حبي لغيرك .. يختفي نوب ويعود=وحبي لك الله يعلم اشكثر فرقه
كلّي غلا جيتك فدى ايامك السود=منساق لك مثل السحايب / وبرقه
يامن لها في داخل القلب موجود=حبٍ جرى مابين دمّي / وعرقه
فضلك يابنت الجود ماهو بمحدود=لو هو بحر .. ياكثر ماكنت اغرقه!
واليوم انالك عبد!! ولغيرك اسود=وابوس رجلينك غصب عنك .. سرقه
راسي رفيع ودايم الدوم في زود=الا امامك كم تعوّدت طرقه
( يمّه ).. وانا لك ذخر يا خيّت سعود=تفضليني كل غربي وشرقه
ياجنّتي من لامني فيك مقرود=انشهد اني ماتسمّعت قرقه
ياليتني خاتم بصابيعك اجود=في قربك اللي من فقدته بحرقه