![]() |
هذه قصيده للشاعر/ حميد عتيق الجهني هذه قصيده للشاعر/ حميد عتيق الجهني* في السجين(خالد هزاع الحربي)* أسال الله ان يفرج عنه وأرجو من ولاة الامر ومن جميع أهل الخير الوقوف معه . وينكم يا اهل المواقف والملايين الكثيرة=الفلوس بلا مواقف ما نشدنا عن عددها التنافس حان بالفزعه يا فرسان الجزيره=الأجر مضمون واللي يزرع العليا حصدها خالد المحكوم تحت السيف ودموعه غزيره=وأمه اللي دمعها ماكف من فرقا ولدها وينكم يا اهل الخيول اللي تصدون المغيره=امسحو دمع الحزينه وانقذو ثمرة جسدها إن وقفتو للكبيره عودت مثل الصغيره=الذرى تحت المباني والمباني من عمدها يارجال مطير يانعم المشايخ والعشيره=أقنعوا رجالكم واللي يقدمها وجدها الزمن دوار والأيام دورتها خطيره=وانتم اهل المعجزات اللي تروع من شهدها كل أبونا صف واحد تحت حكام الجزيره=ليه يوم نقطع حبال الصداقه ونعقدها وينكم ياحرب واسال كل رجلاً عن ضميره=حرب لو قامت سوا قوماتها تكفي وحدها يصبح المليون مع هقواتهم حبة شعيره=يوم عون الله يزيل الهم ويرفرف سعدها ديننا الاسلام والخطوه على الدنيا قصيره=كل خطوه تطوي الأعمار وتوسع لحدها البلاد بخير والدعوى على الهقوه يسيره=والعرب وقت اللوازم مايخيب اللي قصدها وقفت عيال الحمايل للزوم اكبر مسيره=بارك الله فالرجال وبارك الله في جهدها إن وقفنا كالجبال اللي مباديها عسيره=وإن عطينا كالمزون اللي مطرها من رعدها كل من يسمع كلامي ينظر العبره بغيره=وإن عطاه الله نعمه يشكر الله ويحمدها |
رد: هذه قصيده للشاعر/ حميد عتيق الجهني صح لسان الجهني ..وجعلها الله بميزان حسناته وأسأل الله ان يفك اسر خالد ..وان يفرح والدته به جزيل الشكر على النشر وكتب الله لك الاجر تحيتي وتقديري |
رد: هذه قصيده للشاعر/ حميد عتيق الجهني اخوي سعد الريّس صح لسان الشاعرحميد عتيق الجهني ولاهنت على الاضافه الجميله تحيتي |
رد: هذه قصيده للشاعر/ حميد عتيق الجهني القدير سعد الريس صح لسان الشاعر حميد الجهني والف شكر على الاضافه والله يفرج لخالد ويفرح امه به |
الساعة الآن 05:40 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir