يا ناس راع الحب لو كان ابا اتوب=تراه مثل الطفل نفسه رديه
لا شاف من يظهر له الهرج مقلوب= تطري عليه ايامه الاوليه
يكسر كما يكسر على التتن شاروب=عنت عليه وتل قوطي خويه
المستريح اللي عن الحب محجوب=محدٍ تولع به لاله بغيه
يا ما ذكرنا من عجاريف وعجوب =في وقتي اللي فات تطري عليه
ما دك في قلبي من الهم دالوب = همي فراق مقرمزات الشفيه
لو راس مالي بس بشتي مع الثوب = اغنى من اللي يملك القيصريه
واليوم لو عندي حلال ابن يعقوب = غناة تالي العمر ماهي حليه
كني مدير البنك والمال محسوب = امانةٍ للناس ماهوب ليه
الى توادع كل غالي ومحبوب= حطوه بين العايله بالسويه
هذا طريق الناس والاجل مكتوب = كلٍ يبي من والده له وزيه
لا مت كلٍ شال حقه على صوب =(الطيّب اللي يشترى لي ضحيه)
يالله عسى ماني بالنسل مغلوب = ويا عل ذكرانا مع الناس حيه
هذا وصلوا عد ما ذكر مكتوب =على النبي المعصوم من كل سيه

المشاركة الأصلية كتبت بواسطة ابن منيديل;50232[color=#330033 ابــــــــو راكــــــــــان الله يعطيك الف عافية ولاهنت يالغالي جهود تشكر عليها نيابة عني واصالة عن زملائي بجميع الاقسام مشرفين واعضاء لك اجمل تحية واصدق ود[/color]