أمس الضحى عديت في رجـم بنـاق=و محد درى ويش السبب يوم أعـدي
عديت في عاليه يوم الصـدر ضـاق=بغيت أطيب و جيـت منـه امتـردي
يا ليتني عـن نطـة الرجـم منعـاق=و ما اشرفت في رجـم لعلـه يهـدي
يا ليتني ما أشرفت و الترف مـا واق=يا ليتني صديـت و إلا هـو صـدي
و ما شفت ملهوف الحشا مدمج الساق=أبـو تليـل يتعـب الـلـي يـكـدي
يـا الله مـن نـو صـدوق وبـراق=طـاق علـى طـاق ربابـه مسـدي
و إلى تروس و ارتفـع هـل بدقـاق=يجلي الهمـوم و يرتفـع كـل عـدي
حتى حسين الـدل يظهـر و يشتـاق=و إلى وطى ليت القـدم فـوق خـدي
ترى الهوى يا ناس ما هوب ينطـاق=يـا جاهـل بـه لا تلـوم الـمـودي
يلومنـي دب علـى الـزاد مشتـاق=يفرح إلـى مـش الكفـوف متغـدي