|
كم من صقر وقت الشدايـــــــد دجاجه؟ كم من صقر وقت الشدايـــــــد دجاجه؟ احبتي ، اليكم هذه القصيده ، وفي نظري تستاهل النقل ، اتمني توصل لذائقتكم الراقيه ، مـا كـل مــن يضـحـك بدنـيـاه مـسـرور لــو ضحكـتـه دايــم تـحـرك حـجـاجـه ومـا كـل مـن يبكـي مـن النـاس مقـهـور بعض الدموع رخاص من شان حاجه وما كل صادق لو حكا لك من شعور يـا كثـر مــن زيــف المشـاعـر خـراجـه ومـا كـل مـا يخـفـا مــن الـسـر مسـتـور بعض الوجيه ابين من ارهف زجاجـه ومــا كــل بـيـت بـابـه انـصـك مهـجـور كـم بيـت اطفـا الشـح واهـج سـراجـه ومــا كـــل ورد تـزرعــه يـنـثـر عـطــور لــو مــاه صـافــي مـــا يـخـالـط هـمـاجـه وما كل مرهـف قلـب لـو يـزرع زهـور قـلـب يـحـب الـــورد وجـــواه صـاجــه وما كل من يخطـي مـن النـاس معـذور البـعـض يـخـطـي مـــن عـلــوم الـعـواجـه وما كل من يسكت على الظيم مجبـور لجـل الـغـلا سـاكـت ويـدعـي انفـراجـه ومـا كـل راس ضـيـع الفـكـر مسـحـور كـــم راس الــحــب جــــاب ارتـجـاجــه ومــا كــل عـلـه فـادهـا طــب دكـتــور كــم مــن علـيـل وصــل خـلـه عـلاجـه وما كل من شاور حكيم خذا الشـور بـعــض الـبـشـر مـــا يـقـنـع الا مــزاجــه وما كل من سمـي صقـر يشبـه صقـور كم من صقر وقـت الشدايـد دجاجـه ومــا كــل فــزاع لـجـل مـــدح مـشـكـور الـبـعــض مـرجـلـتـه وســامــه وتــاجــه ، ولكم مودتي |
رد: كم من صقر وقت الشدايـــــــد دجاجه؟ وما كل من يسكت على الظيم مجبـور لجـل الـغـلا سـاكـت ويـدعـي انفـراجـه المصدر : http://www.alfredah.net/forum/thread...#ixzz1m6YY3tRt تستاهل النقل والفايف والاعجاب اهنيك ابو الرجال على الذائقه الشعريه الرائعه حقيقه اختيار رااااااااااق لي لاهنت |
رد: كم من صقر وقت الشدايـــــــد دجاجه؟ اقتباس:
أخوي ابو حمد وأنت تستاهل الشكر الوافي على المرور لقد تلقيت الاعجاب الله يحفظك تقديري لمرورك العاطر |
| الساعة الآن 10:37 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir