مجالس الفرده - اللي طموحه ماله أبعاد و حْدود * *بدري على الأيام تقتل طموحه..!!

مجالس الفرده (http://www.alfredah.net/forum/)

- مجلس فضاء الشعر (http://www.alfredah.net/forum/alfredah4/)

اللي طموحه ماله أبعاد و حْدود * *بدري على الأيام تقتل طموحه..!!

طال الغياب و طال بُعدي و حنّيت
لـ أشيائي اللي كيف عاشت بدوني !!

يا هـ الألم كافي ترى جدّ مليت
و ملّت من الدمعه محاجر عيوني ..

أعود مُثقلاً بكل شيء ..
أحمل حقيبةً تتّسع لـ لكل شيء .. إلا للأعذار !

شبّ الطموح اللي معه ماله حْدود ..
يحطب ضلوعه لجل يكبر طموحه !

لكن بعد راح الحطب عاد ملهود
ناره طفت و أقفى على البعد شوحه

و الله ماظنّه على الوضع محسود
يوم إلتفت و الحلم ثاير جموحه ..

رماد يلعبّه هوى صلف و ضْدود
يرسم على صدر السما كمّ لوحه

فيها كسير ضلوع ماعنه منشود
حاول يقاوم بـ الأماني جروحه

و فيها يتيم و دونه الباب مردود
يبني على أعتاب إنتظاره صروحه

ما عاد يبغى من مطر ضيقته زود
لا نام في حضن الشوارع بروحه

فيها ألم صوت المطارات لسعود
لا سافروا غيّاب و سعود بوحه :

يقول لوّحتي و أنا الطلْق معقود
وقلبي بعَدْك سيوف جرحه تلوحه

يارب أبي مزنٍ على هامة النود
أفرح ليا سمّى على القلب نوحه !

يغسل رماد الحلم وأيامه السود
و يكتب على صدر السما من جموحه :

][ اللي طموحه ماله أبعاد و حْدود * بدري على الأيام تقتل طموحه ][
][ اللي طموحه ماله أبعاد و حْدود * بدري على الأيام تقتل طموحه ][

الشاعر/ سامر العوفي الحربي