يامرحبا ترحيبة ماقالها الاالبدو =لا شافو بروق المزنه العقربيه
من خاطر وقف من الفرحه ورحب وهلا = ياغايب ربي خذه مني ورده عليه
خليتني والعاشق الولهان ماينتخلا = الا ان تخلي البدو عن حب الفرس والمطيه
تعال يالغالي ترى مافيه داعي تغلا = انا الملوح واقلطي ياليلى العامريه
خليني اعبر عن شعور الغلا واتسلا = واجر لحن من لحون طروقي السامريه
لين العروق الظاميه تشرب حنان وتملا = وانا علي احفظ غلاتك مثل حفظ الوصيه
واليا انفهق ليلك وصبحك ياحبيبي تجلا = من لامني في فرحتي لا رحم ميته وحيه
هرجك عسل حالي وريقك كوكتيلاً محلا = العام الاول ذايقه في فندق الفيصليه
وان قلت لي ماذقت غيره قلت حشا وكلا = الا العويدي لا ذعر في دلة الشاذليه
هذا العذر يكفيك من صاحبك يازين والا = ودعتك الله ياخوي ماوثق في خويه