الله يباشر خبـة النقـع بالسيـل= من المزون اللي حقـوق ٍ هللها
عسى عليها كل ليلـة هماليـل =عقب المحل . . لين يتشابك نفلها
ياما أذبح فيها من الحشو والحيل=بمخيمات ٍ تكرم الضيـف أهلهـا
وياماسطع فيها شعاع القناديـل=عنها غياهيـب الظـلام يعزلهـا
عشرين ليله كن مالله خلق ليـل=أضواء ونيران ٍ تشاعـل كتلهـا
كل القبيلة دون شرح وتفاصيـل=ماغاب غايبها بكامـل خصلهـا
تكاتفـوا بالمهرجـان الرياجيـل=كل ٍ حضر وأقصى جهوده بذلهـا
وسدم طريق اللي يدور مداخيـل=وكل القبايل في نجاحـه ذهلهـا
وحرب ٍ هل الامجاد جيل ٍ بعد جيل=لهم فعـول ٍ غيرهـم مافعلهـا
موثقه من دون إضافـه وتعديـل=ومن لايسنـد حجتـه ماعدلهـا
فعل الوسيدي صدق ماهو بتمثيل=دون الخوي روحه تسبب بأجلهـا
والقبع خاله قص يمنـاه تنكيـل=وستة نفوس بحد سيفـه قتلهـا
وحجرف ذلوله يوم جوه الهواشيل=قام ونحرها للضيـوف ونجلهـا
والليا تعلم ضمر الجيش والخيـل=كـم قطنـة ٍ ماخلـوا إلا حللها
وفعولهم ماهي ماغير المصاويل=حتى العجم خاضوا معارك دولها
واليوم توه قـام حـظ الوبابيـل=كل ٍ عرض ذوده عقب ماسملهـا
في عدها المطلوب غير المخاليل=خمسين متن وكـل ذود بفحلهـا
كله بسبة ثالث الجـدي وسهيـل=أبن دليم اللـي بجهـده صقلهـا
عبدالله اللي ذلل الصعـب تذليـل=يوم أوثقت بـه لابتـه ماخذلهـا
شق الطريق وطنش القول والقيل=تمـره العوجـا وتمشـي قبلهـا
من كل جانب كلل الجهـد تكليـل=لين الأمور اللي يبيهـا وصلهـا

اخوي البارق تحية طيبة وشكرا على مرورك وصح السان الشاعر عبدالله بن زويبن

صح بدنك اخوي الغالي دلهام على مرورك على قصيدة الشاعر الكبير ابو بندر

عذب السجايا .ابو تركي , تحية طيبة على مرورك لقصيدة الشاعر عبدالله بن زويبن الحربي

عبدالله بن عوده اشكرك كل الشكر على مرورك على قصيدة الشاعر عبدالله بن زويبن ~
تحية طيبة لك ولشاعرنا ابو بندر