صح الشمالي صدره أوسع من الكون=بس إنتبه لاضاق صدر الشمالي..!!
وصح إنك الغالي وأنا فيك مجنون=بس إنتْ ماقدرت من قال : غالي..!!
خيبت هقوات ٍ كثيرات وظنون=وأخلفت ماكان بخيالي .. وبالي
وخليت كل الناس عندي يقولون=مسكين يمشي بالهوى دون والي"
والناس ناس..!! وأكثر الخلق يدرون=باللي معك صاير .. وماقد مضالي
كم قلت لك لاتفعل اللي يسووون=خلك معى مخلص .. بأول وتالي
كم قلت لك إترك هل الهرج يحكون=وأرفع مقام الحب .. دايم بعالي
لأن الهوى مبدا.. وحكمه .. وقانون=شي ٍ كبير .... وشي .. شي ٍ مثالي
الله لو تدري إليا غبت وشلون=حالي ... إليا من غبت .. وشلون حالي
لارحت ضلعي من عنا البعد محزون=حتى منامي ... لاحشا ... ماهنالي
وإن جيتني دمي وروحي يغنون=دبكة غلا " .. من بعد طول إنشغالي
واليوم ماني فيك مغرم ومفتون=اليوم أنا في غيبتك صرت سالي
مالك ومالي .. منتْ للخافق تمون=وإنْ قلت : ليه .. أقول : مالك ومالي
وأكيد لك رجعه وأنا اكيد بكون=أحرقتْ صفحاتك ولا لك توالي
وبسّمعك( أحلام ) لاجرت لحون=(( وش ذكرك حب ٍ طوته الليا لي ))
نعم طويتك .. والغلا مات مطعون=حتى خيالك بقتله لاطرالي
ملعون أبو قلبي إذا جاك .. ملعون=وأنا معرب من عمام وخوالي
انا شمالي صدري أوسع من الكون=بس إنتْ .. ماخليت صدري شمالي..!!

الطرف الخجول
الف شكر لك على الاضافه الجزله
تحيتي

كـــم قـلــت لـــك إتـــرك هـــل الـهــرج يـحـكـون= وأرفـــــــع مـــقــــام الـــحــــب .. دايـــــــم بــعــالـــي
لأن الــهــوى مــبـــدا.. وحـكــمــه .. وقــانـــون= وشي ٍ كبير .... وشي .. شي ٍ مثالي

شُكـــري وإمتنـآآني ل رووووووعـة إطلالتكــمـ

لاخــــــــــــــــلا .. ولاعـــــــــــدم

شُكـــري وإمتنـآآني ل رووووووعـة إطلالتكــ

لاخــــــــــــــــلا .. ولاعـــــــــــدم