مجالس الفرده - قصيدة رثــــاء باالشيخ سليمان بن ابراهيم الشايع ...المزعل ناصر القزلان

قصيدة رثــــاء با الشيخ سليمان بن ابراهيم الشايع ...المزعل

أحــــــد اعـــــيان المذنب

حاتم القرن الواحد والعشرون

ياليت بعض الناس يدفـن وهـو حـي
وبعض العرب يبقى على الارض لو مات

المـوت شـي وسيـرة الآدمـي شـي
ذكـرى يجددهـا مـع النـاس وقفـات

شف وش بقا لك عند الاجـواد ياخـي
كم حي عدوه العـرب ضمـن الامـوات

موت الضمير ومسلـك العيـب والغـي
مايرتفع معهـا علـى الـراس رايـات

شفت الخبـر وانتابنـي لاهـب الكـي
وارسلت من دمعي على الخـد لمحـات

ياشيخ ياكـف النـدى وش بقـي لـي
من للكـرم باقـي ومـن للجمـالات ؟

من عمها بعـدك ومـن يحتـوي مـي
هل للمراجـل بعـد موتـك سلامـات ؟

من موت ( ابن شايع ) تصدّع جبل طي
وارتجت المذنب وطاحـت علامـات !!

تقول ماللشمـس فـي موطنـه ضـي
خيّم عليها الحـزن حسـره وشرهـات

أقفـى وخـلا سيرتـه مثـل مـاهـي
بيضاء يحوّطها الوفـاء شاهـد اثبـات

بالمجلـس العامـر وفـي ياهـلا حـي
وفي دلة ٍ صفراء على النـار مركـات

الله يبيحـه كــل مايكـسـر الـفـي
على الجدار اللـي قعـد فيـه ساعـات

والله يبيحـه عـد مايـجـري الـمـي
على نخـل ذيـك القصـور المنيفـات

يارب حطـه فـي ذرا عطفـك شـوي
الطـف بعبـدك يابديـع االسـمـوات

كلمات الشاعر ناصر القزلان