![]() |
ابيوتهـم مثـل الحصـون المنيـفـة هذي القصيده من أروع ما قراءت من القصيد اللي في مدح الرجال اختـار سمحـات الـدروب النظيفـة .... اللي غسلها رايـح المـزن برشـاش يمشونهـا قـوم النفـوس الشريـفـة .... اللي ضمايرهـم نقيـة كمـا الشـاش ابيوتهـم مثـل الحصـون المنيـفـة .... ما هي لطير البوم غيران واعشـاش واحلالهـم للضيـف دايـم مريـفـه .... لو رجلهم يسرح ويضوي على مـاش والرجـل منهـم مـا يخلـي رديفـه .... إن ما ت مثله مات وان عاش له عاش وان مات منهم رجـل عقـب خليفـه .... يطعن نحور القـوم ويـرد الادبـاش يعرف هدف روحه ويعـرف وليفـه .... ما يعرف الخونـة ولا هـو بغشـاش وليـا رزقـه الله بعـذراء عفيـفـة .... ايحطها مـا بيـن نونـه والارمـاش ماهو على الخفـرات يستـل سيفـه .... وان طالعوا فيـه الرياجيـل ينحـاش حلـو النبـا سمـح المحيـا لضيفـه .... ويصير له خـادم مسخـر وفـراش وان مـد مـا مـدت يمينـه قصيفـة .... مدت يمينـه تبهـر الخبـل والـلاش واليا هـرج تلقـى علومـه طريفـة .... ما هـو لهفـوات المناعيـر منقـاش وان شبت النيـران مـا هـو بليفـة .... في ساعة الكربـة سـواي ورشـاش سده بعيد ولا أحـد يعـرف غريفـه .... ولا هو لعرض المكرم العرض نهاش والشوك في جنبـه سـوات القطيفـة .... إن كان ما له بيت مامـون وافـراش ما يرتكي فـوق الخبـول الضعيفـة .... اللـي ليـا حركتهـا قدرهـا طـاش وان جـا نهـار كـل قـرم يعيـفـه .... ما هو ليا ثارت على القـوم رمـاش الكذب يعرف بيـن الأجـواد زيفـه .... والصدق مثل السيف صاطي وحشاش وصحيفتة يـا طيبهـا مـن صحيفـة .... ولهـا مـن العقـال كاتـب ونقـاش حـاز المراجـل والمراجـل كليفـة .... الا على اللي كل مـا رامهـا هـاش وان شاف له من جانب القـوم خيفـة .... تلقـاه للخيفـة مهـاجـم وبـطـاش الصدق والمعـروف والطيـب كيفـه .... ويغبش لها مع طلعة الفجـر مغبـاش للحمل مـا تلقـى جنوبـه صخيفـة .... حوله بروق تعمـي العيـن وافـلاش يصبر على جرحـه ويمسـح نزيفـه .... طبه بشبه خير مـن طـب الاحبـاش ولا هو كمـا سبـع سنونـه ضعيفـة .... دايـم يلحسهـا وللعظـم عــراش وان شاف له في غيبة النـاس شيفـة .... ما هو بخبل لاخضر العـود قـراش دنيـاه لـن صـارت ذلـول عسيفـة .... طوع علهـيا كـل عاصـي ونفـاش وان كان قفـت مـا عليهـا حسيفـة .... ولا هو ورا هوج المعاصير قشـاش وان جاع ما وقع كمـا طيـر جيفـة .... وان عري ما يلبس سماليل وأخيـاش |
رد: ابيوتهـم مثـل الحصـون المنيـفـة .................................................. ............................................ |
رد: ابيوتهـم مثـل الحصـون المنيـفـة الله الله أشكرك على الطرح والاختيار الجزل تحياااااااااااااااااااتي لكم |
رد: ابيوتهـم مثـل الحصـون المنيـفـة شكرا على الاضافه وتكفى الحرص على أسم الشاعر |
رد: ابيوتهـم مثـل الحصـون المنيـفـة قصيده في قمة الابداع والروعه وهي للشاعر مطلق بن حميد الثبيتي رحمه الله وبيض الله وجهك على الطرح الراااائع والجزل تقبل تحياتي |
رد: ابيوتهـم مثـل الحصـون المنيـفـة اقتباس:
كل الشكر والتقدير لك |
رد: ابيوتهـم مثـل الحصـون المنيـفـة صح لسان الشاعر وسلمت ياخيال على الاختيار الجزل لاهنت والشكر موصول للاخ عوض على اضافة اسم الشاعر |
رد: ابيوتهـم مثـل الحصـون المنيـفـة الله يسعدكم عالحضوور الراااقي حضووركم وساام اعتز فيه وشرف لي |
رد: ابيوتهـم مثـل الحصـون المنيـفـة صح لسان قائلها ولاهنت على النقل الجزل تحيتي لك |
رد: ابيوتهـم مثـل الحصـون المنيـفـة الكذب يعرف بيـن الأجـواد زيفـه .... والصدق مثل السيف صاطي وحشاش المصدر : http://www.alfredah.net/forum/thread...#ixzz27KdIst2v ذائقة شعرية رائعة يعطيك العافية |
الساعة الآن 09:04 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir