من عاشر الدنيا وسـوت لـه افـراح=وشـارك غلاهـا بالشراييـن دمــه
ما ظنتي يرتـاح لـو قـال ابرتـاح=يـزود عمـره والمشاكـل وهـمـه
واليا حصل له يوم من برجها طـاح=داست عليه ولاتقـل جـت بـه امـه
ان اقبلت كلـش لهـا صـار مفتـاح=يجيـك غايبهـا ولـو منـت يـمـه
واليا ادبرت قطْعَت مع الليل مسبـاح=بارضٍ وعر صعـبٍ خرزهـا تلمـه
والمال عذروبه وجوده مـع الشـاح=صورة عسل من راح له جـاء يذمـه
يصد عن واجـب صديقـه اليـا لاح=ما يـدرك المعـروف بعيـال عمـه
والله خلق كـلٍ علـى الكـون فـلاح=وحصـاد مـا يبـذر نهـار المطمـه
في موقفٍ تجنى الخسايـر والاربـاح=ولا للبشـر غيـر المساريـن يمـه
احدٍ ليـا سافـر معـه زاد وسـلاح=واحدٍ يسافـر مـا معـه كـود كمـه
ولاخير في نجواً تكشـف بالاصـلاح=وحثٍ على المعروف والصبـر قمـه
ومن شاف نفسـه عاليـه بالتبجـاح=وغيّـر عـدوا آدم مسـاره وخمـه
يرسم له الصوره على شي ما يبـاح=ويوعـد ولكـن الـوعـد مايتـمـه
ومن جاب لك نقله ولوا كـان مـزاح=الهـرج بالغايـب بـلامـدح نـمـه
ومن يزرع الصبخا يـدور بالامـلاح=بـاع الغنـاه ومحـور الفقـر ظمـه
واللي يعد السيل لوشـاف ضحضـاح=دايم عن الواقـع يجـي فيـه زمـه
ويازين فرقا اللـي يسبـك ليـا راح=وبعدٍ عـن الـداب ومـلاذه وسمـه
ويا ما اصعب الغبه على كـل سبـاح=اليا ارتفع موج البحـر فـوق جمـه
اخذت مـن بعـض المعانـي تلمـاح=والعود يشرونه علـى شـان شمـه
وصلوا عدد ما الورق فوق الشجر ناح=على الرسول اللي نصح كـل الامـه

المشاركة الأصلية كتبت بواسطة خلف الفريد (المشاركة 247076) اقول موضوعك على الراس ياريم=فيه اجتهاد وفيه صدق النوايا وقل التجاوب مايكدر مفاهيم=ولا يضر لو مرّت الاسماء عرايا نوبٍ يصير بداخل الجو تعتيم=وعن جيشنا تنشق بعض السرايا وانا اعتبر موضوعك اليوم تكريم=لكن ضيوفك مانظروا للصنايا وتقبلي مني تحية وتسليم=وعسى الردي دايم لمثلك وقايا العود