يم ابن حيلان راع الطيب نايف=موتري يمه قصيته فوق تيمه
كنه اللي مع حدود الخوف خايف=هاف مطنوخ (ن) هواء وقته مضيمه
مقتنع من جور هالدنيا وعايف=بايعٍ تالي حياته في جريمه
ايه اجي نايف ونايف دوم نايف=قاضبن روس العلا وشداد ريمه
سامعٍ في طيب ابوجازي وشايف=الثنا في حضرته ماهو ضليمه
دوم بيته فيه من كل الطوايف=مطبخه ماذاقن الراحه حريمه
الوزاره يوم تعلن بالوضايف=رقمهم عنده اليا اعلن في عزيمه
وشفت ربعه حرب وادنيت الصحايف=قلت ابسجل شعوري في قسيمه
الفخر والعز كله والطرايف=علقو بيض الفعايل بالقديمه
يابعد روسٍ عن الواجب تضايف=بس هدتهم اليا شافو وليمه