![]() |
الشامري عدا على راس مرجود .. الشامري عدا على راس مرجود = عسر مذبه هالني يوم همته يوم اعتليته قام يومي بي النود = حتى شماغي يالله اني لزمته وكبرت من يرجع له الامر ويعود = علام مايخفى علي ماعلمته وجلست ادير افكار والشوف مجرود = وما طاب من زين المثايل نظمته مثايلن جتني تفاريد وضمود = ماينكسر طاروقها لا رسمته اتعب واصونه لايجي فيه منقود = ومن شان يعرف بالوسيمه وسمته هيضت شي وشي لازال مرصود = وخاف اتاثر وانفجر لو كتمته خففت ما فالنفس والسر ملحود = فاقصى الحشى تحت الحنايا ردمته اخاف لا يدري بها كل مقرود = اللي على الاجواد غيضه وشمته جاني طرف علمن موجه ومقصود = وبدد حقايق حلمي اللي حلمته واللاش لو تبذل معه كل مجهود = ينكر وفاك ووقفتك لاخدمته وافهم ترى حجمه مع الناس محدود = وليا عطيته فوق حجمه ظلمته بعض البشر ماله مواثيق وعهود = ومهما تضاهر بالوفاء ماهضمته والا السنافي تفتخر فيه وتزود = وليا بذلت الطيب عنده حكمته وليا بغيته فالمواجيب ماجود = مايعتذر عن حاجتي لا زهمته هذا الذي عرفه وشرواه محمود = وهذا مناي ورغبتي لا عدمته وعندي على قدره مواثيق وشهود = ومن حشمته من يتصل به حشمته وليا دريت انه من القل مضهود = اللي معي بيني وبينه قسمته راجح الشــــــــــــامري العجمــــــــــي .. |
رد: الشامري عدا على راس مرجود .. صح لسان الشاعر ولاهنت ياذعذاع الشمال على النقل الجزل وعزالله انه نظم الشامري ابيات من الحكمه لها نصيب تحيتي لك |
الساعة الآن 12:05 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir