عذبتني يابو الرموش المضالــــيل=وإن كان ضعت أنت السبب في ضياعي
عينك تنام ودمع عيني همالـــــــيل=أبكي نهاري وأقضي اللـــــــــــيل واعي
ذوقتني الحرمان والحزن والــويل=وأخلفت ضني ياحسين الــــــــــــطباعي
صبرت بس الحيل ماعاد بي حـيل=من جور ظلمك بي تزايد أوجـــــــــاعي
مدام هاذي من هواك المحاصـــيل=مجبور أقول لك يا حبيبــــــــــي وداعي
وإحجز على لندن تذاكر وترحــيل=وآخذ بدال القلب قلب صـــــــــــــــناعي
قلب صناعي مابه إحساس ويمــيل=وظيفته للدم يعطي اندفـــــــــــــــــــاعي
وعلى قناة الحب ما فيه تحــــــويل=وعن حب كل الناس منه امتنــــــــــاعي
والقلب الأول لك بلفه بمنـــــــــديل=وأقول هاذى القلب ما منــــــــــــه داعي
هاذى الذي شاف العنا والبهـــاذيل=هاذى السبب في حسرتي والتيــــــــاعي
خذه ما دامه ما يبي عنك تبـــــديل=هدية يابو العيون الوســــــــــــــــــــاعي
ولا تحسب إنه من قلوب المهـابيل=بالعكس مخلص ما يعرف الخـــــــداعي
وأرجوك اعمل له إشاعة وتحـليل=حتى تعرف إنه قليل المســـــــــــــــاعي
إكشف عليه القسم الأيمن مراسيل=صورتك فيه ويحمل اسمك ربــــــــاعي
والقسم الأيسر به غرام ومواويــل=شوقي وحبي لك وكثر اندفـــــــــــــاعي
وإذا اقتنعت احرقه وأغرقه بالـنيل=قطعت لحم ما عاد منه انتفـــــــــــــاعي
وهاذي نهاية حب يبدأ بتمثــــــــيل=فرقا بعدها ما يصير اجتمــــــــــــــاعي