تستاهلين الجيب يابنت الاجواد = خوذيه لطعوس النفود العبي به
لاعاد طيبك غالب(ن) طيب الاولاد = فاللي يحوش الطيب هذا نصيبه
تستاهلينه واركبي رمز الامجاد = (فكس آر ) من عبد اللطيف افرحي به
هديتك وخذيه يابنت وش عاد = عطيتي لك ماعتبرها غليبه
وان حسفوني في عطاياي حساد = باقول راحت به لزوم وتجيبه
وانا عطيتك والكرم شين لازاد = واللي عطا ملزوم عهده يفي به
وان كان لي خاطر وانا (قولها جاد) = بس ان وليتي طارته فعتني به
ماخفيك انا شاريه بديون واقصاد = والراجحي نصف المعاش يغدي به
اسدد اقصاده قبل لقمة الزاد = وماهيب في عصر التطور غريبه
وانا عطيتك وان تحسفت مافاد = زود الكرم حزات يجلب مصيبه
الله يعين اللي للاقصاد سداد = لوهو تحقق هالعطا يالحبيبه

شكراً تعاند على الاضافه وصح لسان الشاعر
ولاهنتي نشكر جهودك دام وجودك
تحيتي