|
رد: صورة .... وابيات من اختياركم http://khail.net/forum/uploads/month...1256515557.jpg http://www.nationalkuwait.com/vb/ima...lies/heart.gif ماكل من يركب على الخيل خيال ولا كل خيل تعجبك هي أصيـله ولاكل من يعجبك هرجه برجال بعض العرب ملسون وايده بخ الكل يلبس ثوب وشماغ وعقال وعند اللزوم افعاله مهي قليـله الرجل تثبت له أقاويل بافعال لاقال شئ ونفذه هو دلـيله والرجل لاشفته مع القيل والقـــال ابعد عنه هذا صفاته عليــله والكذب خله عنك ما فاد لو طال قول الصدق ياصاح غنم وجميـله وخلك شجاع وذي صفات للابطال اللي كما سيوف تبارق سليـله واللي شراك اشريه لو كان بالمال خلك معه وان مــــــال دور بديله واصبر ترى الدنيا تبدل بها أحوال وما كل شئ صافي تشـــــوفه تجيله وبعد الكدر تشرب صفا عذب وزلال هذا الزمن فيه استــــقامه وميله وصاحب خليل لو جفـا الوقت مامال ترى الرجل يعرف بقيمة خليـله واقفل على سرك بكتمان واقفال بعض العرب يسمع و ينوي بحيله وخلك أمين إذا توليت الأعمال منخان في يوم الحشر يا حليله خل التواضع فيك واضح بالافعال ترى الكبر يردي بيوم وليـله ولاتحسد اللي عنده اموال وعيال وش ينفعك لو كان حـــسدك يزيله ولاتزور تقلب الزين بطـال الله عليم بالنوايا الدخـيله وخلك رزين ترى المخفه للاطفال واصفح عن المخـــــطي ولو زادقيله واحمل همومك لو تزن وزن آلآثقال بكره تروح وتنجلي لو ثقـيله وصل الفروض ولاتنسيك آلآشغال محدن في الدنيـــــا درى وش بقي له وزور آلآقارب للرحم كون وصـــــال وخلك عظيم الشان وسط القـبيله وصلاة ربي عدم اهله مـــــــــــــال على النبي اللي صفـــــاته جليله |
رد: صورة .... وابيات من اختياركم يا بنت أنا للشمس في جلدي حروق ................ وعـلى سموم القيظ تزهر حياتي أطرد سراب اللال في مرتع النوق ................ ومن الظما يجرح لساني لهاتي عاري جسد والليل هتّان وبروق ................ دفاي أنا والبرد سمل العباتي إن عذربوني بعض خلانك .. صدوق ................ يا بنت أنا عشق الخلا من صفاتي أنا بدوي .. ثوبي علىالمتن مشقوق ................ ومثل الجبال السمر صبري ثباتي ومثل النخيل خلقت أنا و هامتي فوق ................ ما عتدت أنا احني قامتي إلا فصلاتي |
رد: صورة .... وابيات من اختياركم الحياة ادروس .. والدنيـا كتـب ورحلة ابن آدم .. رفوف المكتبـة كل حرف ٍ .. من دروسه له سبب وكل درس ٍ في حياته .. تجربـه! والتجارب .. والعبر .. منجم ذهب قفله وبابه .. من الفكر .. اعذبهhttp://www.nationalkuwait.com/vb/ima...ilies/rose.gif |
رد: صورة .... وابيات من اختياركم http://www.kuwait-history.net/vb/up/...8820090307.jpg عزي لحالي والديار خلـي عقـب الراحليـن اللي مضوا درب السفر والبعد طالـت مدتـه أقفوا وخلوني وقلبـي مجزعـه كثـر الونيـن وخلو فراغ فالعمـر كـل البشـر مـا سدتـه خلوني أبكي بعدهم والهـم فـي قلبـي دفيـن صكت على قلبـي غرابيـل الزمـان وهدتـه صرت أتبع الهوجاس وأسري لا ذكرت الغايبين كنـي يتيـم مالقـا امـه راح يتلـي جـدتـه ويلاه يا وجدي عليهم وجـد مظلـوم سجيـن خلوه ربعه يوم ضـرب الوقـت زادت شدتـه خلـوه يصـرخ ويتطلـب مالقـا قلـب يليـن ضدوه واقفوا دون رحمه والصـوادف ضدتـه أو وجد عـود ذره بنيـات مـا جالـه بنيـن خارت قواه وطاح معتل وعجـز عـن كدتـه اليا فتح عينه وإلى هن من يسار ومـن يميـن هن مالهن غيـره وهـو كـف المنايـا لدتـه القلب قطعـه البكـا ونياطـه أبلاهـا الحنيـن يسري ويهرب عن همومه والمصايـب ردتـه يا طول ليلي بعدهم يا جـور دورات السنيـن يا ويل قلبي دام سيـف الوقـت زادت حدتـه وعزي لحالي والديار خلـي عقـب الراحليـن اللي مضوا درب السفر والبعد طالـت مدتـه |
رد: صورة .... وابيات من اختياركم ما كـل مــــــن يركب على الخيل خيال ولا كل خيل تعجبك هـــــي أصيــــــــله ولا كل من يعجبك هرجـــــه برجــــــال بعض العــرب ملـــــسون وإيـده بخيله الكــــــــــل يلبس ثوب وشماغ وعقـال وعند اللزوم افعالهـــم هـــي قليــــــــله الرجـــــل تثبت لـــــه أقاويـــل بأفعـــال لا قال شـــيء ونفـــذه هـو دلــــــــــيلهhttp://www.nationalkuwait.com/vb/ima...ilies/rose.gif |
رد: صورة .... وابيات من اختياركم http://www.waraqat.net/2008/06/mnadr2.jpg ودي بشب النار والجو هادي.. في صحصح توه من الوسم ممطور.. هذا هوى بالي وغاية مرادي.. ومعي مثل شرواك والبال مسرور.. نبعد عن الديره وكثير الدوادي.. في موقع مابه من الناس جمهور..http://www.nationalkuwait.com/vb/ima...ilies/rose.gif |
رد: صورة .... وابيات من اختياركم http://up.graaam.com/uploads/imag-4/...6474bf4025.jpg مـا للبيـوت العـامـره طـعْـم يــا حـمـود إذا خلَـت فـي يــوم مــن حــسّ شـايـب بيـبـانـهـا طــرْمــا وجـدرانـهـــا سُـــــود ويـصـفـق نـوافـذهـا قـــويّ الـهـبـايـب فـي كـل ركـن لحزنهـا اثبـات وشـهـود عـلــى فــــراق مـهَـوِّنـيـن الـصـعـايـب النادريـن أهْــل الـشـرف منْـقـع الـجـود شيبـانـنـا الـلــي يحْـسـمـون الـطـلايـب إخـوان مـن طـاع الولـي خـيـر معـبـود الـلــي مـكـارمـهـم مــــن الله وهــايــب ما يعرفـون الزيـف فـي اليُسْـر والكـود صـــدْق وبـيــاض ورحـمــةٍ للـقـــرايـب ثباتـهـم فــي حــزة الـضـيـق مـشـهـود وإيمـانـهـم يـــزداد عــنــد الـمـصـــايـب كانوا هنا .. وكـان السعَـد مالـه حـدود وكــان الـرضـا يـمـلا قـلـوب الحبـــايـب كـانـوا هـنـا .. مفـاخـر آبـــاء وجــــدود ونـــور وأمــــان ووقــفــةٍ فـالـنــوايـب واليـوم كـل اللـي مضـى صـار مفـقـود وَلا بـقــى غـيــر الـجــروح الـعـطـايـب يا حمود لوّ أبكي سنَـه حـزن ..واجـود بـدمـوع فـقْـدٍ مـــن عـيـونـي سـكـايـب علـى الـذي ذكْـره مـعَ الـنـاس محـمـود الطـاهـر الـلـي مـثـل وبْـــل السـحـايـب أبوي .. وانت ادرى .. وَلا بالحكي فــود مـا يندمـل جـرحـي وَلا الكـيـف طـايــب الوضـع غيـر ومــا بــه سهــود ومـهـــود مــن يـــوم خلّـيـنـاه حـــدْر النـصـــايـب نـهـار غـابــت بسـمـتـه ذابـــت كـبـــود وشفنـا مـا عفنـا فـي زمــان العجـايـب لـيـت المنـايـا لا لـفـت تـطـلـب الـــزود مـــا تــاخــذ الا النـاقـصـيـن الــزلايـــب روس ٍ كساها الشيب ما صانت عهـود ومـن ظـن فيهـا يصـبـح الـظـن خـايـب هـرّاجـة المجـلـس حـجـا كــل مـقــرود ,,,,,,,,,,,,,,,,,,,,, يـا الله يـا معْطـي العطـا غـيـر مـحـدود وإيمانـنـا بــكـ مــا دخــل بــه شـوايــب إجـعـل مـقـرّ ابــوي فـي ظــل مـمـدود بجـنـات عــدْن أم الغـصـون الـرطــايـب وأحْسـن عزانـا فـيــه يــا خـيـر معـبــود لــولاكـ مــا نصـبـر بــلا حــسّ شــايــب |
رد: صورة .... وابيات من اختياركم إغنم من صروف الد هر كانه أمداك قبل اللحد عن ظاهر الأرض يخفيك،، |
رد: صورة .... وابيات من اختياركم ياوجودي كل ماهب نسناس الشمال وجد من حدّه زمانه على اللي ما يبيه وياوجودي كل مااغفيت ثم مال الظلال لاغفت عيني ولاذقت شيٍ مشتهيه وجد من قفّى وهو في رجا كلمة تعال والتفت من عقب مااقفى ولحدن لدّ فيه وياعذابي لادنا الليل من روس الجبال وانتهى يومٍ من العمر ماعاد ارتجيه |
رد: صورة .... وابيات من اختياركم فيني شموخ غارسن عزتي غرس ومهما يجور الوقت مالان راسي " ابوي "علمني وأنا حافظ الدرس العز من طبعي وترى الطيب ساسي " أنا "حمست العز في داخلي حمس وهيلت فنجاله وقندت رأسي |
| الساعة الآن 01:17 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir