|
ارسل الأشواق لأحبابي هدية ارسل الأشواق لأحبابي هدية والله ان الجاذبية عاطفيه=تستحل القلب وتسوي فظايع نظرة المشتاق مع غمزه خفيه=جابت المطلوب للطلاب طايع هي ملامح وجه والا مزهريه=يا وروداً وصفها بالحيل رايع كان لك قلبين ياكبر الخطيه =قلب شاري للحبيب وقلب بايع عرفتي لك صاحبي صارت قضيه =هزّت الوجدان والدنيا وقايع ما عوى ذيب الخلا بالمهمهيه =كود من زود العنا ظامي وجايع ان سمعت الناي والا السامريه =لاع قلبي يا خلي القلب لايع التغلي والدلع والنرجسيه =للعذارا شرع وفنون وطبايع المحبه راحت الروح الشقيه =والقلوب أسرارها تبقى ودايع ارسل الاشواق لاحبابي هديه =وان عشقت العشق بين الناس شايع ما بلغت رضاك يالنفس العصيه =التعاسه ضيّعت سبع الصنايع قيس جنه حب ليلى العامريه =مالقا له في مواصلها ذرايع ما حسبت حساب كساب الرديه =عادت الرديان خسرات البضايع عبدالله محمد الشمري منقول من خزامى الصحاري |
رد: ارسل الأشواق لأحبابي هدية قصيدة جزله واختيار أجزل يعطيك العافيه |
رد: ارسل الأشواق لأحبابي هدية اقتباس:
اخوي ابو الرجال الجزاله مرورك العاطر دمت ودام تواجدك شكراً لك المرور ولاهنت تحيتي |
رد: ارسل الأشواق لأحبابي هدية طرح رآئع يعطيـك ـآلـعـآفيـهَ على جمَـآل طرحـك.. د ـآم عطـآئك .. |
| الساعة الآن 03:08 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir