مجالس الفرده - ديوان الشاعر بصري الوضيحي

السلام عليكم ورحمة الله وبركاته

هذا ديوان الشاعر / بصري الوضيحي

يقول بصري الوضيحي يمدح الشيخ صفوق الجربا:


	من "كلكلة " شديت كورن نقيبـي ودلت من "الزرقا" مداحل قرنهـا تخوي كما يخوي مع المحزم ذيبي ولي له ريفـن لا يعـه مامكنهـا اليا هازها المحجان تجيبه حطيبي تفزيز بزوى جفلت مـن عدنهـا ونطيت راس الحيد يومـن تبيبـي مرقب عرودا منهج انهاج عنهـا طالعت بالخابور شوفـي ٍ قريبـي يعقر ولو هو من محاري كمنهـا ثار به من المرفوع طرشن عزيبي غربي تالي النيـل مداحـل ثفنهـا طالعت بيت الشيخ ضـد الحريبـي صفوق ثقيل الروز حامي ضعنهـا شيخن على كل المشايـخ تعيبـي ولا ينتهي عن رادتة يـوم ينهـا شيخن يبنى والدخن تقـل سيبـي سيب العراق آليا تطانـب دخنهـا يلقط صحونن به هبيط وعصيبـي ولا قللـوا أكالـة الـزاد منـهـا يا الله طلبتـك لا تخيـب نصيبـي بشولن ومشوال يبـاري ضعنهـا ومشمرن ماهي خطـات الهليبـي شود المصامح ينشد الشيخ عنهـا أبرهـا حنطـة وزبـدة حليـبـي وكابون حدر السرج ضافي بدنهـا مع سربتن يجداه حـس الويبـي عصلا عمودي ما حلى من لحنها ان صاح صياح الضحى وقال ريبي وغزوبـراس قايـد رعنهـا تعلوهـن زوبـعـن كالذهيـبـي كلن يخم أعنانهـا مـع رسنهـا وبراشمـن بمشمـرات السبيبـي يشدن عصافيـر القرايـا لحنهـا وتجاذبوا مثل المحوص الجليبـي وكلن يقول الملبسة من طعنهـا صويب شقران الذرى مـا يطيبـي عليـه سكلـن العـذارى وجنهـا أكثر صياح البيض واشـق جيبـي كلن يقول بعرستـه مـال عنهـا من مبلهـن لثـري لأم الحليبـي غربي هبات الطير ينحون عنهـا كدرى ورضيع الديد منها يشيبـي بخيت يالـي حـده البعـد عنهـا ياناشـدن عنـي ترانـي بطيبـي جني بوسط لا يتي وخيـر منهـا يم السمـول امدلهيـن الغريبـي هل أرباع ينشـد الضيـف عنهـا

"ومن القصائد اللتي اشتهرت له مع مناسباتها"

"2"
عندما كان بمجلس الشيخ صفوق الجربا ولم يكن صفوق حاضر
فقال قصيدة يقول فيها:


	ياليتني نـداف قطـن ٍ وابيعـه متحضرٍ في وسط سـوق راوي اشوف غزلانٍ يردن الشريعـه لبسن ثوب البزرقان الغنـاوي راعي الكريشه ريف قلبي ربيعه عليه بيبان الظمايـر تهـاوي

فكان الفارس "مجول بن شعلان" اسير عند صفوق فرد على بصري:


	تسعين خيبه للوضيحـي نفيعـه مع مثلها يدخل بها سوق راوي ربع ٍ يتاجر به وربـع ٍ يبيعـه وربع ٍ فراش ٍ له وربع ٍ غطاوي تقصد ببنت مكبريـن الوشيعـه خطار اهلها بالمشاتي مقـاوي ماقلتهـا بالبنـدري الرفيـعـه بنت الذي ذّباح حيـل ٍ عـداوي كم وادي حـرم علينـا ربيعـه وجروحهـم بقلوبنـا ماتـداوي

ويوم سمعت البندري القصيده فكت قيد مجول

"3"
كذلك قصيدته بمجلس الشيخ بنيه يوم يتمنى قال:


	ابا اتمنى كان هـي بالتمانـي صفرا صهاة اللون قبّا طليعـي وسروال تومان ومثل الشطاني ومصقل ٍ مثل الثغب له لميعي ابي ليا لحق الطلب له غواني والخيل معها مجول ٍ والدريعي أردها لعيون صافي الثمانـي بيض النحور مهلكات الرضيعي قدام شمر مثل زمل الصخانـي اللي يخلون المخالف يطيعـي

فتمنى فرس الدريعي بن شعلان وبالفعل غزا مع الشيخ بنيه على الدريعي
ويوم بدت المعركه انحاش بصري
ويوم انتهت المعركه جاء يمه بنيه قال ليه يابصري انحشت قال:


	انا بلايه لابسيـن القطانـي اللي يخلون المخالف يطيعي فوق قب ٍ مكرمات سمانـي يشدن شياهين تخطّف مريعي

فهزأه الشيخ بنيه وامره بغسل فرسه امام شمر

"4"
وكذلك قصيدته بزوجة بن خلبوص يوم اشتهرت بالجمل فأراد شوفها
وراح واحتال على بن خلبوص على انه يبي يغزي معه يوم ابعدو عن البيوت وهو يضرب رجل الناقه
بمخيط قال بن خلبوص ارجع لاهلنا وحنا نبي نجيكم انشالله
يوم رجع بصري للبيت وهو يقصد على مسمع زوجة بن خلبوص
يبيها تطلع ويشوفها قال بصري


	ما تنشدني وش عوقني عـن طريقـي اللي منعني من مرافق هل العـوص عنق الغزيـل عنـد هـاك الفريقـي كامل وصوف الزين والوسط ممهوص طرفه علـي مـع النضايـد تويقـي لونه يشادي بيضـة لـه ببرخـوص

لكنه ماطلعت له يوم رجع زوجها ارادت ان تحرج بصري قدامه
قالت يابن خلبوص انشد بصري وش قال عقبك قال بن خلبوص وش قلت يابصري
فتدارك بصري الموضوع وقال


	حليلة اللي حاجبـه مـا يضيقـي لي هجة القطعان والزمل مرصوص حليلتـه مـا تلتفـت للعشيـقـي ماله بغيرك رادة يا بـن خلبـوص

"7"
وله هالقصيده عقب الحجه قال:


	البارحه ماغمض الجفن بمـراح كن النويفج بوسط العين هـاوي والقلب من كثر الهواجيس مرتاح متلوعٍ والحـب دربـه بـلاوي ياعلي يااللي للمواجيـب نطـاح حَماي بالضيقات شقحٍ مهـاوي راعي الولع لوقالو الشيب به لاح يبي راع الامور الاوله لـه يخـاوي لو قيل حج وحط بالكف مسبـاح الذيب ماخـلا إمتـال الشـواوي

"8"
عقبها انعمى بصري الوضيحي
وقال:


	ياناصرن جيـش النبـي والصحابـه ومهزم عداك الله على الشرك عاصين تجلى بياض صبـي عينـي ومابـه واشوف شوف مطلعـات الشياهيـن عقب العمى تنظـر منـازل احبابـه واخصهم بالشوف لـو هـم بعيديـن يامحسـن الدنيـا لفتنـي ركـابـه وقرب رحيلي مـن فريـق مقيميـن والقبر قلبـي خليـف مـن عذابـه في ساعة عنـه الحوافيـر مقفيـن ويروعـون القلـب مثـل الذيـابـه اللـي يقوسـون العمـل بالميازيـن وانا ضعيـف الحـال مافيـه جابـه وتنجد في غير ربـك ماهـو شيـن يامحسـن الحسنـى علينـا مثابـه خلك لوغدانـي رحـوم وبـك ليـن احرص بهـم يامـا يجـون القرابـه مثل فروخ العـش بـرص مساكيـن وداعتـك نـوره عــذي شبـابـه لاتطلقـه ترهـا خيالـة سلاطـيـن اللـي كمـا نظـماللولو عـذابـه مع الطبايـع خالـط عقلهـا زيـن والله يامـن روعتـي مـن عذابـه وياسامعين طلبتـي قولـو اميـن


	يـاتـل قلـبـي تلتـيـن بنتـ اللـي تلة رطيب الغصـن خطـو الطفوقـي لاتلـه الملحـاق عجـلٍ بشتـلـي ميعـاد زلافٍ وعــد باللحـوقـي عليـك يانـاوي عذابـي وقتـلـي ياحارمـن لـذات نومـي وذوقــي بالك تنهت خـل كـل التنهـت لـي خل التنهـت لـي يامعـذب رموقـي ومجـاذب العبـرات مافرجـت لـي ينخـاط فتـقٍ ويتبـيـن فتـوقـي تمرنـي يازيـن ماتلتـفـت لــي ماكـن قلبـي لـك مـودٍ شفوقـي صبرٍ جميـل الله يـرد البخـت لـي وعساك ترجع لـي مـودٍ صدوقـي

"9"


	ياعلى ماودي لـك الله تشـدون حبك لجا بالقلب ماهـو بماحـي شدو هلك ياعلى والقلب مشطون شطن المعيد اللي ثوت بالمناحـي كفو ولد فوق الرحايل يمشـون شوكٍ على دفاتهـن بالبطاحـي قلبي غدابه ناقل الورع شاطـون حطوه على عوج الحنايا وراحـي شالو على ناب النسانيس مضنون فوق اشقحٍ يتلون ذودٍ ضواحـي يتلون ربـعٍ بالخطـر مايملـون حامينهـن بمغلبـات الرماحـي العصر بالفيضـه بيـوتهم يبنـون وبمعزلٍ مثـل النعـام المداحـي لكن وسط القلب قاموا يغرسـون غصونٍ تومي به هبوب الرياحي ياعلي باح من العزا كل مكنـون وصيور مكنون الضماير يباحـي

"10"


	يا ونتى ونت خلوجـن تهوبـى على ولدها باخر الليـل ساعـاه ما طيع لو حطو على الزاد روبى فرفور صيفن صاخناتن شوايـاه يامحسن الويلان عنكم غدوبـى اهل الرباع اللى وساعن ثنايـاه ياخانت البدوان عوج الدروبـى يابدهم من شدتن وقت الاضحـاه فوق اوضحن عليه وسم الجنوبى يتلى ظعون الشنترى والقـراراه شرقى شمال قديم غربى رحوبى بمفرع السلمان تلقـى رعايـاه غرب السريا تلقط لاهلها شبوبى ديرة حلب لهم مبيعـه ومشـراه ارسلتلى مرسال ولا سد نوبـى ولا ظنتى واجه عشيرى ولا جاه يالله لا ترزق خطـات الجذوبـى اللى يخم العلم من دون ملفـاه هاتو طبيب الهند يكوى جنوبـى من علتن بالقلب ما له مـداواه

"11"


	الله يسقـي مجنـب الفيضتينـي من مزنة غـرا حقـوق هميلـه ماهو خيال مير اشوفـه بعينـي يمطر على دار الحبيـب شليلـه يمطر من حما الخشـم للبطينـي مغـدودي يمطـر نهـارة وليلـه عانقت به راعي البريم الغصينـي أبخت هل الدنيـا جميـع هليلـه حكيت لـه بعلـوم بينـه وبينـي متشفـق قضبـة ذوايـب ثليلـه وأقفيت ما ضولت منهـا بشينـي كود العنا اللي صار وقادنـي لـه البيض منهن غـارة المومنينـي منهن نصيب ومخطي النصف جيله

"12"


	ياعلي يافـرز الوغـى يامحبوبـي وش انت شايف ياحجا كل مطلـوب عيا يطيب لي الكرى مع شروبـي وكن الحشا يصلى على جمر لاهوب من حر نار الولف مزعـت ثوبـي لاهـم لافرقـى ولانـي بمطيـوب كـن الردايـف لاقتفـاه الهبوبـي صيوان حكام بالاطنـاب مضـروب احمر عفر والكف منه مخضوبـي مكملـه ربـي ولافيـه عـذروب وعيونها الخرسات سودٍ سطوبـي ونهودٍ مثل التين والعنق مسلـوب

"13"


	يابن رشيد مايل القلـب مدفـوش يامنتهى شكـواي والقلـب معتـل على الذي نهده تقل طلع بطـوش بيض الحمام بلبته اوهـن اشكـل والبطن لاقبوط ولاقطـن منفـوش لامر عـزٍ لـيـان جـلـده ولازل ألين من الدهدار مايداني النـوش اللي ترفعه الهبايـب مـن الطـل ياعين ريمي بالاجـراد منحـوش حييت لها طبـع الجهالـه ولاحـل والخد من نبات الارياح مرشـوش ورقوم مثل رش مزن اليـا هـل من العام لامرسال لا علم لاطروش هـذا شهـر شـوال وقصيّـر زل

"15"


	يا علي انـا ويـاك وش صاقعتنـا قلبي إلى شاف العماهيـج ميـلاف قالـوا عليكـم غــارة والتفتـنـا وقلت امنعني يا لابس الطوق واشناف لا عـاده الله يـا ضيـاع اخلفتـنـا ليتك حضرته يا ذرا كل مـن خـاف يا علـي عـادت حولـة واجتمعنـا الحولة اللي شفت به نابـي الأرداف على الخباري يا علـي نـا طحتنـا على القعود أزهار الوسـم تنشـاف حتى الجمل طق الخبـر يـوم جتنـا والهرش به قيد وانـا تقـل بكتـاف ماهي معالف يا علـي مـا خفتنـا البكرة الوضحا تعرفـة بالاوصـاف خده لميـع بـروق سحـب غشتنـا والا قمر خمسة عشرة حين الانصاف

"16"


	ياعيال يامتوجهين علـى كـوم حيلاً يومن بالمزاهـب همامـي ودو سلامي للجمعـات ملـزوم يا موفقين خيرً خـوذو سلامـي وليا لفيتو ديرت اصحاب من قوم احكو علم حمض الرجال العلامي علم الفرح يشتاقله كل مهمـوم بناً بكاس الهند بفـم الصيامـي جيت المراح وحط بالقلب مثلوم منازل الخلان هـم والعمامـي بس الوجآق الي به الحفر مهدوم ومركي الدلال المترفات الشوامي عيني عليهم حاربت لذت النـوم لو ناموالخق عيـت تنامـي قلبي عليهم قاضبن جرت البـوم ونين وجعانـن طـواه الهيامـي علمي بهم بتالي صفر باول التوم تغازو المعبـار والشـط زامـي قفوكما طيرن قلب راسه الحـوم بهافيٍ ما ينـدرا ويـن حامـي ادنا منازلهـم شثاثـا ولملـوم واقصا منازلهم وادي النعامـي

"والقصيده شبيهه جداً بقصيدة عبيد بن هذال"

"17"


	حن الهجين وحـن قلبـي حنينـه ولف عفر في تالي الزمـل ويعيـد على حبيب فارقني شـوف عينـه ولا سأل عني قاد وين مـا اريـد حم الأشافي مـا يماتـع طعينـه عيونه هون منهن رصاص البواريد يا لابتي ما شفت انا حلـو عينـه بكيتهـا حـزة ليالـي التهـاديـد بخشوم مذلـوق القنـا موسعينـه ناحين صعبين المراجل هل الكيـد الهجن من بعـد المـدى معتبينـه والخيـل عيـن يتبعـن المقاويـد

"18"


	ياعلي ماخلتو من المزن خلنـاه بوارقٍ يم الحجر لـه صجاجـي على الصليب وعقربٍ دفقّت مـاه وعلى الحما طيّات وهكا الهباجي يسقي عروق القلب لهلاه لهـلاه غرٍ تحت شذرة سنامـه لواجـي ياعلي هيا بس انا وانت ننصـاه من فوق مسلوب الذراع الهواجي نبي نشوف مجدله يـوم تشقـاه مثل القلم من فوق هاك الحجاجي مقيظها "الميّاه" والحزل مشتـاه قعودها يقطف زهر كـل فاجـي اي الذلـول القافلـه والمشتـاه ايه وركبـك للبعيـر الحداجـي اي الوجيه المقبلـه والمصـداه اي البعير المقنـوي والخراجـي اي القراح ببربـخٍ صافـيٍ مـاه ايه ومشروب الميـاه الهماجـي

"19"


	يا علي اباشكي لك بليا مهونه عدي بحبس موقفين النطايـر يا علي علة باطني تبخصونه عيني تهل من الدموع العباير على حبيب كن فلـة قرونـه فلة قماش عند راعيالتجايـر الناس كل امكسـرٍن يجبرونـه والقلب ما تسقط عليه الجباير