صورة .... وابيات من اختياركم

ياللي خذيت القلب مني وقفيت
بذمتك ما قد طرالك ترده ؟!


يا خي ترى من جد مليت مليت
مليت افضفض للصور والمخدة


خاف الله بقلبٍ على شوفتك ميت
يفيض من جزر الغلا شوق مده


شفني على صدر التعب جيت وأسقيت
غصنٍ تمايل في محانيه وردة


لا رحم أبو حيًّك غلا وش سويت
في خافقٍ خنجر تغليك قده


هذا انت يا ما في وصالي تغليت
معقول هان الود للي توده ؟!


ماني بخايف من خناجرك لاجيت
خايف يبوح القلب في شوق سده


لي مدة بس أوصف على عينك البيت
واكتب على الخفاق ويصيح خده


(.......) ولامر اسمها قمت فزيت
غلاها عندي يا عرب وصل حده


ياللي خذيت القلب مني وقفيت
بذمتك ما قد طرالك ترده ؟؟

.. جيتك وانا ماني بتايه الراي ..
.. جيتك وانا مدري وش اللي بغيته..
.. وان كان تنشد ليه انا جاي ..
.. ابشرك برد يقنعك لا قريته ..
.. وان مر يوم بالعمر منت وياي .
.. اشتاقلك شوق المسافر لبيته

لك .. في خفوقي الف مرسى للابحار
شد الشراع وشيل مرسى .. السفينه

ابحر عسسساك تكون للروح بحار
امواج قلبي في يمينك .. رهينـه

لجلك كتبت اهواك باصداف واحجار
وفاض البحر للبر واعلن .. حنينه

متى على الله تنطفي جمرة الـصـيـف
.............. ويهب من صـوب الـشـمـال الـبـرادي




ونشوف بيض المزن بالجو تصافيف
.............. ومـيـض بــرقـه مـثـل قـدح الـزنـادي

لـهـل سـيـله بـالـحـزوم المجـافـيـف
............. أقـعـد جمال الأرض بـعـد الـرقــادي

أجمل التہاني أهديگمے
بمناسبـہ عيد الأضحى المبارك
وگل عامے وأنتـمے بخيــر

العيد صبحك والهدية حضورك
ياللي بشوفك يصبح العيد غاية

يشتاق فجر العيد ريحة بخورك
وأشتاق قولك: عيد وأنتِ معايه

بيني وبينك ياحياتـي مواعيـد
من سابق الايام ماهـي جديـده

العيد جانا كيف نستقبـل العيـد
وأنا بعيد هنـاك وانتـي بعيـدة

وشلون نسمع للبلابـل تغاريـد
وشلون نهنا بالحيـاة السعيـدة

عيد المحبة والفرح والزغاريـد
وقلبي بلا لقياك ياشيـن عيـده

لو عايدوه الناس واخفى التناهيد
ما تختفي دمع العيـون العنيـدة

العيد بعدك في حياتي قصاصيـد
وكل عام وانتي في حياتي قصيدة

ودي أكتب والقلم عيا يطيع
مدري الأشواق ولا أنت السبب
كيف أعبر والحكي مني يضيع
أسعفيني يا قواميس العرب
وش أبكتب فيك يالحر الرفيع
وأنت وصفك من أعاجيب العجب
هذي أقلامي بكسرها جميع
في سكوتي تصبح أشواقي ذهب

عسى السحاب اللي تكاشف بروقه
تمطر هماليلـه علـى دار الاحبـاب


وتسيـل وديـانـه وتــروى عـروقـه
وياخذ ثـلاث ايـام والوبـل صبـاب

مشتاقه لك باحزان بدوٍ شـدت زهاب ارحالها عيـت تـنوخ ركـبها لو كانت اللحظه مقـيل مشتاقه لك شيمة بدو حفيـت اقـدام اطفالها ما ترتجى وقـتٍ غنى فى مدتـه أصبح بخـيل