صورة .... وابيات من اختياركم

حبي بنالك وسط قلبي عمارة
ومن زود الغلا تحت العماره دكاكين ..

سجد قلبي على رمل الضلوع وهزه التنهيد// وانا في قلبي خيام الندم والخوف منصوبة

يارب افهق هلاكي والمنايا والدروب بعيد // مادام المودماني للتراب تقوده دروبه

ياغياث الظوامي والثمام وجرهدي البيد// أعذني من جهنم والحشر والموت وكروبه

انا مانبيب لامشرك ولافاسق ولا عربيد// انا اللي لاعصى وأخطأ تجهم وأقلقه ثوبه

انا عبدك ولد عبدك وجداني هلَ التوحيد// خطاياي أخجلتني يالله الغفران والتوبه

وانا اللي يرتجف مثل ارتجاف الخايف الرعديد// اذا شاف القبور الضيقات وحس بذنوبه..!

أمانـة .. لا تعلقنـي معـك وتنسحـب بسـكـات "
" أمانة .. كـل مـا يطـري عليـك البعـد علمنّـي


وأمانة .. لا تعيشني علـى رجـوى زمـان ٍفـات "
" إذا هان الذي بينـي وبينـك .. حّـن .. وأرحمنـي


وأمانة .. لا توقفني علـى بـاب الأمـل لحظـات "
" ترى كـل شـي يهـون .. إلا تـروح ولا تكلمنّـي


وتراهـا كلمـة وحـده بـلا عـذر وبـلا إثبـات "
" وإذا خفت الزعـل منهـا .. تراهـا مـا تزعلنّـي


أنا أزعل يوم تنساني وأنا أتبع حلمـي اللـي مـات "
" وأنا أذكر ما دهى قلبي .. مابغى مـن يذكرنـي


بدايـة قصتـي كلمـة .. وآخـر قصتـي أبيـات "
" عذاب ٍكل ما طالت سنينه شفـت المـوت طاولنـي


أنا اللي ما وفـى حظـي سـوا بالهـم واللوعـات "
" أمنّـي قلبـي الطيـب .. وأشـوف الحـظ خاينّـي


أنا اللي ما أحتمل قلبي فراق اللي يبـي .. هيهـات "
" ألا لو يحتمل قلبي .. لا أجنّـب مـن رحـل عنّـي


روى خدي من دموعي شبـع قلبـي مـن النكبّـات "
" أظن الظن بأحبابي .. وما أسرع ما أختلـف ظنّـي


ضميت من الهوى ياما .. وتجرعت العنـا رشفـات "
" وتنطحّت الدهـر هالـك صويـب ... لكنّـي..


أزيف ضحكتي .. مهما بقى فـي خاطـري ونّـات "
" وأضمد طعنتي .. مهمـا ظـروف الوقـت ذلتنّـي


وترى لو شفتني أضحك وأجامل .. وأكثر الضحكات "
" ترى كل السنين اللي مضتلي .. مـا ضحـك سنّـي


وإليّا مني فرحت بوقت بكيـت فـباقـي الأوقـات "
" وتبغاني بعـد أسكـت ..! وترحـل مـا تعلمنّـي


ترى ماني بناقص هم .. ودموع .. وحزن .. وآهات "
" أمااانـة .. لا تعلقـنّـي بحـبـك .. لا تعلقـنّـي


أمانة .. يا آخر أحلامي .. أمانة يا أعذب الترفـات "
" أمانة .. كل ما يطـري عليـك البعـد .تكفى . علمنّـي

طبعـك تحـب بـكـل جــرح التـمـادي
توي دريت أمسـح دمـوع التماسيـح

أول جـروحـك زارنــي قـلـت عـــادي
سـحـابـة هـلــت وزلـــت مــــع الــريــح

تذلـنـي بالـحـب ويـــن أنـــت غـــادي
عـنـد المـذلـه نـرفـع الـــراس ونـشـيـح

لـيـت الـزمـن بيـنـي وبيـنـك حـيــادي
حتـى الزمـن وإيـاك والله مـا أطـيـح

يــمــوت حــــب ولاتــمـــوت الـمــبــادي
أبختنق في عبرتي بس ما أصيح

مـــع الـلـبــن حــنــا شـربـنــا الـعـنــادي
يـالـيـت تـبـعـد كـــان تـرتــاح وتــريــح

أنا ما أشير بالفرقا .. ولا أحدك على المقعاد
تخير في طريق الوصل .. والا درب هجراني

حرام الوصل ما يجمع قلوبٍ عن هواها بعاد
وبعض البعد لو عذب يجمع بين خلاني

تحسب ان الهوى ضحكة دقايق عشتها في ميعاد
إلى ما رحت تنساها .. وتنسَى الوعد وتنساني

ألا يا صاحبي .. الرفقة ترى مَا هِى ثياب جداد
تبدلها متى مليت .. وتلبس غيرها ثاني

إلى ضاع الوفا .. مابه هوى بارجيه أنا .. ووداد
ترى ذا الفرق .. بين أقرب قريب .. وبين عدواني

تحاكيني بطرف لسان وهرجي من صميم فواد
وتاقف من بعيد .. ويم درب الموت تنخاني

تصدق وإلا ما تِصَدِّق .. أنا عَاجِزْ عَنْ التفكير
تعَالْ وشُوفْ في عينِكْ غِيابكْ وشْ عَمَلْ فيني

حبيبي ما بُقى عِندي صَبرْ .. يتْحَمَّـلْ التأخير
رَحَلتْ .. وعِقبكْ الدنيا غلاها طاح مِنْ عيني

أجَاوبْ اللِّي يسْألني عَنْ أخْبَاري وأقولْ بخير
وأنا لا خِير بغيابكْ .. ولا حَاجَه .. تهنيني

على طاريكْ كِلْ لحظه .. ولا أحتاج للتذكير
حَريصْ القلب ما ينسَى عيونِكْ , لا توصيني

مَحَدْ يِقْدَر يعَوِّضْنِي لأنِّكْ .. في عيُوني غير
ومَهْمَا شِفتْ أنا الفرحَه .. بدونِكْ ما تسليني

وكيف الحَالْ وشلوني .. جَوابٍ ما يَبي تفسير
بدونِكْ إنتْ , ما تِضْحَكْ حَياتي وترْمِشْ سنيني

مِثلْ شَاعِرْ عِجَزْ يوصَفْ شعُوره وخانه التعبير
أنا ضايع .. ولا أدري مِنْ فراقِكْ .. أنا ويني

مِثلْ طيرٍ كِسَرْ بُعْدِكْ جَناحَه وما قِدَرتْ اطير
أحَاولْ أبْتِسِمْ وأنْسَى ولكنْ وشْ ينسيني..؟!

أشُوفِكْ في صباحي إنتْ مَعْنَى يا صباح الخير
وأشُوفِكْ في مَسَائي حِلْم وردي .. لا تصحيني

تِصَدِّق .. السَهَر يَرْسِمْ عيُوني ويتْقِنْ التصوير
ويشِقْ النُور في صفحة حياتي .. وما ألاقيني

أنامْ شلونْ ومشكلتي عِجزتْ ألقى لَهَا تدبير
طِلَبتْ النُومْ .. لحظاته وعيَّا النُوم يعطيني

تغيَّر وجْهَي .. مِنْ أوَّل غيابكْ وإبْتِدَى التأثير
حبيبي .. مِنْ التَّعَبْ كافي خذيتْ اللِّي يكفيني

يا أغلى مِنْ رَحَل عنِّي يا كِلْ الحُبْ والتقدير
تعَاااااالْ إنْ كان لِي عِندِكْ مَعَزَّه وكان تغليني

تعَالْ: إنْ كِنتْ تعشقني وإذا فِعلاً تبي لي خير
تعَالْ: ومِدْ لِي .. كَفْ الوَصِلْ .. وآمِدْ كَفيني

إذا كانْ الجِفا واجِبْ بدى مِنْ قلبي التقصير
أبيكْ الحِينْ .. تِرجَعْ لِي ولا تِرجَعْ تخليني

أنا ما أقولْ اللِّي صَار فِيني ما هقيته يصير
لأنِّي كِنتْ .. ( مِتأكِدْ ) .. بأنْ البُعد (ينهيييني)

ويل حالي لآنتهى العصر وأعلن الانسحاب
وخلت الشمس الصدارة ومالت للغروب

وأذن المغرب وساد الفضا مثل الضباب
وآنتهى والليل لبس الأماكن لبس ثوب

كلها هانت ولا هنت يا هم الغياب
من محبة صاحبك صرت ياهم محبوب

آخذ ليلك بأوله وآكل واشرب في رحاب
وانت واقع والتمعان في عيونك هروب

صرت أهاب من التزاحم وأنا ما كنت اهاب
وامشي بكيفك لو إني على المشي مغصوب

صرت أجمع من جروحك وكلماتك عتاب
وقبل اقول وشفيك تجرحني أستغفر وأتوب

صرت أحسب الناس ما كنت أحسب لها حساب
وصرت أكذب لأجل ترضى وأنا ماني كذوب

ادري إن الجاذبية تسبب الإنسكآآب
وادري إني منسكب وأدري إن يديك كوب

ماني استاهل كذا منك ياوبل السحاب
لا تبللني وانا ودي إنك ما شروب

يا مسفرني لوجهك ذهاب بلا إياب
يا معزز بالغلا يا مقدر يا محسوب

يا شـيـنـهـــا دمـعـة على خـد رجـال
دمعــة شكت ضيم الزمان وطعونه



دمـعـة صـدى حرمـان ما تستر الحـال
طاحت على خدي وشفت المهونه



شـفـت القــهر والظلم من زود الاهوال
مثل الذي بالضيـق كثـرة ديـونـه



آطـي على جمـر الغضى والحمل مال
والليل يحضنـي بهجعـة سكـونـه



تحـطـمــت بــــدنـيـــتـي كـل الامــال
حتى ضلـوع القلـب قـامت تخونه



فـي خــافـقـي بـرق ورعـد وزلـــزال
وهم مشيد وسـط قلبـي حصونـه



لـي فـي دروب الحــزن مجلس ومقيال
وغيما تحدر مـن عيونـي مزونـها



اسـمع انين الجــرح في القـلب ما زال
حتى النظـر تثقـل عليـه جـفونـه



لقيــت صمتـي خيــر مـن بعض الاقوال
ما دام مبدأ الصـدق مـا يفهمونـه



ان عاش راسـي برفعه وألبـس عقــال
وان مات راسي بالشرف يدفنونه

الصدر ضايق وانت .. ضيقت صـدري !!
وانا معك مـن غيـر وجهـة .. وتحديـد

ياكثـر ماتجرحنـي.. ويـزيـد صـبـري
كنك تقول ازيد ..؟ واقـول لـك : زيـد ..

تقول ياعمري .. واقول : انت (( عمري ))
كنـي وراك اسمـع وش تقـول واعـيـد

احيان اسولف فيك .. واحيـان اهـذري ..

كـنـي اســوي للأحاسـيـس تجـديـد

ماراح تلقي ( صدق ، واحسـاس ) كثـري
وأن كان مانـت مصـدق اعطيـك تأكيـد

غنيت لك ( ياللـي علـى البـال تطـري )
وانـا مـن يديـن الصـبـر للمواعـيـد

ورجعت اغني فيك (ماعاد بدري)
لو وقفت دونك ..سـلوم وتـقاليـد..

اشفق على صوتـك مـع اليـل واسـري
حتـى وانـا جالـس بوسـط الاجـاويـد

ياصاحبـي غزيتـنـي غــزو فـكـري
واصبحت تحكمنـي وانـا .. مقـدر احيـد

مو بس (( احبك )) إلا سلمت لـك امـري
ناقـص .. تجـي وتحـط بيدينـي القيـد

صرت اتمنـى بـس .. يعجبـك شعـري
حتى لو انه ماعجـب زيـد ,, وعبيـد ..

من ويـن أببـدا فيـك والوصـف يغـري
نــور الليـالـي,, واحتفالـيـة العـيـد

تلعـب دلـع .. وانـت الـدلـع فـطـري
أي والله ( العـب فيهـم ) وكيدهـم كيـد

عندك خبر !! صوتك رومنسـي وسحـري
واحساسـك اصلـي مامعـك شـي تقليـد

وزينك على بعضـه ( مميـز وحصـري )
إعجاز بـس اعجـاز مـن غيـر تعقيـد

شعرك .. ولا عيونـك .. أو عـاد تـدري
مــاودي افـتـح عـيـون المقـاريـد

تقبـل احساسـي وحـبـي وشـكـري ..
حتـى لـو انــي ماقطـفـت العناقـيـد

وسلم على قلبك تـرى الحـب ,, عـذري
ودوبـك علـى قلبـي .. فدتـك التناهيـد

أمـا تشـوف لوضعنـا حـل جــذري ..
ولا بـلاش نحـب .. ونعيـد .. ونـزيـد

الله وأكبر يازمـن وشلـون قلبـي [ مـا أستـراح ]
( العيب فيني ) ياترى ولا ( العيوب مـن الزمـن )

اللي بغيته مالفـى ..وأقفـا علـى دربـه وراح .!
واللي رفضته مارحل يضحك وانا عيونـي بكـن .!

لاصار " حظي مركبه " تبقى المصيبه .. ! بالرياح !
تجري " الرياح العاصفه " في عكس ..ماتمشي السفن