|
% % بـلاك مـن عـاش عمـره فـي حجـر والـديـه %% http://<a href="http://www.lahdah.co...b8ee0834ee.png[/img] قصيدة جديدة للشاعر / سلطان بن بندر بن بتلاء اتمنى ان تنال اعجاب ذائقتكم الشعرية
مسكين مـن يحسـب ان النـاس تصبـر عليـه = عشـانـه ابــن فــلان او ان خـالــه فـــلان بالعكس لاصار ابوك انسان (واصل) و (بيه) = مفروض مايمشي ابنـه فـي دروب الطمـان المشـكـلـه ماتـعـوّدنـا نــجــادل سـفـيــه = نخلـي اهــل الجـنـان يمـارسـون الجـنـان مــدام مـاقـال لــه شــي ٍ يـمـسّ الـوجـيـه = شقـاه عـلـى حـبـال الحنـجـره واللـسـان (بعطيـه جـوّه) يفضفـض عنـي اللـي يبـيـه = ماللمسفّـه سـوا الحـقـران فــي هالـزمـان بالله انا (ليه)؟ اقول لشخـص معتـوه: ليـه = وانـا ادري انـه لكـل انسـان قـدر ومكـان احيانـا ً الـرجـل يـكـره رجــل مايشتهـيـه = ولاشافـه بمجلـس ٍ لـو خاطـره زيـن شــان لـكـنـه يعـامـلـه رجّـــال لــــو مـايـجـيـه = لـه قيمـه ولـه حقـوق ولـه كرامـه وشــان بـلاك مـن عـاش عمـره فـي حجـر والـديـه = كـمّــل ثـلاثـيــن ويــــدوّر دلال وحــنــان يقـول فـي حضـرة اهـل العـرف مالايعـيـه = وقـام يتخطّـف هـروج النـاس كنّـا وكــان لـو كـل رجّـال قـاس الهـرج قبـل يحكـيـه = شفت الرياجيل فـي كـل البسيطـه اخـوان الـيـا بــلاك الله بمجـنـون وبِـلـيـت فـيــه = ولاقلبه ابيض عشـان نقـول كبـوة حصـان خـلـه يبـربـر وخــل الـهـرج مـنـه والـيــه = فـي بعـض الاحيـان تحتـاج الامـور اتــزان مـانـي بمتحـسّـفٍ يــوم اتـضـايـق عـلـيـه = متحسّـف انــه ولــد ذولــي وخـالـه فــلان |
رد: % % بـلاك مـن عـاش عمـره فـي حجـر والـديـه %% صح لسان أبن بتلا قصيدة أكثر من رائعة مشكو ر أبن منيديل على النقل لو كل رجال قاس الحكي قبل مايحكية....أخوي أبن منيديل ياليت تصحح الخطاء الأملائي ولك الشكر |
رد: % % بـلاك مـن عـاش عمـره فـي حجـر والـديـه %% اخي حمدان الجضعان مرورك البس متصفحي وشاح التميز لك جزيل الشكر ولاستطيع تعديل القصيدة لانها اتتني من الشاعر كما هي فأنا ليس لي حق التعديل بقصائد الاخرين الا اذا كنت اعرف انها خطاء فعلآ اشكرك على الملاحظة وقوة التدقيق فأنت علم من الشعر اخي حمدان تقبل تحياتي |
رد: % % بـلاك مـن عـاش عمـره فـي حجـر والـديـه %% مشكور اخوي / ابن منيديل على القصيدة وانا اشهد انك كفيت و وفيت امدك الله بالصحة والعافيه و وفقك لما يحب ويرضى |
رد: % % بـلاك مـن عـاش عمـره فـي حجـر والـديـه %% مشكور ابن منيديل على هذا النقل 00 |
رد: % % بـلاك مـن عـاش عمـره فـي حجـر والـديـه %% بسم الله ابو تركي والله لولا التاخير اني لاحط (حجز فاخر) لكن فاتتني لظروف!! لاهنت على هذا الاختيار الرجولي الحقيقه ابا تركي احس وهي الحقيقه ان اختياراتك تتكلم عن شخصيتك تماما كما هو مرورك على مشاركات عيال عمك سلمت يمينك وصح لسان الشيخ بن الشيوخ سلطان بن بتلا على هذه القصيده التحفه والتي حوت اسمى واكمل صفات الرجوله والتحمل والصبر وهذه سمات شيوخ القبائل وهو تربى في كنف بيت جاه ووجاه وقد حاولت ان اقتبس منها ووجدتها كواجهة من رخام اذا حركت منها واحده اضعت الجمال! اما ماذكره اخي حمدان فلم اجد اي ملاحظه تقبل مروري وحبي |
رد: % % بـلاك مـن عـاش عمـره فـي حجـر والـديـه %% اخي الشيخ / احمد بن ضيف الله بن حماد مرورك تاج على رأسي وشرف لي وشهادة اعتز بها والف شكر لمرورك الجميل ذيبان ( ابو راكان ) الله يعافيك يالغالي العزيز ودمت سالم اخي خلف الفريد ابوعبدالعزيز مرورك يكفي عن الحجز الفاخر مرورك لاجلها استعدت الكلمات وتأبطت اسلحتها وللسلام اخذت ماذا عساني اقول مااقدر اقول شيء توقف التعبير |
رد: % % بـلاك مـن عـاش عمـره فـي حجـر والـديـه %% صح لسن الشاعر المبدع ابن بتلا وسلمت يبن منيديل على النقل الرائع ابداعك يبو تركي واضح وجمال اختياراتك لايباهى فلك ازكى تحية واحلى سلام |
رد: % % بـلاك مـن عـاش عمـره فـي حجـر والـديـه %% هلا وغلا ابو محمد ( منصور الوسوس ) ابداعي منكم واليكم انتم من تدفعوني للإبداع وانا اعطيكم مااقتطفه مرورك دعم معنوي يابو محمد لاهنت على المرور |
| الساعة الآن 03:31 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir