![]() |
الجيب والقرناس وخوة هل الطيب *** تسوى مجالست العرب فالمدينه الجيب والقرناس وخوة هل الطيب = تسوى مجالست العرب فالمدينه ماسبّهم واعرف انا مابهم عيب = بس الهوى ياهل الهوى حـد لينـه عزبه وخيمه والصحاري مضاريب = ابو ثلاث شهور تو صالخينه ومعلقينه من كراعه على الجيب = والبـن الاشقـر تونـا حامسينـه شبّت حطب ماهي بشبة عياسيب = ارطـا وعرفـج يمنّـا حاطبينـه واليا سنت شب الجروم اللواهيب = قام المقهوي قّرب المـاء بدينـه ركّب دلال مجلدات المقاظيب = رسلان مـن سـوق الحفـر جالبينـه صفرن تلالا يطعمن المشاريب = تبعد عـن انفـوس العبـاد الغبينـه واليا احتمى ماهن يشيل المراكيب = يحـط كيفـن بالنجـر طاحنينـه فنجال ونص وردهن يمه قريب = وجاب البريج وسكـره فـي بطينـه وحطه على صفه هذيك المهاذيب = والبن فاح وركـده فـي سكينـه وجاب الدلال الي يعرف المواجيب = ثنتين غير الـي بهـن عاملينـه مجنون كيف ورتب الامر ترتيب = حـط البهاروريـح هيلـه يازينـه ثم زلهن لين استوى باخر السيـب = وحطـه بنـاره ربنـا لاتهينـه وقال اقدعوا تمر حلو توّه امجيب = اخلاص من دار الحسا محظرينـه ثم صب فنجاله ومابه عذاريب = والله علـى الفنجـال تسلـم يمينـه مجربن ماهـوب يحتـاج تجريـب = اي والله انـا كلنـا مجربينـه مافيه ضيف وكل ابونا معازيب =والشـاي خـدر والـورق حاكرينـه وعقب السوالف والقهاوي مطاليـب =كـل يناظـر للمواتـر بعينـه نبي نهيّف فوق روس المراقيب =وانفّرع القرنـاس لاجـل السمينـه اليا خطفها خطفتن بالمخاليب = تبري النفـوس الضيقـات الحزينـه واليا انتهى المقناص جبنا مكاسيب = والحر الاشقر عقبها مبرقعينـه ونمشي ونلقا يمّنا فطر شيب = ومفرود يطرد مـن ورى امـه تنينـه وسط النفود ولانمر الشخانيب = نخاف من ظرب الحصـى فالمكينـه ووساع صدر ونطقنا بالتراحيب = واعقولنـا هـي العقـول الرزينـه ياليت لي دورن بغوج الاطانيب = وانسى حضارات الخـراب وسنينـه اخير من طرد البنات الرعابيب = واحدن تسمّع مـن عذابـه ونينـه ممشاي صح وخوتي للاشانيب = رجل يصد اعـن المراجـل ياشينـه منقووووول للشاعر عبدالكريم الجباري تحياتي تعاند من يعاندها |
رد: الجيب والقرناس وخوة هل الطيب *** تسوى مجالست العرب فالمدينه شكراً تعاند على الاضافه |
رد: الجيب والقرناس وخوة هل الطيب *** تسوى مجالست العرب فالمدينه شكرا اختي تعاند على الاضافه،،، |
رد: الجيب والقرناس وخوة هل الطيب *** تسوى مجالست العرب فالمدينه اخت تعاند شكراً على الاضافه الجميله تحيتي |
رد: الجيب والقرناس وخوة هل الطيب *** تسوى مجالست العرب فالمدينه صح لسان عبدالكريم الجباري ويعطيك العافيه على النقل الجزل تحيتي وتقديري |
الساعة الآن 09:54 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir