لاشَـــم الـرجــال دمـــه وهـــو مـاهــو ذلــيــل=غيـر عطبـان الضـرايـب تـحـده مــن هــواه
بيـذكـر الـرجــال ربـــعٍ تـعــدل الـلــي يـمـيـل=وزنده اللي يقدح النـار فـي راس العضـاه
كـــل رجـــالٍ مـسـمـى يـحـيـل الـلــي يـحـيـل=ينتِبـه كـل ابلـج وقــرم مــع منـسـب وجــاه
العمـام ايمان تسقـيـه صـافـي السلسبـيـل=والخـوال أقراب خير وبعيده من قذاه
قلـتـهـا قـصــدي رجـــالٍ اهـــل قـــولٍ وقـيــل=ماتميـز بيـن الاصحـاب وعـدوان الحصـاه
يسمعـون اهـل الحكـايـا قليلـيـن الحصـيـل=والـروابــع لـــك علـيـهـا عـلــى كـــل اتــجــاه
كــــل رجــــل يـتـبـاهــا ويـلــعــب بـالـصـقـيـل=بساعـة الافـراح يـردح وراســه لاسماه
وان بخسته عفت قُربـه وتـدري انـه هبيـل=ودك ان داره بــعــيــد ولا تـــقــــرب حـــمــــاه
لانصحتـه قـال عنـدي مـن القـول الذبـيـل=وضيعـك فـي عجـة الصيـف بقـوال الـرواه
وعزتـي لـلـي مــن الـنـاس رايــه لــه دلـيـل=شــــره قــريٍــب وخــيــره مـايــاصــل لـقــربــاه
ان حضر في مجلس القوم هرجه مايعيل=وان نـظـرة لسيـرتـه قـلـت عــزي لـمـن وراه
القرايـب لــه حـرايـب والاقـصـى لــه عمـيـل=ومايعـقِـب عندالادنـيـن مــن حــش الـعـداه
عزتـي لـه لاغــدو الـنـاس شـرابـة صمـيـل=والعـدو يضحـك بوجهـه ويسحـن لــه دواه
قلتـهـا ولانــي بـكـامـل وانـــا عـرفــي قـلـيـل=والـكـمـال لــوجــه ربــــي ولا كــامــل ســــواه
قـالـهـا مـنـصـور مـاهــي لـزيــد ولا عـقـيـل=لَلَبـيـب الـلـي مــن الـنـاس يـفـهـم لمـعـنـاه