|
استرجلي يـابنــت مابه حــــــــلاحيل بعض المجالس ماتضــم الرجاجيــــل .............. تضم صدقان الرخـــا والحثـــــــــــــاله فيها يدور (.....) لاعسعــس الليـــــل .............. ومافيهم اللي ينتمــي للاصــــــــاله والمجــلس اللي فــاح بنه مع الهيــــل .............. يبكي على رجـال الشيم والشكــاله روّح زمـان اهـل اللحـــى والفناجيـل .............. وياكثر من يحسب يمينه شمــــــاله ماعـــاد بــه الا الكـــدش والمهـــابيل .............. ماعاد بــه ناس(ن) عليهـم تكــــــاله استرجلي يـابنــت مابه حــــــــلاحيل .............. هذا الزمن حنــا غديــنــا عــيــــــــاله استرجلي جعل العـوض فالمقــابـــيل ..............وكلن على ماقيــــــل عـقــله حـــلاله استرجلي يا ام العيون المظــــالــــيل .............. بعض الرجال اليوم يابنت عــــــــــــاله السالـفــه ماهــي تـشـبـّه وتطــبـيـــل ..............السالفـــه حمــــله وضـــد السفـــاله وماهي حشــــا للـه يانـاس تقـليــل .............. لكنهــــــا لـلــي مضيـــــــع عـقـــاله بعض الرجــــال اليوم يحتاج تحليـل ............... ترى الرجوله اعتمـــــد واستقــــــاله استرجلن يالابسات الخلاخــيـــل .............. والقصد واضح والمعـــــــاني رساله مما راااااااااااااق لي |
رد: استرجلي يـابنــت مابه حــــــــلاحيل اختي تعاند صح لسان الشاعر ولاهنتي على الاضافه تحيتي |
رد: استرجلي يـابنــت مابه حــــــــلاحيل صح لسان الشاعر وملاحظته واقيعه ولاكن على الجنسين شكراً تعاند على الاضافه |
رد: استرجلي يـابنــت مابه حــــــــلاحيل أختنا تعاند من يعاندها . ملاحظه في محلها . شكرا على النقل الموفق . تحياتي |
| الساعة الآن 12:24 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir