|
(ياخاطري) يـــــــــــــا خــــطري ياخاطري ســــــــــــــولف بلا قيد واحساب سولف وطول بالقصص والحكايــــا خل الكلام اللي سكت يفتح البـــــــــــــاب يكفي غريب الدار صمت الزوايـــا سولف ..وســـــــــولف وترك الهرج ينساب ماعاد باقي للحواجز بقايــــــــــــا تلعب مـــــــــــــــــوازين الدهر دور الأرهاب توشحت بالسود بيض النوايـــــــا سولف علي ياخاطري وانت منــــــــــــصاب مليت صمتك والجروح الخفايـــــا عطني علوم الليل يوم القمر غـــــــــــــاب سولف عن اللي تحتويه الحوايـــا ياخاطري ســـــــــــــــــولف ولا ابغاك ترتاب عن مسألة بوق العهد والوصايــا كم ضاع حق وفيـــــــــــــــــــه للحق طلاب ومن ضاع حقه ماتحرى العطايــا ياخاطري ســــــــــــولف عن الوضع بسهاب كلي سمع لمعقدات القضايـــــا لي (سن) يضحك بالشـــــــــدايد. ولي ناب ولي هامة تشمخ بكل المرايـــا ماعاد افكر .. وش خذى الوقت .. وش جاب عندي تساوت حسنته بالسوايـا ياخاطري ســـــــــــولف علي مابقا اصحاب في عالماً كله ذنوب وخطايـــــــا العمر واحد والدهر كله أســــــــــــــــــباب والصمت ما يوقف سيوف المنايـا ياخاطري ماهزني جمع الاحــــــــــــــــزاب حتى لون اسنين عمري عرايــــا ما ذل نفسي عند ربعي و الأحبــــــــــــاب وجيوب ثوبي من كفوفي ملايـــا ياخاطري .. تدري .. تــــــــــرا خاطري طاب ماقلت يكفي مير خل البقايــا إن شــــــاء الله تعجبكم |
رد: (ياخاطري) اختيار جداً رائع الف شكر على الاضافه لاهنت |
رد: (ياخاطري) اسمح لي ابدي اعجابي بقلمكم وتميزك واسلوبك الراقي وتالقك |
رد: (ياخاطري) عطني علوم الليل يوم القمر غـــــــــــــاب سولف عن اللي تحتويه الحوايـــا اخوي ابو الرجال ماذا أقول عن إختيارك ؟ تعودنا منك جميل الاختيار ماذا أقول عن ذوقك ؟ تعودنا منك الذوق الرفيع لكن أقول لك جزيل الشكر وللشاعر صح لسانك تحيتي |
رد: (ياخاطري) اقتباس:
مشكور مشكور التميز منكم ولكم سرني تواجدكم |
رد: (ياخاطري) اقتباس:
ابو حمد رائع مرورك وتواجدك الف شكر لك |
رد: (ياخاطري) اقتباس:
ابو فيصل مرورك وتواجدك أجمل من كل قول وأروع من كل ذووق تحيتي لهذا التواجد |
رد: (ياخاطري) صح لسان الشاعر ويعطيك العافيه على الانتقاء الجزل |
| الساعة الآن 11:39 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir