** يرزقني اللي ماتعدد فضايله

يرزقني رزاق الحيايا بجحرها **** لاخايلت برقٍ ولا هي بحايله ح

هلال الفريد 08-06-07 02:41 PM

رد: تفضل وأكتب أفضل بيت شعر سمعته ... أو قرأته
 
عن الوطن غربتك عادي لو تطول = بس المصيبه غربتك.. بين ناسك

الشاعر هجاج الوسوس

ذيبان 08-06-07 03:51 PM

رد: تفضل وأكتب أفضل بيت شعر سمعته ... أو قرأته
 
ان الامور التي باللوح قد كتبت = لابد ان تأتيك او انت تاتيها

منصور الوسوس 08-06-07 10:20 PM

رد: تفضل وأكتب أفضل بيت شعر سمعته ... أو قرأته
 
خلف الفريد

ابيات رائعة جدا نشكر لك اهتملمك ومشاركاتك الجميلة

طلب مهم يبو عبدالعزيز / اذا عندك قصائد للشاعر الشجاع

عذب القصيد : سعد ابو عماش فانا باسم المنتدى اطلب هذه القصائد لاهنت يالفريد

منصور الوسوس 08-06-07 10:29 PM

رد: تفضل وأكتب أفضل بيت شعر سمعته ... أو قرأته
 
مشكور على الاضافة الجميلة يا اديبنا الرائع ذيبان

هلال الفريد اشكر لك مرورك واضافتك الرائعة

واعجابي بروعة وجمال الابيات والتصميم في توقيك اشهد انك صقر وتستاهل يبن العم



الحر الاشقر لاتضايق من الدار=لوهي عليه اغلى من امه
تركها راح يتلفت فالسماء يمين ويسار=وخلى حمام الدار للي شبكها

هلال الفريد 09-06-07 12:08 AM

رد: تفضل وأكتب أفضل بيت شعر سمعته ... أو قرأته
 
تسلم اخوي منصور الوسوس

طبعا هجاج الوسوس (( علم من أعلام الوطن العربي في الشعر ))

اخوي منصور عندي طلب لا هنت


ابي قصيدة هجاج بطلحة (( ديرة راعي العليا جازي الوسوس أبو نواف )) رحمة الله رحمة واسعة

منصور الوسوس 09-06-07 03:43 PM

رد: تفضل وأكتب أفضل بيت شعر سمعته ... أو قرأته
 
طلباتك اوامر ياهلال في هذه اللحظة اتصلت على

الشاعر ابو نواف هجاج الوسوس سئلت عن القصيدة

قال طويلة جدا ابياتها كثر من 100 بيت !!!!!!!!!!!!!!!!!!!

قلت يصير خير اختصرها وارسلها لي واوعدني

يجيبها لك مني انزل ولو جزء منها باذن الله

تقبل اجمل وارق واعذب تحية ياعظم العرب

هلال الفريد 09-06-07 09:21 PM

رد: تفضل وأكتب أفضل بيت شعر سمعته ... أو قرأته
 
تسلم يالذيب



ماهي غريبة عليك


والله لا يحرمنا منك


وانا بانتظار ابداعاتك


الساعة الآن 10:55 PM

Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52