![]() |
أنتم لكم وقتٍ تصدّع قصيده اعجبتني تحكي واقع بعض البشر ماني بـ ناسي قصةٍ صـارت وانـا ازور القبـور =لازلـت افكـر فـي غرابتهـا وبالـي تشغلـه ساعة ظهر لي شايبٍ له حول قرنيـن محجـور=في جوف قبرٍ عن هـل الدنيـا طـواه ويعزلـه سلّم وجا صوبي يقول : ابنشـدك يلـي تـزور=عن حالة الدنيا وعن وضع الزمان وعـن هلـه أنا مضى وقتي ومـرّت بـي طويـلات الدهـور=والباقـي بعمـري بعيشـه بينكـم واستكملـه قلت : الزمان اللي يبارينا علـى خبـرك يـدور=الوقت نفسـه مـا تغيّـر ماشـيٍ فـي جدولـه أما البشر , , , لا والله الاّ غير من حد الجـذور=صار انتقالٍ مـن يميـن الـى يسـار المنقلـه استغرب الشايب من الي قلـت وبليّـا شعـور=حط اليمين اعلى الشمال وخاطـره فيـه اسئلـه قال : افتني عن حالة الشيبان والشيـخ الوقـور=أهل الخبر والراي والحكمـه وضـرب الأمثلـه القدوه اصحاب الأمور اللي تطـاع بكـل شـور=اللـي يفضّـون النـزاع ويحكمـون المشكلـه قلت : البعض منهم على ما قلت في وصفك وقور=قدوه ولكن رايهـم مـا ينفـرض فـي مسألـه الطاعه العميـا بقـا منهـا مجاملـة الحضـور=اللـي تلاقيهـا مـع اوّل فـرصـةٍ متنصّـلـه والبعض لا عبـدٍ يخـاف الله ولا عبـدٍ شكـور=لا زهّـده شيبـه مـن الدنيـا ولا هـو جمّلـه بهيمةٍ يرجـع علـى منحـاه الاوّل ومحصـور=فـي لعـب بيلوتـه وريـح زقارتـه ومعسّلـه والبعض الآخر شابت رموشه على درب الفجـور=ينقـل جـوازه للسفـر مـن مزبلـه لا مزبلـه أشيمطٍ زانـي قضـا عمـره بحانـات الخمـور=والعايلـه ورعٍ يغـرّر بـه وبـنـت مهمّـلـه قال : افتني عن حالة الخفـرات ربّـات الخـدور=اللي تصـان بـبيـت عايلهـا و بابـه تقفلـه شيهانةٍ تشمخ عفاف وتصقـل فـروخ الصقـور=بين الفريق بـبشتهـا الضافـي وتـوبٍ تسبلـه قلت : العـذارى فـي زمنّـا ببغـاوات الطيـور=تقليد هرج و عرض ريـشٍ خلفهـا تستخملـه تلبس عباةٍ ضيّقـت حـول الردايـف والخصـور=فضيحةٍ تكشف جسدها مـن علـوّه لـاسفلـه وموضة شيالٍ تكشف الوجنات والـوان الشعـور=والمحـرم تبـدّل بـجـوالٍ بيـدهـا تحمـلـه لا فوّحت صفر الدلال ولا عرفت غـش القـدور=تطبـخ لـهـا خـدّامـةٍ بالعايـلـه متوكـلـه الأم ما صانت عفاف البنت من عمـر الزهـور=والأب ديّـوثٍ تحكـمـه حـرمـةٍ مسترجـلـه وشلـون يتربّـى عيـال ام التبـرّج والسفـور=الاّ خنـازيـرٍ دمـاهـا بــارده ومغـفّـلـه قال : افتني بحال الشباب الصلب صيّـاد النمـور=الفـارس اللـي ينطـح خصومـه بزنـدٍ يفتلـه الوافي الشهم الغيور اللي لعرض الجـار سـور=البار عند امّـه وابـوه وعلـم ربعـه يشغلـه قلت : الشباب بوقتنا وجهه مثـل بـدر البـدور=والجسم من زود الرخا ما تنفتـل فيـه عضلـه قصّـة شعـورٍ صيّرتهـم لا إنـاث ولا ذكـور=والثـوب راح ولا بقـى الاّ عـالـمٍ متبنطـلـه ناسٍ ( فلنتينو ) وناسٍ تلبـس ( كرستانديـور )=صار التنافـس بينهـم فـي لبسهـم والجنتلـه من كان يشرب من قرار البير مشروبه ( بيور )=والبل راعيها غدا يشـرب حليـب ( النستلـه ) مامنهم اللي قام دون اعـراض جيرانـه غيـور=من قام قالوا , , وشـملقّف حضرته ؟ وشـدخّله والوالدين حقوقهم ضاعت وعنهـم فـي نفـور=ان غـاب عنهـم لا تذكرهـم ولا جـاه الولـه بدّا عليهم شلّـةٍ تهـوى الوطـا بيـن الجحـور=لو تعزله عنهم تبـي لـه شـان كنّـك تقتلـه ما راح يوم يشارك ربوعه بحـزن ولا سـرور=حتى ابن عمّه يعرفه بالوجـه واسمـه يجهلـه بدّل حكاه وضيّـع سلومـه وحالـه فـي دبـور=وان شاف ضيف يخش حتى انّه يفـارق منزلـه ناظر لي الشايب بعينٍ تجمـع السبـع البحـور=يقول : انا لا يمكـن ادخـل مجتمعكـم واقبلـه انتو لكم وقتٍ تصـدّع مـن بلاويـه الصخـور=ما يقعد الجمّال به ساعـه ولـو ضـاع جملـه الشاعر محمد بن فطيس |
رد: أنتم لكم وقتٍ تصدّع الله على جمال الشعر وفصاحة المعنى وإلمام الفائـــــــــــــدة ابو فيصل تسلم يمناك على هذا الاختيار |
رد: أنتم لكم وقتٍ تصدّع اخوي ابو الرجال سلمت ودمت على المرورولك مني جزيل الشكر تحيتي |
رد: أنتم لكم وقتٍ تصدّع ابو فيصل سلمت ودمت اختيار جزل لاهنت صح لسان بن فطيس والف شكر على الاضافه الرائعه |
رد: أنتم لكم وقتٍ تصدّع تسلم يمينك يابو فيصل على النقل الجزل تحيتي وتقديري لك |
رد: أنتم لكم وقتٍ تصدّع اخوي العزيز / ابو فيصل اشكرك على هذا الطرح المميز الجميل دمت ودام عزك يا ابا فيصل لك مني لكل تقدير وحترام |
رد: أنتم لكم وقتٍ تصدّع شكراًلك ابوفيصل على جميل الاختياروالنقل وصح لسان الشاعر ابن افطييس وتقبل ازكاتحياتي |
الساعة الآن 05:07 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir