![]() |
راكب اللي حول من السفينه بالرصيف ٠٠ راكب اللي حول من السفينـه فالرصيـف=وإنطلق من بحر جده علـى خـط الشفـا مر بالطايـف وردت جماهيـر المصيـف=مرحبـا باللـي لفـا مرحبـا باللـي لفـا وش تقول من التواصيف وإلا وش تضيف=إرسم الغيمه على أربـع عجـلات وكفـا الهنوف اللي تردك مـن الدنيـا إمعيـف=ضايفن منها علـى سكبتـه وجـه وقفـا لاوقف يعدل مزاجه مـن الخـام الخفيـف=مادرى راعيـه هـو يشتغـل وإلا طفـا وإن تهبـد فالمطبـه تهـبـاد الكفـيـف=مشي وضحن فآخر الذود تضلع من حفـا ماعليه إلا أمنية شاعـرن قلبـه نظيـف=لاحقه من جـور الأيـام هجـران وجفـا وده إن الغيم مـدرار والـوادي إمريـف=ونصف شعب المملكه من خوال المصطفـا في نفود السر من شرق داورد وعفيـف=خمسة حروفن مع خمسة حـروف إحلفـا إرفعوها فالمنصه علـى بـاب المضيـف=وإحفظوها وإنحتوها على الصـم الصفـا تثبت أوتادك على البيد يالضلـع المنيـف=مابنتك عـزوم قومـن كسـالا وإضعفـا دونك الهيـلا بالأفعـال والحـد الرهيـف=إن صفـى عجـاج الأيـام وإلا ماصفـا شجرتن ماطير أوراقهـا فصـل الخريـف=في طرفها للخـوي قـوت وظـلال ودفـا مايبت إحبـال الأجـواد رجالـن شريـف=وخاين الذمه من أنكر عـن الحـق ونفـا الظفر معهم خوي والكـرم معهـم وليـف=طيبهم طيب ووفاهـم ماهـوب أيـة وفـا ذا وأنا مانيـب الأول مكـرر والوصيـف=من سبيع اللي على صهوة المجـد إردفـا عزوتن من صيهد رماح لا واد الغريـف=بشتهـم لاشمـرت دقلـة الحاكـم ظفـا فزعة إبن سعود في نصرة الدين الحنيـف=والله مافيهـا كنـيـا ولا فيـهـا خـفـا والحياه أكبر مغره وطيب العيـش زيـف=من عطى لله وجهـه عطـى الدنيـا قفـا مــــدغـــــم أبو شيبـــــه |
رد: راكب اللي حول من السفينه بالرصيف ٠٠ يعطيك العافيه على النقل تحيتي لك |
رد: راكب اللي حول من السفينه بالرصيف ٠٠ هلا بك اخوي عبد العزيز مشكور الله يسلمك ,, |
رد: راكب اللي حول من السفينه بالرصيف ٠٠ لاهنت ذعذاع الشمال على النقل الجزل وصح لسان الشاعر تحيتي |
رد: راكب اللي حول من السفينه بالرصيف ٠٠ مشكور اخوي ابو فيصل ٠٠ |
رد: راكب اللي حول من السفينه بالرصيف ٠٠ والحياه أكبر مغره وطيب العيـش زيـف من عطى لله وجهـه عطـى الدنيـا قفـا المصدر : http://www.alfredah.net/forum/thread...#ixzz1nWHSvyc4 صح لسان الشاعر مدغم ابو شيبه وسلمت ياذعذاع على الاختيار لاهنت |
رد: راكب اللي حول من السفينه بالرصيف ٠٠ صح السان الشاعر وصح الله بدنك بنتظار اختيارك القادم |
رد: راكب اللي حول من السفينه بالرصيف ٠٠ ياهلا فيكم ٠٠ |
الساعة الآن 02:11 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir