صورة .... وابيات من اختياركم

لاتِكتِئبْ واتِعيشْ عُمرِك ِفي عذَابْ
تَرَى الحَياه ابسَطْ كِثير اَبسْط كِثيِيييير
مَافِيه حَاجَه تِستِحقْ الاَكتِئابْ
دَامِكْ تصِلَي الَخمْس وأحَبَابِك بِـ خِيرْ

لاهنت ياراس الرجاجيل لاهنت" "لاهان راس فى ثرى العود مدفون
والله ماحطك بالقبر لكن أمنت" "باللي جعل دفن المسلمين مسنون
منزلك ياعز الشرف لو تمكنت" "فوق النجوم اللي تعلت على الكون
سكنت دار المجد ياشيخ وأسكنت" "شعبك معك فى منزل العز ممنون
صنت العهد ياوافى العهد ماخنت" "علمتهم وشلون الاشراف يوفون
كم ظالم عاداك واعفيت واحسنت" "واخلفت ظن اجموع ناس يظنون
شلت الامانه حافظ ما تهاونت" "شفنا بك رجال على النفس يقوون
ياللي طلبه الملك بالحب زينت" "عرشك بتاج قلوب شعب يحبون
لونت تاج الملك ما قد تلونت" "ماغرتك دنياك ماصرت مفتون
بالزهد والمعروف والصبر كونت" "منهاج فيصل منهج اللي يعدلون
تلفتت روس المخاليق وين أنت" "وين العظيم وعود الشوف مطعون
كم خافق وقف عقب ما تكفنت" "وكم ناظر ذوب سواداه محزون
لو شفت حال الناس عقبك تبينت" "مقدار حب الناس للي يودون
مما بقلبي قلت يابوي لاهنت" "والانت فوق القول مهما يقولون

قم سو ياراعي المعاميل فنجال
.........كيفٍ ليا جا الراس يجلي عماسه

قالوا تسيّر قلت مامن فضا بال
................دورٍ على الأجواد مابه أناسه

هذا زمان من تواليه انا ذال
.............ناس كلت ناسٍ بخبث ونجاسه

عزاااه يالبّاسة الجوخ والشال
...........قامت تفرّسهم فروخ البساسه

وراعي الجحش شرهٍ على كل خيال
.............متحــــزّمٍ فوقه بدرعٍ وطاسه

آسرجت خيلي .. ثم غيري ركبهآ ،
خيآلهآ مآله على آلخيل منصوب ..

ضوي طفت عقبك .. ورمد حطبهآ ،
حرآم بعدك لآ ولآ عود مشبوب !!

ياضلع جعل الغيث يسقيـك نـوّه
من مزنةٍ غرا مطرهـا رهـاوه

ضلـعٍ اذا زاد الدهـر زاد قــّوه
ما جاه من طول الليالي رخـاوه

ضلعٍ اذا سقت القدم فـي علـوّه
جلست لي في مجلسٍ له طـراوه

عقب البطى شوفة فياضه وجـوّه
يبعد عن القلب الشقـي الشقـاوه

بينـي وبينـه خـوةٍ وأي خـوّه
خوة قسا ماهي بخـوة فضـاوه

أليا انزعجت من الزمان المشـّوه
لقيت في عالـي نبـاه الهـداوه

وان بار في الرفقه قليل المـروّه
في قمته شفت الوفـا والحفـاوه

فـي موقعٍ خالـي من الناس..مهجـور

شـدّوا هـله واقفوا دون..التـفاته








كلٍ عـطى له درب مع شقة..النور

يآآآآلله دخيلك من حياة..الشمـاته








في مامضـى كله بسـاتين..وزهور

واليوم ميّت من جذوره..نبـاته

يـآليـت نومي مثل نـووم العصافيـر
ترقد من المغرب وتصحى بالاسحـار

عاشت ع الفطره ومن غيير تفكير
يا زين شوووف أعشاشها فوق الاشجار

مافكـرت فـي خافيـات المقاديـر
ولا تشيل الهم لـو صـار ماصـار

لآتشتكـي للنـآس لآضآق [ بـآلـك ]
آلنـآس مآتملك مسـرهـ ولآ يـآآس ..!!
آلنـآس مثلك حـآلهم مثل [ حـآلك ]
وآلكــل من مــر آلليـآلي شرب كآآس ..!!
ولآتحسب آنـك بآلتعـآسـه [ لحـآلك ]
آعرف تــرى عآيش مـعـك بآلشقآ نـآس ..

يالليـل بالله لاتجيـب الغرابيـل

يالليل عطنى من هدوك سكونـه



لااضاق صدرى جبت نجر امعاميل

ودقيت نجـرا يعجبنـك الحونـه



ووقت في جمر الغضاء تالي الليل

ونخيت فالهاجوس يجذب افنونـه

يمه ابوصل للغيوووم امسكيني ...
تكفين يمه ساعديني على الغيم !!
الأرض مافيها (طهُر) ! صدقيني ...
والناس تقتل (صادقات) المفاهيم !!
يمه ارفعيني للسما ، واتركيني ...
يمكن نعرف نحب في صدق ونهيـم ...