انا البارحة كنـي علـى صالـي الملـه=يفوح الحشا من ضكة الوقت وغبونـه
يا وين الرفيق اللي يبيّـن وابيّـن لـه=يترجم نظر عيني وانـا اقـراه بعيونـه
ليا كشـرت نيبـان الايـام نزبـن لـه=ونلقى الذرا عن صافق الوقت بركونـه
ولا جار حملـه نثنـي وعنـه نشتلـه=ويبشـر بنـا حتـى يقنّـد دركسونـه
ماهو بيتحسـس منـك ويـدور الزلـه=ولا بان له مـا رام لـه عـد طبلونـه
خطاة الهبـود اللـي لا جيتـه يزولـه=لو انك مسيّر قال جـايٍ يبـي عونـه
سهج واجبات المرجلـه واختلـف دلـه=لبس له ثيابٍ عن مدى الطيب مخبونـه
رباه الرصيص وامتـلا وانتفـخ كلـه=ولا غاض عاض النقص بالجبن والتونه
على تبسي الفرغه لقا الونـس والفلـه=ونفخ ذربه وكبـرت علابيـه ومتونـه
وتناوش عروض الخلق واصبح يخيلـه=وزما في عيونه وان كل البشـر دونـه
( وتلقى الخلا واعطى المفاتيح عبدالله )=ولا رده الا نكخـة الضلـع بقـرونـه
لنا شرهـة الايـام صبـت مـع الدلـه=وشربنا الشموخ ولحية التيش محسونه
قطعنـا تهاتيـه الخـواريـم والخـلـه=جذبنا ارشـا الايـام والشـر بمنونـه
دحمنـا الليالـي بالنشامـا وبالسـلـه=يوم الموت خيّل وارتخا وابـل مزونـه
ويصفق بنا موج المقاديـر فـي ضلـه=عتينا عليه وشقرة المـوت فـي لونـه
ونشت مزنـة العيالـه وجـات منهلـه=ونفضنا العباه وطيشة الفـوح مكنونـه
دفنا شتـات الوقـت والحـذف بالحلـه=وبقت مقدرتنا بالدهر وشكثـر شونـه
لحتنا السنيـن العـوج والكبـد منتلـه=على من شباته بالحشا تلحـق طعونـه
نقاسي وخفـاق العنـا شفـق ومولـه=تهشـم ضمايرهـا ولا بانـت البونـه
نـوادر ضميـرٍ يعقـد الحبـل ويحلـه=لا كشر لنا وجه الزمن واظهر سنونـه

يا وين الرفيق اللي يبيّـن وابيّـن لـه=يترجم نظر عيني وانـا اقـراه بعيونـه
ليا كشـرت نيبـان الايـام نزبـن لـه=ونلقى الذرا عن صافق الوقت بركونـه