مجالس الفرده - وقت الفضاء ماهو مثل ساعة الضنك

مجالس الفرده (http://www.alfredah.net/forum/)

- مجلس فضاء الشعر (http://www.alfredah.net/forum/alfredah4/)

- - وقت الفضاء ماهو مثل ساعة الضنك (http://www.alfredah.net/forum/threads/alfredah39250/)

وقت الفضاء ماهو مثل ساعة الضنك

احذر ترى الدنيا تغرك وتفتنك =لأنها تلعب على كل موال
من لايعرفك يافتى مايثمنك =والهرج ماودك يكرر إذا انقال
وقت الفضاء ماهو مثل ساعة الضنك =ولكل ساعه فيه موقف ورجال
بعض الرجال اليا قضى حاجته منك =يصد عنك ويعتبر طيبك هبال
وبعض الرجال بوزن طيبك يثمنك =ويرد لك طيبك إذا حدك الجال
هذاك إذا جاك الخطا منه ياعنك =ماهي غريبه كل رجل ٍ له افعال
وهذا إذا جاك الخطا منه يغبنك =وتضيع في تحليل وضعه والاحوال
غني عني وأحمد الله غني عنك =وكل ٍ على دربه له آلام وآمال
مهما ضحكت دنياك في يوم تحزنك =لابد من حزن ٍ لو ان الفرح طال
يطعنك شخص ٍ ماتوقعت يطعنك =ويسعفك شخص ٍماطرا لك على بال
شفت الذهب لو صنعوا بالذهب تنك =يبقى ذهب غالي ولا ينقص ريال
والزنك مهما صار يبقى هو الزنك =لو انصنع باحدث طرازات واشكال
يعني معادن صح معدنك معدنك =والمغترب لابد يرجع للأطلال
هي كم بيت إن شاء ربي تفطنك =يمكن لعل الله يصلح بها الحال

الشاعر نايف الجزاع